المشاركة الأصلية كتبت بواسطة زهره الربيع

احنا كان عندنا أختبار وكان عليه محاولتين وصاحبتي لابتوبها فجأه علق وراحت عليها المحاوله ولما اصطلح ردت دخلت الأختبار مره ثانيه وعلق عليها مره ثانيه يعني بصراحه المفروض ينعاد لها شذنبها اذا لابتوبها علق كذه فجأه وتروح عليها 30 درجه ؟مارح يضر فتح الأختبار للي صابهم ضروف مره ثانيه (انا حطيت نفسي محلها )
وغير كذه في دكاتره مايحطو لنا الا محاوله وحده حزه لو خرب النت احنا شنسوي؟مافي نت ماينقطع فجأه حتى الدكاتره نفسهم بالمحاضره المباشره بيصير عدهم خلل يعني حالنا من حالهم الطالب مايقدر يعرف اذا النت بيفصل عليه او لا انا مره دخلت اختبار وكان النت شغال تمام والأرسال كويس وفجاه بنص الأختبار حسيت انو خلاص بينقطع علي قمت شبكت من شبكه ثانيه انا حزتها بغى يوقف قلبي لن 30 درجه واجد ومارح يعذروني
وهذا رايي الشخصي

المشاركة الأصلية كتبت بواسطة صعب آنساك

أنا أتفق مع أخوي ناطور في اللي قاله في جزئيه وأختلف معه في جزئيه ثانيه !!.. »» ما يحب يجامل على حساب نفسه ..

* أتفق معاه في إن الجامعة مش مفروض تحمل الطالب مسؤولية تامه لأعطال النت أبداً مفروض يكون فيه مرونه شوي ،، لسبب بسيط إنه النت عندنا في السعودية أي كلام صراحة .. وأتوقع هم يدرون أكثر مننا ، والدليل إنهم هم بأنفسهم أكثر من مره تواجههم مشاكل في أنظمتهم وبداية السمستر الأول والثاني اللي فاتت أكبر دليل ..
راح أضرب مثال بسيط ؛ أمس كان عندنا خلل في المقسم اللي في شارعنا والنت قعد مفصول من العصر إلى وقت متأخر من الليل !! .. من السبب ي تُرى ؟!..
أنا أشوف إن الجامعة طالما هي تاخذ رسوم وتدخل ملايين من هذي الرسوم ، غير الدعم اللي يجيها من الحكومة ، تسوي آليه معينه تعرف من خلالها إن الطالب تضرر في الاختبارات بسبب إنقطاع في النت أو أي سبب تقني ،، وما أعتقد إنها صعبه أبداً ، لأن العمليه برمجيه بالدرجة الأولى ويقدروا يعرفوا أشياء أكبر منها .. بالتالي يسمحوا للطالب يعيد الإختبار ..

إحنا طلاب تعلم عن بعد وكل إعتمادنا بالدرجة الأولى على الانترنت ، والانترنت معرض للمشاكل في أي وقت وبدون أي سبب من الطالب ... مثل الطالب اللي يداوم إنتظام ، ممكن وهو رايح يختبر في الجامعة يصير له حادث ويمنعه من الإختبار بالتأكيد راح يعذرونه ويعيدون له الاختبار ..

* أختلف معاه في نقطة الرسوم ، حقيقة أنا أعتبر الرسوم معقولة جداً بالنسبة لباقي الجامعات السعودية و حتى الجامعات الخارجية ،، بالإضافة إلى التقنيات والإضافات اللي تتميز بها جامعة الدمام عن غيرها برضوة تعتبر الأفضل ،،
غير إنه الطالب لما جا يسجل هو عارف مُسبقاً كم رسومها وأيش المطلوب عليه فَ المفروض يكون جاهز مادياً للدراسة من حيث الرسوم وكل ما يتعلق بالدراسة من كتُب وطباعة وغيرها


- أخوي ناطور من حقك تروح تتظلم للجامعة وتعطيهم المُسببات اللي منعتك ولا تتهاون في حق من حقوقك ، الجامعة أخذت حقها مادياً وفي المقابل لا بد تقدم خدمات ترتقي لطموحها وطموح الطالب معاً ،، من خلال تجربتي الدراسية ترا الجامعة متعاونة إذا وجدت ما يقنعها من ويقيم الحجه عليها ، ليست متعنته ولا مستبده في قراراتها ..

أنصحك أن تزورهم في موقعهم وتقابل تحديداً الدكتور صالح الراشد - وكيل عمادة التعليم الالكتروني والتعلم عن بعد


بالتوفيق ,,