2013- 12- 3
|
#69
|
|
متميز بقسم اللغة الإنجليزية - التعليم عن بعد
|
رد: اللقـاء المبـاشر الثـالث والأخيـر لـ مادة ( القراءات والمطـالعـات )
اقتباس:
المشاركة الأصلية كتبت بواسطة lo0lla
كلامي موجه للناس اللي مو عاجبها الدكتور وتبي كل شي بالساهل وبالحفظ وامش مو لازم الحصيله العلميه
ولا الناس اللي داخله التخصص تشوه سمعته وخلاص.. يعني خريج انجليزي وحياته كلها حفظ ووقت التخرج مااستفاد اي ولا راح يفيد حتى نفسه ..
واعتقد كلامي مافيه شي خارج عن الذوق والاحترام لاحد عشان تقولين الكلمه الطيبه ...
بالنسبه لهالماده نعم اعيدها واقول ابدا مو صعبه وتكرار لثلاث مواد درسناها من بدينا ندرس هنا ولا بتقولين عكس كذا !!!
عشان كذا اقول سهله وادري فيه اختلاف قدرات وو... لكن هذي القدرات يفترض انها منتقاه لان مو اي احد كفؤ يدخل اي تخصص ..نفس الجامعات الثانيه ...
بالنسبه للغويات يالغلا ..الحمدلله ماعندي اي مشكله معها فتحت الماده وخلصت منها وماشفت فيها الا المتعه ماده جميله جدا وجديده لكن قلت ممكن اللي بتقول صعبه بعذرها لانها هي اللي فيها صعوبه حسب قدرات الشخص واستيعابه اما باقي المواد هي نفسها مادة الانجليزي كتابه وقرائه والانجليزي العامه اللي سبق ودرسناهاوكل اللي هنا اجتازوها .. ونفس النقاط تحديدا سبق ومرت عليهم ..كيف اجتازوها !! لانهم بالاساس مافهمو ..اللي كانو يحفظون هم نفسهم اللي يعانون الان لان الغلط في سياستهم من البدايه
الانجليزي عمره مايمشي بالحفظ وهذا اللي قلته لان قدامهم مستويات اصعب ومواد اكثر تعقيد يمديهم يصححون ويفهمون ولايحطون اللوم على الدكتور
عموما ماني حابه ادخل في نقاشات واللي قلته لاني احب للناس الخير وابيهم يهتمون بالفهم ويتركون سالفة الحفظ ونسخ لصق من المحتوى لانها ماراح ترجع عليهم بفائده مستقبلا...
والسبب الاهم لانه تهمني سمعة الجامعه اللي نتخرج منها
وماابيها تكون جامعه اي كلام.. زي ماينقال الان
لان بالاخر ماراح احد يقبلنا اذا شافو خريجين الجامعه فاشلين ..درجات عاليه بدون حصيله عاليه
|
بالنسبة للقدرات هذا شي طبيعي. هناك ناس ما شاء الله لديهم محصلة قوية في اللغة وهناك طلاب يبي ليهم يشتغلوا على عمرهم وخاصة أن التخصص لغة انجليزية وكل شي يدرسوه بالعربي 
جاني واحد الله يستر عليه بيخلص تخصص اللغة الانجليزية وعرض علي بحث التخرج تبعه وأعوذ بالله مني ومن شري, عندي خبرة بسيطة في كتابة المقالات ونقطة من بحر كيفية عمل البحوث. خلينا انشوف ايش استفاد طيلة الأربع سنوات من تخصص الانجليزي:
أبيه يتكلم انجليزي ما يعرف ينطق حرف واحد ويقول لي يبي يدرس "لو انا عندي مدرسة أهلية أو معهد لغة إنجليزية مستحيل أوظفه أصلاً" فاقد العلم لا يعطيه. You can't teach what you don't have. طيب خلينا انكمل.
قريت البحث, قلت له هل هذه كتابتك, هل انت عندك المقدرة تكتب بهذا الإسلوب المتقدم؟ قال ليي لا انا بس اخذتها من الانترنت وبعض الكتب. رديت عليه " يعني ما أقدر أقول أن هناك مصداقية لكتابتك لأنها مصروقة و لانها مو قد مستواك اللغوي والكتابي. " سكت... قال "ايش الحل"
شرحته له: "قلت لازم اتسوي كذا وكذا ومقابلات بنفسك واستنتاجك للبحث وهناك استبيان تقدر تسويه لإتجاه البحث"
هذا الإنسان الله يستر على الجميع يا رب: اعتمد على الطريق السهل "الحفظ, الترجمة للعربي بشكل بحت, المذاكرة أخر اسبوعين" وفي النهاية خرج بدون محصلة لغوية, ما يعرف شي في تخصصه ودائماً يلوم غيره في فشله "الدكاترة ما يشرحوا عدل (عنده نقطة في القليل منهم لا تعم الجميع) ما فيه وقت, انا عندي عيال, أنا موظف"
الطريق السهل هو انك تحط عقبات قدامك وصدقني بتحس بالراحة لما تلوم شيء ثاني غيرك وهذا تاريخه ينتهي خلال سنتين من الآن (إذا ماشي على الخطة الدراسية)
الطريق الأصعب هو انك تتوكل على الله وتبذل جهدك من المذاكرة وتطوير نفسك في تخصصك سواءً أكاديمياً او في المحادثة اليومية وحتى لو سمح الله حملت مادة بتستفيد أن الطريقة اللي ذاكرت فيها كانت خطأ وبتصحح الخطأ وفي النهاية بتتخرج بمعدل ممتاز وبتقول "الحمد لله معدلي عالي وما جبت على طبق من ذهب"
في النهاية الخيار لك
|
|
|
|
|
|