|
رد: الاختبار الفصلي : اخلاقيات العمل
اقتباس:
المشاركة الأصلية كتبت بواسطة كائن غير طبيعي
الله يهديك يا αмjαḋ
ورطتينا مرتين اخذ 9.5 والسبة الأجوبة حقتك فيهم خطأ السؤال الثاني أولهم وما ادري ويش الثاني
ضاعت محاولاتي بسببك الله يصلحك بس
يعني دامكم حاطين صفحة للأجوبة لا تنزلون فيها إلا اللي متأكدين منه الله يعافيكم
وإلا لا تحددون الإجابات كذا كل من نزل إجابه حددتوها
الله يهدي الجميع بس  |
رديت عليك بالخاص وهذا ما يمنع اني ارد عليك هنا كمان عشان لا احد يدرعم ويحط السبايب براس امجاد
امجاد نزلت الاسئلة حق اول محاولة وانا اللي اعتمدت ردها لتجميع الاسئلة والاجوبة فيه
+ اللي حل كل الاعضاء وهذي حلولهم يعني لو بينلام احد بننلام كلنا واولهم انا
بعدين تعال : ليه ورطتك ؟؟ لانك اخذت حلها ؟ طيب اسمه اختبار يعني المفروض تذاكر وتحل بنفسك
بس حنا هنا تطوعيًا منزلين الحل ان اخذنا 10 خير وبركه وان اخذنا اقل الحمدلله على كل حال
يكفي تعاوننا وجبنا اغلب الاجابات الصحيحة
ياليت الواحد يتعب على نفسه شوي قبل لا يلوم غيره 
+ اللي اعرفه منك انك شاطر يعني ما تحتاج تنقل من احد الاجابة اللي شكيت فيها كان غيرتها بدون لاترجع لرد امجاد
|