المشاركة الأصلية كتبت بواسطة صعب آنساك

يا حبيبي .. الليل وسماه ..

ونجومه وقمره .. قمره وسهره

وإنت وأنا.. يا حبيبي أنا .. يا حياتي أنا..

كلنا .. كلنا.. في الحب سوا ..

والهوى آه من الهوى

سهران الهوى يسقينا الهنا .. ويقول بالهنا .. يا حبيبي

يلا نعيش في عيون الليل

ونقول للشمس تعالي تعالي بعد سنه .. مش قبل سنه

دي ليلة حب حلوه بألف ليله وليله ..

بكل العمر .. هو العمر إيه غير ليله زي الليله

إزاي أوصفلك يا حبيبي إزاي

قبل ما أحبك كنت إزاي

كنت ولا إمبارح فاكراه .. ولا عندي بكره أستناه..

ولا حتى يومي عايشاه..

خدتني بلحب في غمضة عين ..

وريتني حلاوة الأيام فين ..

الليل بعد ما كان غربه مليته أمان

والعمر إللي كان صحرا أصبح بستان

يلا نعيش في عيون الليل

ونقول للشمس تعالي تعالي بعد سنه .. مش قبل سنه

دي ليلة حب حلوه بألف ليله وليله ..

بكل العمر .. هو العمر إيه غير ليله زي الليلة

يا قمر ليلي .. يا ظل نهاري يا حبي .. يا أيامي الهنية

عندي لك أجمل هديه ..

كلمة الحب إللي بيها .. تملك الدنيا وما فيها

واللي يفتح لك كنوز الدنيا ديه ..

قولها ليه ..

قولها للطير .. للشجر .. للناس

لكل الدنيا ... قولها ..

الحب نعمه ... مش خطيه

الله محبه .. الخير محبه .. النور محبه ... يا رب

تفضل حلاوة سلام أول لقا في إيدينا

وفرح أول ميعاد منقاد شموع حوالينا

ويفوت علينا الزمان يفرش أمانه علينا

يا رب ....

لا عمر كاس الفراق المر يسقينا

ولا يعرف الحزن مطرحنا ولا يجينا


وغير شموع الفرح ما تشوف ليالينا

يا حبيبي ....

يلا نعيش في عيون الليل

ونقول للشمس تعالى تعالى بعد سنه . مش قبل سنه

دي ليلة حب حلوه بألف ليله وليله...

بكل العمر .. هو العمر إيه غير ليله زي الليلة ..

ونقول للشمس تعالي بعد سنه . مش قبل سنه

دي ليلة حب حلوه بألف ليله وليله...

بكل العمر .. هو العمر إيه غير ليله زي الليلة ..