صباحي جميله ياحبني لهالجميله ها أسمعوا يا طويليين العمر انا صايره فيني حلطمة شديدة اللهجه من الداخل أدت إلى مرحلة الحبسه الكلاميه من المدونيه , ما أبغى اشوه جدراني مدونتي *قلب مفقوش* لاصدق صايره ما احب اكتب .. إلي يقول إني كنت أألف ديوان حتى خواتي بالواتس اقولهم لايرسلوني كلموني فون وقتي مايسمح أرد عليكم كتابياً .. إيه بعد لو كان فيهم خير ماتزوجوا والله الزبده إني ابغى رمااان ابغااااااه أكله مشتهيته مالنا ب العيد شايفته محطوط ع السفره أمداه ماينبت ؟ ولا هلي يصرفوني يقولون لي من وين نجيب لك رمان مو وقته الزبده الثانيه .. شفتوا ايفون فايف اس *ترى مافيني احول الكيبور انقلش* كنت اغازله من بعييد من بعييييد وألمح وكذا ونحط زوله صورة عرض ونكتب فضل من اهدأ اخيه المسلم وادخل الفرح والسرور على قلبه لكن ماش راحت اختي واشترته لنفسها من كثر الحره انا حتى ما قربت منه ما ابغى افتن قلبي زي ماقال الشاعر لاتعودني دفى شمسك كان ب النيه غروب .. أنشهد انه جااااااابها عموماً الكيو فايف حلو ماقال شي , اصلا ماش كيف البيبي من دون كيبورد كخّه الزبده الثالثه إني خراطه وين ما احب اكتب وانا شوي واختم الصفحه بس والله برد لو تشوفون انفي كأن احد قابصه مقبوص , عاد دوروا وش معنى قبصه وترى اللحين لأ معد ابغى رمان ابغى جح بارررد ومافيه ذاك الأسود الحبات الزبده الرابعه ومن هذا المنبر اعلن واقول خلاص بدخل واتقوقع واذاكر لأن بجد مصخت صدق صدق , الواحد مايستحي على وجهه ويذاكر وشذا وين عايشين انتم؟ زبده اخيره والله برأيي انا مفروض محمد عبده لما غنى [ يا رضاها ] حط تسؤاله " كيف حيّ ولاَ لقها " موضوع اغنيه ثانيه حرام