|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
رعاك الله يا ذكرى ليالي اللي تمر البال
تذكرني سعاده يوم أغمض وأبحر بفكري
تغير حالي المنهك طيوف الحب لأفضل حال
تباعدني عن الدنيا ومافيها ولي عذري
أنا العاشق عشقت الشمس والقمره غلا وآمال
أنا المغرم ومازال الغرام يهب في صدري
أنا الماضي وأنا الحاضر وأنا مستقبل الأجيال
أنا لي في إيديني لعبة الأحلام من بدري
أنا الأفراح والأرباح والفايض وراس المال
أنا الأفكار والأسرار وأدفن في الفضا سري
بعيد هناك ما ينشاف وأن شافوه ما ينطال
أعيشه بيني وبيني وكل الناس ما تدري
أصابر وأتصبر وأعرض حروفه حكم وأمثال
ومهما راحت الدنيا بأهلها ما نفذ صبري
فمان الله وحفظ الله وتبقى دايمن في البال
فمان الله يا شخصن مع عمره خذا عمري
|