2013- 12- 14
|
#6849
|
|
متميزة في قسم حواء
|
رد: ->" مسجــ@ــتنا "<-
هالليله آحسآس السهر .. مربط الخيل
ونا براسي شي .. خله على الله
شي من أجله .. عاذر البن والهيل
ماهو ضرم شاهي .. وفنجال دله
مع الهيام .. وقبل مايسري الليل
هالشي أعقده .. في خفوقي وحله
في وجه هالليله .. فنون وتماثيل
وفي عينها .. غدر ومقام وجبله
تناثرت بين السهر .. والمواويل
بين الحياه .. وبين خل وخله
ليله مابين ايجازها .. والتفاصيل شي يلم الهم .. مدري يفله
آفاق جرح .. ومغريات وعراقيل
وليل توسد ظلمته .. كل عله
من العطش ماتحتدمله مخاييل
ومن الهوى مايخجل النفس شله
أحيان الاقيلي .. ورى الصمت تعليل
واحيان ملقالي .. ورى الصمت عله
وآحيآن شطحآت الغلآ يآ بو آسيل
تخلي الرجال .. يترك محله
ياللي خذيتي .. من عيوني قناديل
الموت واحد .. ويش دقه وجله
مرت ثواني غيبتك .. مابها حيل
والكون ماله .. غير هالوجد حله
أدورك بعد التعب .. والبهاذيل
ومشي مسافاتك .. مليله ومله
من يرفع احجاج الأمل .. للمقابيل
من يكتب .. الحزن العظيم ابسجله
من يشعل الشمعه .. ومن يلعن الليل
من يمسح اغيابك .. ويجلس محله
كافي غياب .. الوقت ماهو تساهيل
كنه يدور .. صوب مغليك زله
على فراقك .. مات زرع ومحاصيل
ونتي ولا سقتي .. سحاب الموله
لاتكابرين .. وخلي دموعك تسيل
وتذوب .. الكحل العزيز وتذله
اذا خسرتي .. دمعتينك بمنديل
وش قولة اللي .. خاسر العمر كله
|
|
|
|
|
|