|
للي مابدأ مذاكره مثلي...
السلام عليكم ورحمة الله وبركاته
كيف الحال اخواني واخواتي علم اجتماع ان شاء الله الكل بخير واحسن حال يارب
المهم ندخل بالموضوع باقي ع الاختبارات مايقارب 40 يوم الــــمهم الي مابدا المذاكره يجي يشوف
باقي وقت لاتخافون للمذاكره وان شاء الله الي بسوي هالجدول بكفيه الوقت وزياده
ماراح اقولكم كل يوم تذاكرون 7محاضرات او 8 لا بسهل عليكم لان الكل عنده ظروف او نفسيته
ماتستعد لزيادة محاضرات .gif "(204)")
لو نقول كل ماده نحط لها 3 ايام مذاكره مثلا مادة الحضارة الاسلامية 14 محاضرة نبتدي مذاكرتها مثلا بكره تذاكر 5 محاضرات فقط واليوم الي بعده 5 محاضرات فقط والي بعده 4 محاضرات وبس تكون مخلص الماده وباذن الله مايجي وقت الاختبارات الا وانت مخلص 
ولااحد يقول اوه قربت الاختبارات ومافي وقت وانا مابديت شي لالالا عندك وقت وممتاز بعد
مثلي انا عندي 8 مواد لو اخلي كل ماده لها 3 ايام يعني في 24 يوم رح اخلص كل موادي باذن الله وكل يوم بس اذاكر 5 محاضرات 
يعني رح يمديني اراجعهم بعد لان باقي وقت ع الاختبارات اذا عندي مثلا حل واجب او تحميل محاضرة او مراجعة اسئلة وكذا...
وبس والحمدلله رب العالمين واسف على القصور بس حبيت ارفع معنوياتكم للمذاكره لان عندكم وقت بس مو معناها تقولون بعدين نبتدي لا قولوا مثلا نبتدي من بكره او بعد بكره او بالكثير من يوم السبت الجاي ويوم السبت تاريخ 13/1
لو نقول على طريقتي موادي 8 كل مادة لها 3 ايام رح اخلصها بالكثير بـ25يوم واذا ببتدي من يوم السبت رح اخلص باذن الله في تاريخ تقريبا 8/2 والاختبارات تبتدي في تاريخ 21/2 وبس 
واسف على هذرتي وبربرتي بس حبيت نرفع من معنويات الاجتماعيين ويلا شدوا الهمه وباذن الله الاسئلة سهله وربي يوفقني ويوفقكم ياااارب 
التعديل الأخير تم بواسطة mo7d ; 2013- 11- 11 الساعة 01:37 AM
|