ملتقى طلاب وطالبات جامعة الملك فيصل,جامعة الدمام - عرض مشاركة واحدة - مذاكرة جماعية "ملخصي" لـ(مهارات التعلم والتفكير) [312 سؤال]

أبو الحارث · 2013- 11- 26

اقتباس:

المشاركة الأصلية كتبت بواسطة ليــــــن

اخوي ابو الحارث انا لاحظت انك ذاكرت المقرر وودي اسألك انا لما تابعت المحاضرة المباشرة الدكتور يقول لازم نشوف المحاضرات المسجلة مع المحتوى

نكتفي بملخص هتان والا اتابع المحاضرات ؟

وبالنسبة للمصطلحات الانجليزية معنا او لا ؟

والله يعطيك العافية

للأمانة أنا تابعت أول ثلاث محاضرات من المحاضرات المسجلة نفسها؛ ما أبالغ إن قلت أن المحاضرة الأولى المفروض ما تطول أكثر من ربع ساعة لأن محتواها قليل، والمحاضرة الثانية محتواها نفس محتوى المحاضرة الأولى؛ لكن مثل ما انتي شايفة كل وحدة مدتها تقريباً ساعة كاملة! نصفها تقريباً حول مواضيع خارج المنهج. الأستاذ جزاه الله خير قاعد يجتهد في تقديم النصح والوعظ على أساس أننا طلبة جدد تنفعهم مثل هذي النصايح.

الدراسة من المحتوى (من وجهة نظري) تكفي لتغطية المحتوى والمطلوب. لخصت المحاضرات من المحتوى ومن ملفات هتان؛ وبعد ما انتهيت من عمل التلخيص قارنته مع الاختبارات القديمة؛ كل الأسئلة كانت موجودة بالملخص (المأخوذ من المحتوى)؛ بعض الأسئلة كانت صياغتها ماتشبه الصياغة الموجودة في الملخص فنسختها من الاختبار مثل ماهي مع بقية الأسئلة.

الحين بقى تقريباً 24 يوم عالاختبار؛ والمفروض الآن تبدأ مرحلة "الدراسة الذكية للاختبار"، عن نفسي أعتبر انتهى وقت الدراسة من المحاضرات المسجلة (إلا لمراجعة النقاط الغير مفهومة)؛ لأن الوقت ضيق جداً الحين؛ أنك تدرس من المحتوى وتنهي مادة خلال 3 أو 4 أيام بمقدار استيعاب 90%، أفضل من أنك تدرس مادة لأسبوع أو أكثر من المحاضرات المسجلة باستيعاب 100%؛ لأن بهالطريقة تكون ضحيت بأثمن شيء تملكه في هذي المرحلة وهو "الوقت".

أما المصطلحات الإنجليزية، راجعت ثلاث اختبارات قديمة، ماجا به مصطلحات إنجليزية.

موفقين.