والله يا اخي انا مستوى ثاني .. والى الان محتاره .. وخاطري اغير تخصصي
مع ان علم الاجتماع تخصص حلو ... وانا دخلته لانه مشابه لعلم النفس وكل منها يدرس المجتمع والمشكلات الاجتماعيه والفرد وسلوكياته .. يعني فيه نوع من المتعه
بس الحفظ نغص علي هالتخصص .. وانا افهم اكثر من ما احفظ ..ومرات افكر اغير تخصصي ومرات اقول لا
عموما انت بإمكانك تسوي نفسي وتدخل كليه اداب اي تخصص ماعدا ادارة الاعمال لانها تابعه لكلية الاداره .. واول سنه بتاخذ مواد عامه مشتركه بين علم الاحتماع والانجليزي والدراسات الاسلاميه والتاريخ والجغرافيا والعربي ...وبعد السنه تكون حسمت قرارك وتختار التخصص اللي بتستقر عليه ..
بس اذا تبي شهادتك للشغل والشركات والبنوك والمؤسسات .. انصحك بادارة الاعمال .. مجالها السوق والتسويق . لكن فيها نوع من الصعوبه . يعني اذا مخك مو حسابي لا تدخلها .. وخليك على تخصصات كلية الاداب
لكن لا اخفيك يا اخي تخصص الادارة جميل ايضا وانا كان ودي ادخله بس بغبائي سجلت كلية اداب علم اجتماع واذا بحول الان من كليه الاداب لكلية الاداره .. بتروح المواد اللي درستها على الفاضي ..وببدا من جديد ... الا اذا حولت داخل تخصصات الكليه نفسها مايروح عليك شي من المواد ... يعني لاتغلط غلطتي وركز باختيار الكليه قبل التخصص ..
وبس دعواتك لي