ملتقى طلاب وطالبات جامعة الملك فيصل,جامعة الدمام - عرض مشاركة واحدة - الاختبار الفصلي مادة [مهارات الكتابة الادارية]~

Dr. nsroon · 2013- 11- 6

اقتباس:

المشاركة الأصلية كتبت بواسطة قمر15

السلام عليكم ورحمة الله
اولاً الحمد لله على توفيقه واحسانه وكل واحد اخذ نصيبه
الدكتور من حقه يحط الاسئلة على كيفه هو دكتور المادة
المشكلة مو بالدكتور المشكلة فينا احنا يوم صدقنا بعض الاعضاء انهم راح يتساعدون وينظمون الاسئلة واحنا اعتمدنا عليهم ويمكن بعضنا ما فتح المادة ولكن للاسف خانو بالموجودين المساكين ولا اصلاً مرو عليكم بالملتقى واذا مرو فهم بالخلفية ياخذون خير محاولاتكم ولايعطونكم شي
ماودي اقول اسمايهم لانكم عارفينهم من هم بما فيهم مشرفين ومشرفات واعضاء مميزين وعضوات مميزات بالصبغ الوردي؟؟؟؟؟

صراحه فيهم من صدق وحضر ويشكرون ع مجهودهم
اللخبطه كانت موجوده والضغط ع الموقع هم موجود
اهل التنظيم واللي تعرفونهم بشطارتهم ومتأملين فيهم خانو فيكم
والله ع ما اقوله شهيد انهم اخذو النماذج من هنا اللي نزلوها المساكين واطلعو فيها خارج الملتقى وحلوها وهم كانو متواجدين في قروب الواتس اب
واكملو حلهم وجلسو يتطمشون عليكم
واتوقع فهمتو كلامي ويمكن بعضكم توه يصحى من نومه بعد كلامي هذا
الدكتور اسئلته واضحه وصريحه ولو تأملتو فيها لوجدتوها اغلبها او كلها من الواجبات
اللي حفظ جميع نماذج الواجبات السابقة ما احتاج الي الشرائح ولا لاي احد وسوف ياخذ علامة كاملة
انا صراحة ارسلت للدكتور ايميل قبل تقريباً شهر وطلبت منه تنزيل الواجبات بعد اغلاقها حتى تكون مرجع لنا قبل الاختبار النهائي ورد علي بكل احترام وتقديربتنزيلها بعد اغلاقها وننتظر باذن الله ذلك
الدكتور جداً متعاون ولكن اطلب منكم الصبر وعدم الاساءة لاننا مسلمين ولايجوز ان نقذف احد وهو ما اخطاء
فالخطاء منكم انت بعد ماصدقتو الوعود الكاذبه واهملتو المذاكرة
شكراً لكل من شارك وعسى ربي يوفقكم

كلامك مردود عليك
يعني تنصحينهم بشيء انتي ما تطبقينه ؟!!! عجبي

للعلم جميلتي : العضو - المشرف - المميز - المراقب - الاداري قبل اللقب هذا يكون طالب
هو ملزوم بنفسه وبس .. اما عن صلاحياته ؟! فابشرك ان صلاحيات المشرف تنظيمية فقط لاغير
"اغلاق - حذف - تثبيت .. خلافها" يعني حلول الواجبات والاختبارات هو مش ملزوم فيها . .
الطالب ملزوم بنفسه .. واسمه اختبار فصلي يعني مجبوووور يذاكر
واذا ما يبي يذاكر وينتظر الحل كفوه 0 من 10 اما اللي عنده ضروف فالله يعينه يقدر يقدم عذر للكليه
وهم ذكروا هالشيء من اول الترم

اما تجين هنا وتنتقدين مالك حق .. ليه ؟ لأن اصلا الاختبار يخص الطالب نفسه والمفروض هو بنفسه اللي يحله موب الاعضاء
بس كعمل تطوعي فتح الموضوع .. اللي يبي يساعد حياه واللي مايبي مع السلامة مو مجبور
وليتك اخذتي لفه على موضوع هاو ار يو حق نماذج الاختبار قبل لا تحكين
اخيرا مثل ماقالت احتويني اذا مره كاسرين خاطرك المساكين جمعيهم بقروب وساعديهم واسحبي على الملتقى

..

شكرًا لكل من ساهم في الحل او تعاون وتساعد في حل الاختبار .. جزاكم الله خير وفي موازين اعمالكم يارب