|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
انتظرتك بالوعد كلي عتاب
.............. ويوم شفتك صرت انا كلي عذر
صاحبي واللي خلق يوم الحساب
.............. مالقيت الا انت لي منك مفر
لي سؤال ٍ في عيونك له جواب
.............. وفي عيوني من عيونك له قهر
ليه أحبك ؟ وانت لي هم وعذاب
............... ليه قربك نار وفراقك جمر
ليه أشوف الكون من دونك خراب
.............. ليه اشوف اليوم بغيابك دهر
ليه اصدقك ومواعيدك ..سراب
.............. ليه أكذّب جيّتك لي وانتظر !!
ظالمي حلّفتك ب ربّ الكتاب
.............. ليه كل ماجيت اعاتبك ..اعتذر ؟!
السما لاجلك تغار من التراب
.............. كل نجمة ودها ب ارضك حجر
كل زين ٍ من حلا زينك يهاب
.............. وكل عطر ٍ وده انك له عطر !
وكل عمر ٍ لك يبي عمره شباب
.............. وكل درب ٍ منك يتمنى أثر !
الحضور ان غبت غار من الغياب
.............. والغياب ان جيت رافقك وحضر
علّ قلبي لانسيتك للذهاب
.............. وعلّ عيني لاسليتك للسهر
ليتني مابين كفّك والخضاب
.............. وليتني أبعد عليك من القمر
وليتني لك جرح وازيدك صواب
. وللعذاب اهديك من عمري عمر
كيف افسّر لك شعوري في خطاب
.............. كيف احسسك بعذابي بالشعر ؟!
كل حرف ٍ لانزفته منك ذاب
.............. وكل قاف ٍ لاصرخته ي ن ك س ر
صاااحبي .. بموووت من كثر العتاب
............... إلتفت لي , واعتبرها لك عذر !!
|