ساعة ملاقاك من همّي تفرّغني
و ساعة غيابك تسممني عقاربها
فقيرك يعوز وصلك , والله المغني
مقتول في حاجته من قبل يطلبها
جيتك على درب واحد لا تراوغني
والمسألة كلما تسهل تصعبها
محبتك كلما قرّبت , تلدغني
لو كنت مؤمن بفرقانا ؟ فلا أقربها
خطاي انا اللي بعد ما قلت لك صِغني
جملة بقلبك نسيت اطلبك تعربها
انا ادري انك ولو ما قلت مستغني
قريتها في عيونك ليه تكتبها
لكن طلبتك قبل ما تروح بلغني
يمديني أجهز جروحي وارتبها