الطيب فرصـه والجمايـل توافيـق
ومن لاتوفـق ماكتـب لـه جمالـه
ومن لارقى للطيب روس الشواهيق
مـازان لـه وقتـه علـى مابدالـه
ومادام لفعول الجمايـل عشاشيـق
كسب الجمايل ما يجـي بالسهالـه
ولو انها تشرب مـع فكـة الريـق
كـل خذالـه كـل ماأصبـح بيالـه
والطيب منوه للقلـوب المشافيـق
كـل يتـوق ومنوتـه راس مـالـه
والمدح مايزهى على الرجل ويليـق
الا لا صـارت وافيـات خصـالـه
يستاهلـه رجـل يفـك المزانـيـق
اللي يقـال ونعـم لا جـاء مجالـه
ومن ساقته نفسه وهو مابعد سيـق
لأجـل الجميـل يزيـن الله فـالـه
والمرجله ماهـي بتحتـاج تنسيـق
من بين قلب اللي عشقهـا وبالـه
ومن عادة الدنيا تخـون المواثيـق
تفتـر مكرتهـا سـواة المحـالـه
ولو لا اللوازم ماعرفنـا المخاليـق
مانعـرف الرجـال ليـن أنعنـالـه
والكفؤ تظهر فزعته حـزة الضيـق
وينشاف في الشـده بعيـن العدالـه
نسـل الرجـال متعبيـن الملاحيـق
متوسط مـن بيـن عمـه وخالـه
واللي يطيق ولا بغى قـال ماأطيـق
تحـرم عليـه المرجلـه والشكالـه
والهينه تكبر على الـلاش والهيـق
له في الرخاء قاله وفي الضيق قاله
والطيب شاره والضمايـر صناديـق
واللاش طيبـه مـا تعـدى ظلالـه
وأنا أسبر قلوب الرجـال المغاليـق
والصامت أقطع غايته مـن مقالـه
ومادام في الدنيا رجـال ومطاليـق
نصيتهـم والـلاش مالـي ومالـه
والمدح مايزهى على الرجل ويليق
الا لا صـارت وافيـات خصالـه
يستاهله رجـل يفـك المزانيـق
اللي يقال ونعم لا جـاء مجالـه