ترى من جد أكرهها ياعالم ناشبة فيني
تغير دايم الأرقام على عشان أرد أكلمها
لعنت اليوم ذاك الي جمع نظراتها بعيني
وصرت أتمنى ذاك اليوم يجي فجأة وأودعها
حرام أقول يا فلانة روحي لا تحبيني
وحرام أبقى معاها كذب على أني أطاوعها
حرام أكسر محبتها و أبين قولة أنسيني
وحرام أكذب على نفسي على أني أنا معها
أنا أذكر قلت أبي أرحل قالت لا تخليني
وصار الدمع على الخدين يغير من ملامحها
وقالت لا رحلت أنت جعل موتي يناديني
مع أني قاسي معها كأني كنت أدلعها
طفلة لينت قلبي و دلتني عناويني
وذبت أنا معها صدق وصعب أني أفارقها
خذت روحي بلطافتها وميانتها تسليني
وصرت أخشى دموع العين تنزل من مدامعها
وصار الكون في كفة وهي صارت تكفيني
ملاك.. لا حشا و الله عجزت أني أشبهها
وكل ما أشوفها والله أقول أنتي توديني ؟؟
أخاف أنها تصرفني مثل ما انا أصرفها
يا عالم شكلها بتقول ترى هذا نشب فيني
و أصير أنا الغبي الي يفكر بس يكلمها...!!!