|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
يآصاحبي لاتشكي الوقت و الحال
خل الذي في قلبك اليوم خافي
ما كل حكيٍ يا أبيض القلب ينقال
ولا كل عمرٍ من شقى الحال غافي
رح و أشتكي للي له الكل رحّال
و أرفع كفوفك له ترى الله كافي
و أعرف ترى كلٍ من همومها شال
و لاعاد شفت اللي من الهمّ صافي
ماأنت الوحيد اللي شكى الوقت و الحال
وما أنت الوحيد اللي له الوقت جافي
أكذب عليك أن قلت لك خالي البال
ياما مشيت الدرب و النور طافي
همي بقلبي يالخوي اتعب الحال
دمعي بعيني متصل يوم قافي
أنت الرفيق اللي به الكون ما مال
لا ضاق صدري منهم القاك لافي
ترى غلاك اليوم ثابت و لا زال
و لا عاد أبي ربع القلوب المقافي
خذني يمينك وأبشر بذرب الأفعال
لأمشي معك لو وين كان أنجرافي
أقسم قسم أنك على الراس تنشال
خذ من قصيدي وشوف جل أعترافي
|