وهذه المحاضره التاسعه.ايضا نبه عليها الدكتور وحفظ التعاريف بها ،،
هنا شرح منقول ،،
بسم الله نبدأ
Reference تعني إشارة أو إحالة
اول شي نفهم انواع المرجعيات عشان نفهم هالنقطه
المرجعيات 3 أنواع اللي هي مرجعيه شخصيه Person ومرجعية مكانية يعني تشير الى مكان Spatial ومرجعيه زمانيه تشير الى فترة زمنيه Temporal
فيه كلمات وعبارات مانقدر نفهمها ولانفهم الى ايش ترمز الا لما نفهم السياق الكامل
وهالكلمات ماتشير للمعنى من نفسها لا الكاتب يستخدم اللغه بطريقه تمكنا من فهمها عن طريق الاشارات لاشياء شخصيه وزمنيه او مكانيه
الاشارات ممكن تكون اسماء او ضمائر
مثال : لما نقول Friend or she or Jennifer هالكلمات لحالها ماتُعرف اي شي يتوقف معناها على استخدامها ولمين نقولها
كمان الاشارات نستخدمها لما نوصف مثل : رجل اسمه مستر كوزاكي دايما يقود الموتورسيكل تبعه بالحاره بسرعه وبصوت مزعج ممكن نستخدم الاشاره المرجعيه معاه ونقول له موتورسيكل بدل مانقول اسمه يعني صار ينعرف بهالشي والموتورسيكل هنا تشير للرجل او الشخص
مثال ثاني بنت اسمها ساره دايما لابسه هيلز لما نتكلم عنها نقول جت الهيلز او الهيلز اليوم غايبه وهكذاااا
Presupposition
الفرضيات : يعني لما المتحدث يتكلم يكون مفترض ان المستمع على علم بالموضوع اللي يتكلم عنه
مثال : لما يقولك احد اخوك ينتظرك برا هنا افتراضيه واضحه انك فاهم او تعرف ان عندك اخو
مثال ثاني: لما احد يسألك ليه تأخرت ؟ افتراضية انك تأخرت فعلا
مثال ثالث : استشواري خربان فرضية ان عندك وتملكين استشوار
Politeness
التهذيب : يعني نكون مؤدبين مع الناس عامة ولطيفين وحلوين
لكن هنا وفي دراسة اللغويات معناها يتعلق ب Face اي الوجه هو اهم شي هنا لانه يمثلك يمثل صورتك ومشاعرك
فمثلاً لو قلت شي او كلمه فيها تهديد لشخص يُعرف هنا هالتصرف ب face-threatening act
مثال لما تقول لشخص : Give me that paper! هنا دليل ان عندك قوه او مكانه اعلى من مكانه الشخص اللي تطلب منه يعطيك الورقه
والعكس لما مايكون عدم مكانه اعلى او سلطه على الشخص اللي بتطلب منه يعطيك الورقه صيغة طلبك بنتغير وكذلك تعبيرات وجهك وبتصير صيغة طلبك Could you pass me that paper ?
هنا تصير ممكن تمرر لي الورقه يعني تطلب ماتأمر مثل الجمله اللي فوق
Negative and Positive face
هنا ماتترجم على انها ايجابيه او سلبيه لا هنا تترجم على اساس مستقله او غير مستقله
مثلا شخص يكون سلبي مو معناتها سيء لا معناتها يحتاج يكون مستقل له حرية بالتصرف والعمل بدون مايرتبط بأحد ولايفرضها عليه أحد
والشخص الايجابي يحب يكون عضو بمجموعة ويشتغل مع ثانين يعني متعاون