هاك قلبي من يميني ليمينك . . . . عالجه من سم طعنات الوشايا . . . .
يامغادر كل مافيني سجينك . . . . للسهر والهم عقلت المطايا . . . .
ماغفيت الا على ترديد >> وينك . . . . نمت في غدراك وعيوني عرايا . . . .
ولو حنيني صار في ليله حنينك . . . كان قدمت المحاجر لي هدايا . . .
كيف تسرق خافقي ما أقوى كمينك . . . . صرت تملك خافقين اكبر بلايا . . . .
كيف انا عودت انا صيدة خافقينك . . . . . كيف ونا لجلك ارد السرايا . . .
كيف بعد الود مابيني وبينك . . . . صرت أنا في دنيتك باقي بقايا . . . .
ليه ماراجعت نفسك مع قرينك . . . . يمكن انك كنت مخطي بالبدايا . . . .
لو تبي تعرف غلاك الله يعينك . . . . من مكانك عد إلى ماله نهايا . . . .
عندي إغلا من غلاك لوالدينك . . . . والغلا ماقلله كود الخطايا . . . .
اه ليتك طير ونتف ريشتينك .. . . .وثني سبوقك وسوي بك سوايا . . .
يمكن افعل شي مايرضاه دينك . . . واستغفر الله من سود النوايا . . .
يوم شفت رموشك تخاطب جبينك . . . . قمت أهذري والمس كفوف المنايا . . . .
لاتسلهم خلني مع جمرتينك . . . . ودي اطفيها و أولعها سنايا . . . .
لو حسبناهم ضحايا معجبينك . . . . ما كبر ذنوبك وياكثر الضحايا .. . .
ودام قلبي والمشاعر مشترينك . . . . جعلهم لعيونك السود فدايا . . . .
ارجع وتكرم مدينه لجل عينك . . . . لجل ما اكسر خاطرك بين الحنايا . . . .
عبدالله بن عماره ..~