ملتقى طلاب وطالبات جامعة الملك فيصل,جامعة الدمام - عرض مشاركة واحدة - الطريقة الصحيحة والمفيدة للحصول على افضل معدل بأقل جهد .. (تفضل للفائدة)

حوريه البندر · 2013- 12- 13

اقتباس:

المشاركة الأصلية كتبت بواسطة وطني الجبيل

السلام عليكم ورحمة الله وبركاتة ..

بإختصار .. كثير من الطلاب والطلابات متخوفين من الاختبارات وخاصة الطلاب الجدد ..

وفي الملتقى اشوف ناس كثير تخصصهم تحطيم النفسيات ، عشان كذا اعتبروا هذا

الموضوع ثورة مضادة لثورة التحطيم .

طيب تعالوا نتعلم الطريقة الصحيحة اللي نفعت معاي ونفعت مع كثير من الطلاب اللي

وصيتهم على نفس الطريقة والحمدلله رب العالمين الكل استفاد بأقل جهد ..

أولاً اقرأ المادة قراءة سريعة ولاتدوخ راسك بالحفظ .. بس ابيك تعرف المادة تتكلم عن

ايش بالضبط .. واعرف الأقسام الرئيسية في المادة واهدافها ..

نجي الخطوة الثانية .. اجمع اسألة الأترام الماضية لنفس المادة ولا تكون محلولة ولا

تجتهد بالبحث عنها محلولة .. امسك الأسآلة واطبعها وابحث عن اجاباتها في الملزمة

مو بس تبحث عن الإجابة .. ابحث عن اجابات الخيارات الباقية ..

كيف اجابة الخيارات الباقية ؟؟؟

مثلاً ،، تابع معاي السؤال التالي .. في مادة المحاسبة للمستوى الأول ..

واضحه الطريقة وماتحتاج شرح ان شاء الله .. وشد حيلك بحفظ الإجابات وانسى الملزمة وكثرة

الأوراق والحوسة اللي مالها داعي ..

طيب تبي تقوم علينا ثورة التحطيم ويقولون:

مستحيل تجي الأسألة نفسها .. ولازم نذاكر كل الملزمة عشان ناخذ A+ ..

طيب انا ماقلت تجي نفس الأسألة .. انا اقول بطريقتنا هذي ذاكرنا كل شي مهم بطريقة

سهلة وبسيطة وانا اضمن لكم ان الطريقة هذي تخليكم تجاوبون بنسبة 90% وأكثر ..

طيب تقوم ثورة التحطيم مره ثانية ويقولون :

تغير دكتور المادة ..

اوكي مو مشكلة ابداً .. اللي قبله دكتور مثله واكيد انه اجتهد وتعب بالأسألة عشان تكون من

كامل المنهج وأهم النقاط في المنهج واكيد انها اسألة شاملة بكذا نضمن 70% من المادة

بطريقة سهلة وبسيطة ..

طيب صارت الثورة مره ثالثة وقالوا :

دكتور المادة والمنهج كلهم تغيروا

اقوله عاد ذاكر زي الناس واجتهد .. ولا يصير التغيير في المادة والمنهج الا قليل وانا ما صادفتها ..

المهم ان الثورة المضادة راح تنجح بإذن الله وراح تنفع الطريقة هذي ..

و للإثبات وللتحفيز .. انا جربتها في الترم الأول .. وكان معدلي 4.31 وكان الجهد بسيط جداً

وهذا فضل من الله .. حبيت انقل لكم التجربة اللي عشتها وعاشها معي بعض الأخوة والأخوات .

جربوها معنا وحققوا النجاح بأعلى الدرجات ولا يأثر فيكم اصحاب ثورة التحطيم .. وربي يوفقكم..

نشوفكم بعد الإختبارات وتعطونا رأيكم ، ومدى نجاح الطريقة معكم ..

اخوكم / وطني الجبيل

انته ميه ميه فيتامين رفع المعنويات

شكرا لك

:004 :