|
رد: معلومات قيمة تفيدك في التسجيل للفصل الدراسي الثاني 1435 هـ "كلية الآداب"
.،؛،.
 رابع نقطة هي شرح بعض الخانات الموجودة في الجداول:
فيه خانات أساسية موجودة في كل الجداول لازم تنتبهين لها وانتي ترتبين جدولك،
وحاولت اني أكتبها حسب الأهمية والأولوية :
أولاً : خانة "متاح للكليات" لازم يكون فيها رقم "74" لأنه هو رمز : كلية الآداب
يعني أييييي مادة مافيها هالرقم اعرفي من البداية انها مو لك ،
ممكن بعض المواد تشوفين فيها 74 وفيه أرقام ثانية معك ، هذي عادي خذيها..
ثانياً: خانة "متاح للتخصصات"
طبعا هالخانة تختلف من طالبة إلى طالبة حسب التخصص اللي هي فيه ..
وانتبهوا ان الخانة ممكن يكون فيها أكثر من رقم ، يعني انتبهوا واقروا كل الأرقام ..
والأرقام هي :
"7435" = الآداب العام >> هذي تلقينها عند المواد العامة ..
"7401" = تخصص الدراسات الإسلامية
"7402" = تخصص اللغة العربية
"7403" = تخصص اللغة الانجليزية
"7404" = تخصص التاريخ
"7405" = تخصص الجغرافيا والنظم الجغرافية
"7406" = تخصص علم الإجتماع والخدمة الإجتماعية
"7407" = تخصص الإعلام والاتصالات
ثالثاً : خانة "المتطلبات السابقة"
هذي ضروووووووووووري تنتبهون لها >< لأنو لو سجلتي مادة فيها متطلب انتي مادرستيه ترى ماراح يقبلها البنر >> وساعات يقبلها عادي بس المفروض انه ما يقبلها !
طبعا عادة بتكون فهالخانة أرقام حالها حال الخانات اللي قبل ؛ انتي اضغطي على الرقم وبيطلع لك اسم المتطلب السابق للمادة ..
وهذي بعض المواد العامة اللي فيها متطلبات :
اللغة الإنجليزية العامة (متطلب) لـ اللغة الإنجليزية قراءة + اللغة الإنجليزية كتابة
النحو التطبيقي1 (متطلب) لـ النحو التطبيقي2
مدخل إلى تقنية المعلومات (متطلب) لـ برامج الحاسب المكتبية
برامج الحاسب المكتبية (متطلب) لـ الانترنت والاتصالات و قواعد البيانات
رابعاً : خانتي "ساعات" و "الشعبة" :
انتبهي لعدد الساعات لكل مادة ورقم شعبتها ؛ ودقققققي على رقم الشعبة ،
لأنو مثلا "اللغة الإنجليزية العامة" أساسا في الاسبوع الواحد 4 ساعات ، يعني محاضرتين ،
وهم في الجدول كاتبين جنبها ساعتين ، طبعا هذا عشان يوضحون لك وقت المحاضرتين..
يعني بتلقين نفس رقم الشعبة ونفس الـ CRN مكرر مرتين تحت بعض ..
وطبعا لازم تسجلين في نفس الشعبة ..
هذي غالباً تكون في اللغة الإنجليزية العامة واللغة الإنجليزية قراءة وبعض مواد تخصص الإنجليزي .
هالصورة - تراها قديمة - فيها توضيح لهالنقطة تقريباً :
خامساً : خانة "الأيام" :
طبعا هم كل يوم حاطين له رمز وهذي إن شاء الله انها واضحة .. وهم أساساً حاطينها في موقع الجامعة ..
هذا الجدول يوضح رمز كل يوم :
الآن تغير ما فيه السبت صار ( خ : الخميس )
سادساً : خانة " الوقت" :
هي تقريباً واضحة ، بس حبيت أنبه انهم يتبعون نظام الـ 24 ساعة ،
يعني الساعة 1 الظهر يكتبونها 13
2 الظهر = 14
3 العصر = 15
وهكذا
أيضاً ركزوا على الدقايق ،
لاحظوا فيه محاضرات من 11:15 - 12:55
وفيه محاضرات من 11:30 - 1:10
فـ انتبهوا لها ..
سادساً : خانة "CRN" :
هذي أهمممممممممممم خانة تحتاجينها في التسجيل على البنر ..
إذا ألحين شفتي المادة وناسبك وقتها ويومها وقررتي تسجلينها عندك ؛
أهم شي احفظي رقم الـCRN وهو بيكون مكون من خمس أرقام..
سابعاً : الخانة الجديدة المهمة جداً "حالة الشعبة":
بيكون فيها إما :
متاحة : مفتوحة وتقدرين تسجلينها
غير متاحة : أعتقد معناها ان الكلية ما بعد تفتحتها أصلاً >> مو متأكدة بس أتوقع انها كذا !
ممتلئة : للأسف امتلت من الطالبات وسكرت الشعبة
هذي أهم الخانات الموجودة في الجدول ..
يتبع ... 
.،؛،.
|