الله يعينك ويسهل لك يارب
انتي ابدائي الان حملي المحاضرات مو لازم تحميل افتحيها واذا بداء الدكتور يتكلم صكريها وكملي جميع المحاضرات والمناقشات حليها لاتكتبين كلام كثير حاولي تختصرين والواجبات حليها وافتحي المباشره ولما يتكلم الدكتور صكريها،،
بكذا تكونين ضمنتي باذن الله 30 درجه يبقى لك 30 درجه وباذن الله بتجبينها في الامتحان
وبالنسبه انه الافتراضي مايفتح انا والله مثلك يقول لي اضغط على اف 5 للتحديث ولافيه فايده اخر شى ضغطت على ايقونه المقررات الدراسيه وضبط ولله الحمد طلع حلو وسريع ومايعلق كثير،،
بالنسبه للمواد انا ماني عارفه وش المواد الي معاك لكن باذن الله تتسهل ومعاك يوم الامتحان يمديك تذاكرين مو لازم كل الماده لو شى بسيط منها واطلعي على الواجبات واسئله الاترام السابقه كثير يعيدون منها
انا ماذكرت المواد وكل ترم ااجل او احذف المواد مفروض اكون متخرجه الترم هذا لكن بسبب خوفي اني ادخل الامتحان وانا ماذاكرت الماده كلها لسا قاعده احوس بالجامعه لكن مانقول الا الحمدلله والشكرلله ولعلها الخيره
وقررت ادخل الامتحان وبنفس اليوم احاول اشد على عمري وباذن الله مع الاستعانه برب العالمين وطلب التسهيل من رب العالمين المسهل والميسر سبحانه انه بيسهل ويييسر علينا
يالله الان ابدي بدايه جد وان شاءالله تبشرينا بدرجات حلوه مو نجاح بس