السلام عليكم ورحمة الله وبركاته
قبل ما ابدى حبيت ابين ان الكلام اللي راح اكتبه من تجربة عشتها في قسم الرياضيات
من ناحية الدكاترة فيهم اللي طيبين و فيهم اللي لأ
فيهم اللي يجيب أسئلة مفهومة و فيهم اللي لأ
انا مستحيل انسى نوع المعاملة السيئة اللي تعرضت لها وقت ماجيت اطلب توصيات و لا نوع النظرات اللي تعرضت لها مع اني كنت انسانة محترمة بالمحاضرات و أشارك و درجاتي ممتازة الى حد ما
فيه دكتورات زي العسل و في دكتورات الله يسامحهم على طريقة معاملتهم
انا حسيت بمذلة عمري ماراح انساها و ان شاء الله اقدر اكمل دراستي بعيد عن هالجامعة و اجوائها انا ندمت اني دخلت هالقسم مع اني دخلت لحبي للرياضيات
بس كانت تمر علينا اختبارات تعجيزية اما لعدم توفر الوقت ااو ان الدكتورة تشرح في المحاضرة فكرة بسيطة و في الامتحان تجيك الأفكار الغريبة اللي مفروض ان تحلينه وانتي ماعندك أي خلفية عن طريقة الحل لدرجة ساعات تجي اسألة قوانينها نكون ماخذينها من 3 سنين !!!! هل يعقل هذا الشي
غير ان بعض الدكتورات تجي تغير في طريقة توزيع الدرجات بدون مراعاة لنسبة الأقلية اللي راح تتضرر بهذا الشي
حبيت اشكر دكتورات كثار
هدى الخرساني
اروى الهاجري
هيا التميمي
رشا العيسى
زينب الصوفي
أستاذة ريم السبيعي
نبيلة
سمية
ربي يجزيهم كل خير ان شاء الله
ربي يوفق الجميع يارب