2013- 12- 13
|
#14
|
|
صديقة كلية إدارة الأعمال
|
رد: حافز و طاقات
السلام عليكم ورحمة الله وبركاته
بالنسبة لطاقات ارسلوا لي وسحبت عليهم لاني توظفت
رجعوا اتصلوا علي وقلت هالمره بروح لانه صديقتي معي وتحمست
كان عندي مقابلة عمل الساعه 2 والدورة كمان الساعه 2
فوت مقابلة عمل عشان هالدورة وما ندمت ابد 
المكان : الخبر الشمالية شارع الملك خالد تقاطع 7 عند مبنى الراجحي الدور الرابع
طبعا لو رحتي بدون لايتصلون عليك فـ بتطقين مشوار على الفاضي
رحت هناك كان فيه اجتماع صغنون تعريف بالدورة التدريبية بعد الاجتماع اخذنا جولة تعريفية بالمكان
الدورة تمر بمراحل .. لكل وحده مستشارة توظيف تستلمها وتحاول تعرف هي ايش مهاراتها او هواياتها
ممكن المستشاره تحدد مهاراتك من اول لحظة وايش يناسبك من وظيفة < مثلي
وممكن تحتاج لمواعيد ثانية معك < مثل صديقتي
^
هذي المرحلة الاولى
الثانية وهي مرحلة البحث عن وظيفة مناسبة لك وتدريبك على المقابلات الوظيفية واجراء المقابلات الوظيفية ايضًا
لك 3 وظايف يوفرونها لك حسب ما يناسبك طبعًا
مثلا قلتي ابي عمل صباحي ومافيه اختلاط ابدًا المستشاره تشوف على مهاراتك وش يناسبك من وظيفة صباحية مافيها اختلاط
مثلا عاملة في مصنع < مجرد مثال
اذا رفضتي الاولى يبقى لك فرصتين اذا رفضتي الثانية تبقى لك فرصة اخيره اذا رفضتيها تطلعين من البرنامج
مع العلم ان المستشاره ما توفر لك الا وظيفه تناسبك فقط وتناسب متطلباتك ومؤهلاتك
يعني ضروري تكون بياناتك صحيحة وكاملة ولاتحاولين تبينين ان عندك خبره في شيء وانتي ضعيفه فيه
مثال : تسألك عن خبرتك الحاسوبيه تقولين 100% وانتي خبرتك عاديه وفي مجال بسيط جدًا
لانه ممكن توفر لك وظيفه تعتمد على الحاسب بشكل كلي وتتوهقين
اذا قبلتي احد الوظائف الثلاث تنتقلين للمرحلة الثالثة والاخيرة وهي مرحلة مابعد التوظيف
تدريب مابعد الوظيفة لمدة 3 اشهر < اتوقع مره او مرتين اسبوعيا يتم التنسيق مع رب العمل مع الدورة
واذا اتميتي الدورة بنجاح لك يعطونك شهادة < تفيدك بالمستقبل الوظيفي
هذا غير النصائح المقدمة والخبرات اللي تكتسبينها منهم ... الخ
نصيحة قدمت لي بيومي الاول يوم قلت بالكلمة التعريفية انه موظفة بالوقت الحالي
بس بترك حسيت النصيحه موجهه لي بشكل خاص
اذا توظفتي في مكان خليك فيه على الاقل لمدة سنه وبعدين اتركيه
عشان لو فكرتي تقدمين في مكان ثاني يحصلون خبرتك الوظيفية سنة وهالشيء يعطيهم ثقه فيك اكثر
|
|
|
|
|
|