مساء الخير على الجميع .....
طبعاً أنا ما يأست وكل ساعتين من يوم بدأت مشكلة تحميل المحاضرات المسجلة أكتب إيميل لدعم الفني ... المهم في واحد رد علي منهم وبدأ يسألني أسأله عن الجهاز الي أنا أستخدمه وإنه يمكن المشكلة من جهازي الخاص ... طبعاً أنا وضحت لهذا الشخص الي كان يراسلني من الدعم الفني إني متخصص كمبيوتر (Microsoft Computer Engineer) وأنا داخل الجامعة تخصص إدارة أعمال كاتخصص ثاني بعد ما خلصت التخصص الأول وتوظفت .... سألته كم سؤال وبعدها إقتنع إنه المشكلة مش من جهازي وإنا في مشكلة موجوده عند أغلب الطلاب والطالبات وإن المشكلة من Tegrity Server... يعني أجهزتنا المسكينه مالها ذنب مثل ما يقولون دائماً.
طبعاً أعطاني حل مؤقت وقالي إنه راح يساعدني في الوقت الحالي إلين يحلون المشكلة من عندهم وأكد لي إنهم في تواصل معا (Tegrity) عشان يحلون هذي المشكلة وطلب مني إني أنزل هذا الحل المؤقت للكل في المنتدى عشان يستفيدون منه ... أنا نزلت الحل الي أعطاني إياه معا التنبيه إن هذا الحل "لا يسمن ولا يغني من جوع"
طبعاً ... الحل "خربوطي" وثاني يوم أرسلت له إيميل وإيميل وإيميل ... في الأخير الساعة 10:30 بالليل طلب مني إنه يدخل على جهازي الخاص عن طريق (Online Remote Desktop) نزلت البرنامج الي طلبه وجلس يحوس ويدوس على جهازي إلى الساعة 11:30 وقالي بعدين إن الإنترنت بطيء عندي ونزل لي برنامج Download Manager ولكن نفس المشلكة لازم أحمل محاضرة وحدة فقط لا غير ... وأغلب الأحيان يكون في مشلكة في التحميل ولا يكمل إلى النهاية ... وعلى فكرة الإنترنت عندي ممتاز مش بطيء مثل ما يقول.
اليوم أرسلت إيميل إلى الأستاذ (صالح الراشد) معا إيميل في المنتدى كان صاحب الموضوع يقول إنه هذا الإيميل خاص بمشاكل الطلاب في الجامعة.
منتظر حل المشكلة ... منتظر رد الأستاذ صالح ... منتظر رد الدعم الفني ... ما أدري إلى متى راح أنتظر والطلاب والطالبات ينتظرون وتتراكم المحاضرات المسجلة علينا كل إسبوع.
لا أقول إلا .... (صبرُ جميل والله المستعان)