ياليل البعارين .. وش ذا الخبر الي مايسر .. انت متاكد ولا سوالف ليل . . الله يرضى عليك مثل ها الامور مايستهين الواحد فيها احنا مقدمين على اختبارات وحوسه مع ها الملخصات لي يومين طبع ونسخ وفي الاخير نسمع ها الكلام .. مو صحيح .. انا بنفسي رايح للجامعه بالاحساء وقابلت مدير مجمع التربية الخاصة قبل اسبوع بالضبط وسالته من ناحيه مسمى الشهادة وقلت له هل هي تعليم عن بعد او انتساب مطور .. واجاب لي بالحرف الواحد قال انتساب مطور وشهادة معتمده ولافرق بينكم وبين المنتضمين اللهم الا في مسمى الشهادة فقط وراح يكون لكم في اخر مشواركم العلمي بالجامعه اختبار تطبيقي وراح يحدد لكم كل على حسب منطقته يعني يحدد في عده مناطق راح يكون هناك عقد مع مدارس او معاهد نطبق فيها ..
زبدة الكلام الله لايهينك عندك شي يفيد اخوانك واخواتك المنتسبين بحيث يكون من مصدر موثوق مع ارفاق مايثبت كلامك قله اما كلام سمعت او شفت ترى ملينا من ها الكلام الناس مقدمين على اختبارات مابقى الاكم اسبوع وانت جاي الله يهيديك تقول تم الغاء الانتساب .. يعني بلعقل الناس تتعب وتخسر وتجتهد وتفرغ الوقت الكبير للدراسة والاهتمام وكذلك الجامعه والمشرفين عليها من دكاترة ومحاضرات اخرتها قبل امس محاضرة مباشرة للدكتور الصحة واللياقة ..
الصراحه كلامك مايدخل العقل ولافيه من الصحه اي شي .. اتمنى الواحد ينزهه نفسه عن بعض الامور الي هو في غنى عنها ..