الإستثمار المحاضرة 5
أول شيء تعرفوه ومهم جدا إنه الإستثمار المكون الرئيسي للإنقاق المستقل الكتاب ص146
المقصود بالإستثمار إنه عندك فلوس تبغي تشغليها بحيث تجيب لك عائد ما .... سواء كانت بمشروع أو إنك تحطيها بشيء معين زي تشتري قطعه للسياره بدل القطعه الخربانه وكذا
الإستثمار نوعين
1\ مستقل ويعني إنك تشتري فيها قطع للسياره يعني هي ماراح تجيب لك عائد مباشر ... ( الإستثمار المستقل عن التغير في الدخل )
2\ الاستثمار التابع هو يعني انك تشغلي فلوسك بشيء وتستثمريه زي مثلا تشتري وتبيعي بالذهب أو بالأسهم هذه الاستثمارات متقيده بسعر السوق .... فهذا الاستثمار التابع ( الذي يتأثر بالتغيرات التي تطرأ على مستوى الدخل او استجابه للطلب الكلي )
الآن الشيء المهم في هذا كله ..
سعر الفائدة والإستثمار
الحين لما تروحي تبغي تسحبي قرض وقالوا لك والله سعر الفائدة 3% بينما إنتي لو انتظرتي شهر وسحبتي قرض يكون سعر الفائدة 2% طبعا سعر الفائدة هنا اللي هو مثلا إنك اخذتي قرض ب100 ألف لو سعر الفائدة 2% ترجعيها للبنك 102 ألف ريال .. وهكذا
فلما يكون سعر الفائدة مثلا 5% حترجعيها للبنك 105 ألف فإنتي إش أفضل لك ترجعي للبنك 102 الف أو 105 الف أكيد 102 ألف .... أي لو استثمرتي وسحبتي قرض بسعر فائدة أقل 2%
نفهم من هذا إنه العلاقة بين سعر الفائدة والإستثمار عكسية كل مازاد سعر الفائدة قل الإستثمار والعكس صحيح