وأحس فـي ريقـي جفـاف ونشايـف

من كثر ما ني ضامي الشوق ملهـوف






كنـها تنادينـي بحـمـر الشفـايـف

وشلون لو بالعيـن أشوفهـا شـوف؟!






تنباج عـن بيـض الثمـان الرهايـف

على الهوى في بسمةٍ تنطـق حـروف






مع نظـرةٍ بيـن الرمـوش الرفايـف

فال السعد في لحظها يرتعـش خـوف






وشلون أوصفهـا بكـل الوصايـف؟!

ما مثلها شيءٍ من الوصف موصـوف!






أوصافهـا عنهـا حروفـي قصـايـف

بحر القوافي دونهـا حيـل مقصـوف






ذاك النحـر والجيـد فـوق الردايـف

ويلي ؛ عليها ..يصْفق الكف بكفـوف






روضـة ربيـعٍ فـي مـلاك الطرايـف

شوف العدو عنْها من الشوك مطـروف






رعبوبـةٍ ؛ فيهـا المفاتـن حصايـف

كم عاقلٍ من شافهـا صـار ملقـوف؟!

نقل جمييل جداً

الله يعطيك العافيه

مشكوووره