على جرف الزمن كلّ الأمآآني كآآس .. !
[ALIGN=CENTER][TABLE1="width:95%;background-color:black;border:4px inset gray;"][CELL="filter:;"][ALIGN=center]
تغانم ما بقي فـ القلب : والإحساس .. !
........... ـ ترى بعض القصايد منْك : حسّاسه .. !
ينوش الصبْر بعضٍ من نبض وانفآس .. !
........... ـ ولك من شاعرك : ما يجمع انفآسه .. !
علامي بسّ اشوفك في وجيه : النآس .؟
........... ـ وانا اللي لـ اجل حبّك : تآركٍ نآسه .. !
فرآقك : ليل ؛ وابيات الووجع : عسّاس .. !
........... ـ ومات الصبح قبْل يمووت : حرّاسه .. !
ترى الأحلآم : ناس ؛ وعرقها : دسّاس .. !
........... ـ واشوف الحلم ينكر فـ الحشا : ساسه .. !
لو انّ الغدْر : شيمه ؛ ما اشتهر : جسّاس .. !
........... ـ لـ ذلك وقتي اشهر من : قوى بآآسه .. !
علآمي لا زرعت الحْلم ينبت : فآآس .. ؟
........... ـ وانا حلمي كريم ويطلبه : فآآسه .. !
على جرف الزمن كلّ الأمآآني : كآآس .. !
........... ـ ولا منّه تعدّل .. ينكسر : كآآسه .. !
على الحالين نبكي والدموع : اجرآس .. !
........... ـ وكان الحلم : عين ؛ ودقّت : اجرآسه .. !
وانا وش حاجتي لو قيل لي : حسّاس .. ؟
........... ـ ترى الشاعر يهيم بـ كذبة : احسآسه .. !
تخآفين الجفى ؛ والقرب ؛ والمجلآآس .. ؟
........... ـ اجل وش حيلة اللي بعدك : اتعآآسه .. ؟
ليا منّه نوى يبعد يجي : محتآآس .. !
........... ـ ولا منّه قرب يتعبْه : مجلآآآسه .. !
حلمنا ثم حلمنا بسّ دون : قيآآس .. !
........... ـ يا ليت الحلم بيّن : وش هو قيآسه .. !
خذلنا الوقت يا بنت الشررف ؛ لا باس .. !
........... ـ بـ يبقى حلمنا : مرسم .. وكرّاسه .. !
وانا اْعرفك المطر يوم الضلوع : يبآس .. !
........... ـ قبْل كم يوم عاد الضلع لـ : يباسه .. !
كسرك : العُرف ؛ ليله وانحنا لك : رآس .. !
........... ـ على صدرك تعآلي واحضني : رآسه .. !
تعآلي من سوآلف ظلمنا : هوجآآآس .. !
........... ـ ابسرح فيك : عقدٍ ؛ يلمع : المآآسه .. !
وهاتي : حرف فرحه ؛ ينعش : القرطآس .. !
........... ـ الا يا حبْر شاعرها .. وقرطآآسه .. !
ترى شاعرْك يسهر ما لفاه : نعآآس .. !
........... ـ يبي يحلم بـ قربك ؛ ردّي : نعآسه .. !
وهو لا شاف وجهك في وجيه : النآس .. !
........... ـ يضحك ضحكةٍ لـ النآس ][ حسّاسه ][ .. !
الشآعر / طلال القريني
[/ALIGN][/CELL][/TABLE1][/ALIGN]
التعديل الأخير تم بواسطة فنوُ * ; 2013- 11- 11 الساعة 07:05 PM
|