|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
من عرفت العلم وأنتي الليالي سرمديه
والوصول أغلى طموحات الفتى بأول شبابه
والمهابه ما تهادت غير لنفوساً رديه
ليت في قلب الليالي للفتى قدر ومهابه
دنياً تجمع صفاتين الخجل والعنجليه
كنها بنتاً يزود بحسنها ثقل وذرابه
يوم جتني تمتحني في زمان الجاهليه
جيتها رجلاً تحلى في تقاليد الصحابه
بالعطا تبخل علي وبالعذاب تموت فيّه
عشتها قلباً رحوم يكره الضيم ويهابه
بس أبدري وش نهاية وصلها وآخر هديه
هو صحيح أن القصايد للجريح أول عذابه
من عرف لك يا الليالي وأنتي أكثر من هويه
من تلحف في ترابك مقتنع باللي جرا به
من قدر يفرظ طموحه في زمان المعمعيه
من من الناس يتجرأ يتركك وأنتي ترابه
السؤال يعيد نفسه والأجابه مبدئيه
ليت والله ما تكوني مبدئيه يا أجابه
الرحوم يخون ناسه والخوي ينسى خويه
والقلوب اللي تخالط ودها صارت تشابه
والخلايق ما تسوي طيبها جود وحميه
كلنا نضحك بوجه مبستم للغدر نابه
لو يصير الموت راعي كل أبونا له رعيه
لا زعل نزعل ونرضى لا رضى حضرت جنابه
والله أني ما نويت أفتح ملفات القضيه
لكن أني شفت شيً يفقد العاقل صوابه
يالحياه أنتي غديتي والغرابيل أجوديه
كنك اللي ما يميز بالخطا غير أرتكابه
ما عطيتي غير جرح ولعن أبوها من عطيه
والله أنك ما عطيتي خير للقلب وصوابه
خاينه ما أنتي عزيزة خافقي يا الأجنبيه
جنبي عني وأجنب عن مداهيل الغرابه
وباخذ بدرباً يردك للقاء روحه وجيه
يا يموت بدرب ولا بدفن القلب بضبابه
وأن ذبحتيني تمني رجعتي وأبكي عليّه
لين تملين المحاجر بالبكا حزن وكآبه
وأدفنيني بين ظلك والخيوط العسجديه
لو لقيتي بعد موتي واحد بنفس الصلابه
شاعراً قدم قصيده لأغلب أيامك ضحيه
بين ناساً ما يطيقون القرايه والكتابه
يا زماني لو بقى للشعر في صدري بقيه
بكتبه وأرسم خيالي للورق وألوي سرابه
وكان ردت للعناد وعودت للمقدريه
والله أني ما أتنازل لين أعديه السحابه
يا زمان ممتلي به وأبتلى فيني بليه
لاتلوم اللي يخونك كان له عقل ولبابه
بقفل القلب المشقي عن هبايبك العتيه
ودق بابه من بعدها لو قدرت تدق بابه
الحياه اللي تسمي لعبة الشاطر خطيه
ما تساوت في عيوني مع جناحين الذبابه
أذكر أني كنت عايش بالليالي الأوليه
وأذكر أني كنت عايش بأحضان غابه
ما عرفت الا عباره مثلها مثل الوصيه
عيش عمرك ذيب تسلم من مخاليب الذيابه
|