2010- 5- 7
|
 |
متميز في الفنون الادبيه
|
|
|
|
|
آحبج
أنا إنسان مع نفسي قبل ماأكون معاك إنسان
ولي مبدأ ولي نظره وتحكمني قناعاتي
أحاسيسي حقيقه ثابته بالوصل والهجران
أنا طبعي إذا حبيت أحب بكل حالاتي
منادي والنداء نابع من الوجدان للوجدان
إذا ماينطق إحساسي حديثي يشبه سكاتي
غموضي في الهوى تصريح سره يفضح الكتمان
ونظرات الوله والجد هي أجمل عباراتي
ولا أجامل أحساسيسي ولاأقبل بالهوى إحسان
ولا للمصلحه ياسيدي دور بعلاقاتي
أحب الصدق وأعمل به كسبت أوكنت أنا الخسران
ولوصدقي يخسرني تشرفني خساراتي
ولوينسى زماني مانسيت الشوق والخلان
<رفيق العمر> لويقسى معاناته معاناتي
على كثر الخطا غافر ولا أغفر غلطة الخوان
جزاه الصد والفرقا ولوعاندت رغباتي
ولولا العفو ماأخطينا ولانحيا بلا غفران
خطايانا دليل إنا <بشر> وإن الخطا ذاتي
على <صدر الزمن> بكتب شعوري موعد وعنوان
تعرف الشوق لوصارحتك بسر ابتساماتي
<هلا بك> ياأصدق شعور دخل قلبي بلا استئذان
<هلا بك> ياالصديق اللي نثر وجهه على أوراقي
وفت لك كل أحاسيسي ولا بعد <الوفا> نكران
وسمعي بالوفا يخرس حروف الود بشفاتي
<أحبك> والهوى نعمه وحبك نعمة الرحمن
ولوكان الهوى غلطه حبك كل غلطاتي 
|