2013- 11- 26
|
 |
أكـاديـمـي نــشـط
|
|
|
|
المذاكره ونسيان
يسعد صباحكم / مساكم
حبيت أفيدكم بالطرق ألي تساعدكم على المذاكره والحفظ
@ حاول انك تغير المكان ألي تعودت عليه وقت الاختبارات طلق غرفتك بالثلاث
لان الملل من المكان مايساعد على التركيز والانتباه
@ التعاريف المهمه حاول انك تجمعها بملخص هالشيء بيسهل عليك المذاكره والحفظ وإسترجاع التعريف
وقت الاختبار
@ حاول تشغل أكثر من حاسه وقت الحفظ يعني عيونك على ألي تحفظه لسانك حاول تطلع صوت يعني ماتحفظ بقلبك وحاول تكتب بعد إذا خلصت من الحفظ وشف شلون راح يركز
@ أحيانا يكثر علينا التعداد ونخلبط بينهم حاول رسم أي أشكال بجنب التعداد علشان يذكرك فيه مثلا
لو كان من ضمن التعداد نقطه مثلا تحكي عن الطقس إرسم شيء يدل على الطقس شمس مثلا او أي شيء
@ التعاريف مثلا الصعبه لحنها وغنها على أي مقطع من الاناشيد وربي تركز بقوه بس إنتبه تهز رقبه وإنت تكتب الحل بالاختبار ..
@ إذا جاك مقارنات واجد ماكثر الله غير أخوانك وعيال أخوانك وإذا إنك مقطوع من الشجره شبه على هندي بقالتكم المهم أي كائن حي وإربط بينه وبين المقارنات أحيانا مثلا مقارنات بالامراض بسم الله عليهم كل واحد حط به مرض بس لاتنسي تحفظ الدواء لاتخليهم مرضى على طول
@إذا طفشت من المذاكره إنسدح على ظهرك وإبدا بالتنفس بقوه صدقني تروح الضيقه والطفش
وإذا كلش ماراحت إفتح القرآن وإقراء آيتين وسكريه سبحان الله أحس انه يتجدد نشاطي للحفظ
@ حط بالك شخص غالي عليك ابوك امك وقول يستاهلون ألي يفرحهم بالنتيجه الحلوه بكذا راح تزيد همتك وإذا تذكرت النجاح بعد أحلى وأحلى
@ إحتسب الاجر بالشيء ألي تسويه علشان تحول عاداتك إلى عبادات تؤجر عليها
@بالاخير عسى ربي يوفقكم دنيا وآخره
ودعواتي لكم بالتوفيق
|