بعد ما تكونين عرفتِ الخطة حقتك وشفتِ المواد في الجداول تبدئين ترتبين لك جدول ،
كل وحدة ولها طريقتها في الترتيب و هذي مجرد "طريقة مقترحة" أتبعها في ترتيب جدولي ،
يمكن تناسب أحد ويستفيد منها ..

الطريقة بسيطة جداً ،
أول شي جيبي ورقة كبيرة نوعاً ما ، ممكن ورقة A4 أو دفتر كبير
وسوي جدول فيه الأيام والأوقات اللي تبين تداومينها ،
مثلاً ، هالجدول قسمت الأيام من الاحد إلى الخميس ، والأوقات أخذت الأوقات الصباحية ..

مثل كذا :


الآن روحي شوفي الخطة ، واعرفي المواد اللي بتاخذينها ،
شوفي المادة وأوقاتها اللي تناسبك والدكتور اللي يناسبك ، واكتبي كللللل الأوقات المتاحة
مثل هنا حطيت مادة "التلاوة والتجويد لـ وفاء الجعفري" :




لو تلاحظون اختصرت اسم المادة بكلمة وحدة بارزة عشان يكون أسهل

وكملي بقية المواد بنفس الطريقة ، اكتبي كل الأوقات الموجودة اللي تناسبك
>> هنا أضفت "النحو التطبيقي2 لـ آمال البدري "



بعد ما تكونين كتبتِ كل موادك بتشوفين الجدول مزحوم طبعاً
ابدئي اختاري الشعب المناسبة وحطي عليها دائرة بقلم مخالف


بكذا بتكونين شايفة جدولك كامل قدامك
طبعاً هذا مجرد مثاااال لشرح الطريقة ، مو جدول حقيقي كامل !

أهم نقطة هي :

لما تستقرين على جدولك افتحي لك مفكرة في الكمبيوتر ،

وارجعي لجدول الجامعة الأساسي ، وانسخي منه كل أرقام الـ CRN للمواد اللي بتدخلينها