ملتقى طلاب وطالبات جامعة الملك فيصل,جامعة الدمام - عرض مشاركة واحدة

Dr. nsroon · 2013- 12- 1

صباح الليل

بالتدوينة السابقة كتبت

اقتباس:

كان شرطها الإلتزام ثم الإلتزام ثم الإلتزام
احس بسبب هالشغلة بتطردني بيوم من الايام ههههههه

الحرمه ناقده علي لي 3 ايام ما داومت هههههههه < بداية موفقه

اكثر شيء اسعدني انها اعطتني الثقه من البداية
عكس وحده جت تتوظف ما ارتاحت لها وقالت مش حتكمل معانا لانه باين انها لعابه ومو حقت شغل
اليوم الثاني البنت اعتذرت

يوم قالت لي انها تجيد قرآءه الاشخاص حسستني بالثقه

الشغل ممتع بس اكثر شيء يفجعني يوم يكون عندها تصوير او دي جيه وتطلع للحفله من بعد المغرب
واجلس بالحالي بالاستوديو < ماقد سويتها واخلي ترجعني معها يعني تقفل الاستوديو من بدري بسببي

للحين ماحصلت لي شريكه وآخر وحده جت كانت لعابه و ابي اقولها اني بترك لو مالقيتي احد بس استحي منها
وكمان اخاف اركب مع السايق بالحالي ومغربي كمان < فيس مفجوع
كل يوم اخلي اخوي يطق معي مشوار ويرجع بالتاكسي وبالليل ياخذ التاكسي ويجيني يرجعني مع السايق
< شايفين المشورة
طبعا كل هذا بسبب انه محد معي < مسكينه يا انا

بس ما انكر اني استمتع خصوصا لاجيت اعدل على صورة وزهقت شوي اسمع المسؤولة مشغله الدي جي تجرب الاغاني الجديدة
خصوصا انه اسلامي مافيه موسيقى مزعجه كله دق حماس ماتشوفون غير الرقبه شغاله والرجل تهز يمين ويسار
ههههههههههه الحمدلله انه الدي جي برا مكتبي ولا كان انفضحت