غـآمضٍ مـآلي شبيـه إلآ .. [ الوضـوح ] .. وآعي .. مـآلي علآقــه .. [ بالوعي ]

[المطيري7]

أنتم صباح الخير و النور و الشوق
وأنتم صباح الذوق وأنتم صباحي


يسعد صباح اللي يتابعني ب ذوق
ويسعد صباح اللي للحين صاحي

[المطيري7]

مايعيش الحُب إلا بـ ( إهتمام )
ومايموت إلا من إحساسٍ فقير


أصدق العشاق : مايعرف ينام !
وأقبّح العشاق : مايعطي كثير

[المطيري7]

ما احب اراعي نفوسٍ ما تراعيني
ولا احب اداري خواطرها واجاملها


احب اداري الرفيق اللي يداريني
اللي لو اخطيت .. غلطتي تحملها

[المطيري7]

مارحمك الوقت يالقلب .. الكبير
تستحي والناس حولك مااستحو


الضمير اللي يسمونه .. ضمير
مالقيته غير في كتاب .. النحو

[المطيري7]

راسي عنيد ولا كل شي بيرضيني
طبعي مكابر وكايد واعترف قاسي


من صد ماني بقايل ( لا تخليني )
حتّى لو انّه يساوي نسمة أنفاسي

[المطيري7]

اللي يرخص قدرنا كيف نغليه
واللي خذلنا ما نثمن وقوفــه


لاضاعت الهقوه وكل الرجا فيه
لو هو بجنب اكتافنا ما نشـوفه

[المطيري7]

قلبي إحساسه مثل كف الفقير
ياخذ المقسوم له ما يطلبه


إن زعل ما شال وإن سامح كبير
بس لامنه إنخذل لا تقربه

[المطيري7]

مازال في خاطري أشياء مجهوله
أدناه حاجه تجي لنفسي تضايقها !


كم من فرح مر بي واستصعب أقوله
أكتب قصيدة غزل والحزن يسرقها !

[المطيري7]

الحال ما نشكيه عند المخاليق
و همومنا تكثر وهي داخليّه


وإليا خسرنا نطلب الله توافيق
ما ندوّر التعويض ولا العطيّه

[المطيري7]

ياهل الحكي ماكل صنعه شريفه
بعـض البضـايـع مـالـهـا عندنـا سـوق


الحر مـا ياقع على لحـم جيفة
يـوم ان غـيره يرخـي الـراس ويـذوق

[المطيري7]

اللي يتابعني عسى الله يحييه
أهلاً هلاّ لي الفخر وأتشرّفْ

[المطيري7]

ودي اقول لگل من تابعوني
شگراً ولو الشگر مايگفي اوقات


عذرا على تقصيري وسامحوني
و تقبلوا مني / عظيم التحيات

[المطيري7]

آفِكّ ريق الشعر مَعْك انت بالذات
و يبدا صباحه بالحلا و التفاؤل


فيك انت يا فتّان تختال الابيات
تزهوُ فخر من دون شَكّ وْ تساؤل

[المطيري7]

يمرني طاريك … وأحب طاريك
وأتوه .. في طاري : غرامك وحبّك


قم نادني وأنا قبالك وأناديك
إسمي حبيبي وأنت إسمك أحبّك

[المطيري7]

يا صُبحي الباسم ، بعد ليلي العمسَ
ترسي على بحرك ( مراكب غرامي )


لو في يديني ! كل ما تطلع الشمسَ
جيتک ، و حبّيتک ، و رحت لاشغالي

[المطيري7]

الغزل يا جعل قافه ما يحيا
كان ما بانت معانيه العفيفه


ان سمح وان ما سمح سمح المحيا
الخواطر بيض والنيا شريفه

[المطيري7]

يا ملهمة بيت احاسيسي وبيت القصيد
ياللي ملكتي ما فيني واحتويتي حشاي


محبتك كل ما شفتك ما تنقص تزيد
ما اظن مثلك بشر من عصر حوا وجاي

[المطيري7]

كل مامليت حبك عشقتك من جديد
والغلا ماهو بشي على البال وخطر


وان خذوك الناس والوقت والطبع العنيد
اترك ابيات القصيده واكتفي بأول شطر

[المطيري7]

مهما كتبنا شعر ياعيون جدي
نمسح ونكتبلك قصيده جديده


حبيبتي لو تاقف الناس ضدي
اهـم مـاعـندي حـياتـك سعيده

[المطيري7]

قلبي وما دونه وكل اللي وراه
ملكك لحالك ياخشير امي وابي


تغليه تقفي تاخذه تلعن ثواه
كله حلالك سو فيه اللي تبي

[المطيري7]

لا تخليني على رجوا التأمل
كل شيٍ منك يبغى له وضوح


يا تقول : إني على ظنك و أكمل
يا تقول : أرجوك ما أحبك و أروح

[المطيري7]

أن كــنت تغــليني أبـــي منك ثنتين
أبغى الصراحة منك وأبغى أهتمامك


وأن كان قلبك يحتوي حب شخصين
آسف نظامي يختلف عــن نظــامك

[المطيري7]

ما عاد فيني حيل لمعاتب الناس
مليت اداريهم واساير هواهم


اللي يبون القرب ع العين والراس
واللي يبون البعد ربي معاهم

[المطيري7]

الطيب مع بعض الحبايب سذاجه
لا صرت صاين من تحب ويخونك


مثلك ليا من صان صان بمزاجه
ومثلي ليا من قال اصونك يصونك

[المطيري7]

كمل المشوار يالقلب الجريح
بكرة الضيقة تروح وتختفي


وأن بغيت الصدق والقول الصريح
فالهوى نادر تلاقي لك وفي

[المطيري7]

خذها بلآ تجريح و أحسب لهآ حسآب
نهـآية آلمقصود في كلمتينـي


آللي يبي فرقـآي قـدآمه آلبـآب
وآللي يبـيني فوق رآسي وعـيني

[المطيري7]

ماعاد لي خاطر ولا عاد لي نفس
ولا قمت ادور وصل من لا يجيني


من قرّب بخطوه اقرب له بخمس
ومن هو تغيرر عمد لا يحتريني

[المطيري7]

م تنحدر دمعه ولا يننحني راس
والنفس تصبر لو تردّى بختها


مشكلتي آدوّر رضى ساير الناس
والناس حتى الانبياء م اقنعتها

[المطيري7]

عزة النفس تذبح قلب راعــيــهــا
تمنعه من أمور(ن) خاطره فيهــا


يوم قلبك تغــيــر وابتعد عــنــي
عافت العين قربك وانت غالــيهـا

[المطيري7]

كل ماحبيت لي شخص وهويت
خاشروني به ( قلوب خاوية )


قالوا إنحبـه وقلت اني دريت
ورحت خليته لهم - بالعافيـة

[المطيري7]

لـ متابعيني قدر لو ما تكلمت
وبالقلب شي ما نطق به لساني


للي يتفاعل او يتابعني بصمت
شكري وتقديري وجل امتناني

[المطيري7]

حلاوه الشوق مثل الشعر مامله
وانتوا غلاكم مثل شعر الغزل راقي


ان غبت يومين وان غبت العمر كله
يبقى الولا للمحبه داخل اعماقي

[المطيري7]

يتابع بـ صمت و عيوني على نكه
وانا ادري انه يتابعني ويقراني


لا يلحقك يالغلا في صاحبك شكه
تراك الاول بوسط القلب والثاني

[المطيري7]

لو نجي للحق ؟ انا ميت عليك
بس , ماخليت لي الا مجال :


اني اتصنع برودي وما اجيك !
وانتظرك تقول: انا احبك تعال

[المطيري7]

من ناحيه اني ابيگ ؟؟ انا ابيگ
و من ناحيه اني اجي ! ... صعبه علي

[المطيري7]

هلا باللي نور وعطر المكان
عطرك شوق وغلا وكل المحبه

[المطيري7]

مـن يتابعني هلابه ومرحبا به
من شعور فاض برموز القوافي


أتلمـس راحتـه وأحـشـم جنـابه
النوايـا صـافيه والقلب صـافي

[المطيري7]

الشعر أدب والفرق في فن الابداع
تفرق من الاولى عن اللي يليها


وانا انثر حروفي واذا قلتم ابداع
من ذوقكم شهاده اعتز فيها

[المطيري7]

أعجـآبكم والله على العين والـرآآس
من ذوقكم يأهل الصفــات الحميـده


يآروعة الآصحآب يا كل الإحسآس
يآأجمل حروف الشعر واعذب قصيده

[المطيري7]

وجودكم في صفحتي يبهج الروح
ولكل من تابع حسابي تحيه


من دونكم مايصلح الشعر والبوح
وفي مدحكم ماتكفي الابجديه

[المطيري7]

ان كان قلبي تبيه ومعجبك وضعه
إخذه وخلّ لحياتي جزء يحييني


ما قلت خلّه ولكن خلّ لي بعضه
والا اقسمه بالنصيفه بينك وبيني

[المطيري7]

اكتفي به دون ما اذكر اسم
من عشقته صار دائي والدوا


لا تقـولون اني ابالـغ لا قسم
صرت احس انه اهم من الهوا

[المطيري7]

لاشفت اسمك بين الأسماء تبسمت
مدري مـحبة شخص والا معزه


والعكـس لامني فـقدته تألـمت
أحس اسـمك بين الأسماء رزه

[المطيري7]

من عيونك اسرق حروف الغزل
وفي عيونك ارسم اللوان الغرام


لاضحكتي سالت خيوط العـسل
ولاحكيتي : ينحني كل الكـلام

[المطيري7]

لا تسألين الناس و أنتي فهيمه
استفتي إحساسك لعله يدلّك


القلب صافي و النوايا سليمه
عسى البلاوي والعلل ما تعلّك

[المطيري7]

فديت عين اللي يتابع جديدي
من زود حبه بس انشر عشانه


يرتاح في بيته ويقرى قصيدي
وحروف شعري تاصله في مكانه

[المطيري7]

بينك وبين الصبح بعيوني ميول
الصبح صافي وانت نفسك صافيه


انا لو اصبح على غيرك اقول
استغفر الله يا صباح العافيه

[المطيري7]

ببوح لك بالشوق والشوق ممنوع
واهتف باسمك بين نفسي وبيني


رغم الوصل من بيننا شبه مقطوع
عندي امل القاك وتحس فيني

[المطيري7]

تعطيني قلبك وآعطيك عيوني
آنت تشوف عني وآنآ آنبض عنك


تعطيني فرحه تسكن كوني
وآعطيك حب يقربني حيل منك

[المطيري7]

لبيه كانك على القصيد فآهمني
ي وآحدٍ كل قصيدي على شانه

[المطيري7]

طموحي بعد الله رضا متابعيني
واللي يجي اهلا هلابه وwelcome

[المطيري7]

خلوني اتغزل اليوم بامي
هي شمعة البيت ويّا ساكنينه


عينٍ على هذا وعينٍ على همي
لبى قليبٍ كلنا في حنينه

[المطيري7]

أحبها يوم ترخي عن دعاهــا الـستـار
انا فدى قلبها و انا فدى عينهـا


مهما تعاليت فالدنيا مقام ووقار
م يرتفع راسي الا عند رجلينهـا

[المطيري7]

إي والله أحبها وأحب ملقـاها
وأحب تقبيل يدها وريحة الحنه


يارب هذي حياتي جعلي أفداها
طوّل لي بعمرها واضمن لها الجنه

[المطيري7]

الله يطـول عمـرهـا قـولـو آميـن
اللي ليا مـن شفتهـا إنـزاح همـي


هـي دنيتي هي جنـتي قـرة العيـن
وان قيل منهي قلت ماغيرها امـي

[المطيري7]

لبيه يا تاج القصيد ومزاياه
يا شامخه يا عاليه يا اميره


( امي ) وهي نبض الحنان وعطاياه
لبي مواطيها علي كل ديره

[المطيري7]

انزل لرجليها واحس بتصاعد
واصعد لعزتها بتحقيق الاحلام


امي غــلاها ماهو بيوم واحد
امي غــلاها واحد بكل الايام

[المطيري7]

الله يطول بعمر أمي على الطاعه
وتعيش طول العمر والله معافيها


يا جعلني ماخلا منها ولا ساعه
ويا جعلني دايماً فدوه .. لـ رجلييها

[المطيري7]

يـاجـعل تفداها الوجيــــه البغيضه
امي وبرضاهـا نهايــــة طموحـي


في كل وقت وكل دابر فريضه
ادعي لها من قبل لا‌ ادعي لروحي

[المطيري7]

قالوا وش اللي كثر آمك تحبه
قلت الطريق اللي قدمها مشت فيه


وفنجال قهوه من يديها تصبهه
و كل الكلام اللي تسولف و تحكيه

[المطيري7]

حي الله اللي يتابعني غلا وأحترام
وحي الله اللي بعد معهم يتابع كذا


لكل منهو حضر يامرحبا بالكرام
ترحيبـةٍ كلبوها ريح عـــود و شذا

[المطيري7]

يابنت الاجواد ماني راعي مغازل
عفي وكفي وشوفي واحدٍ غيري


حطيت بيني وبين اهل الهوى عازل
مع احترامي ومع شكري وتقديري

[المطيري7]

أكتب غزل وأتظاهر وأفتعل همي
وعين الحقيقه عن الأنظار مخفيها


ماتل قلبي من النسوان غير أمي
أحبها جـعلني فـدوه لمواطيها

[المطيري7]

اتذكر صلاتـي و اترجى القبول
و اتذكـر ذنوبـي و أزفـر بـ ونتيّ !


جعل ربّي لنفسي عند موتي يقول
ادخلي في عبادي وادخلي جنّتي

[المطيري7]

طالبك ياقلب علق عروقك فـ الصلاه
قـدّ ما تقـدر تعبّـد و حـضّـر نيتـك


لا إله إلا انت يـ الله و لا غيرك إلـه
مؤمنٍ في عـدل حكمك و وحـدانيتك

[المطيري7]

يا ربّ أنا عبدك المستضعف المذنب
اغفر لـ عبدك ذنوبه و استر عيوبه


ما منْك ملجا ولا منجى ولا مهرب
جنّبني شر الفتن وارزقني التوبه

[المطيري7]

أستغفرالله من طيشي وتقصيري
الطيش بالذنب والتقصير بالطاعه


ياعالم بـكل مالا يعلمه غيري
رحماك قبل القبر والحشر والساعه

[المطيري7]

يارب أنا من ساعة الحشر هايـب
لو كان من روس الرياجيل ما هبـْت


جيتك يا ربــي خايفً منك تايـب
عساك ترحمني بـ رحمتك لا تبـْت

[المطيري7]

اصبحت ياربّي على طاعتك حـي
واطلبك تغفر لـي وتمحـي ذنوبـي


يارب هب لي في طريق الهدى ضي
واغفر لـي زلاتـي وسمــح دروبي

[المطيري7]

يارب تبعدني عن الشين والعيب
وتزيح عن درب العفو كل عايق


يارب قدرني على ردة الطيب
وأحفظ لساني عن عيوب الخلايق

[المطيري7]

ماودي أحرج قلبي بْحبه : لـ قلب
ولا عاد فيني لـ المسافات شده !


وماهو بعيب إن ما ارتبط قلبي بحب
العيب : اعشم شخص فيني واهده

[المطيري7]

جعلني ما اندم على شي تركته
و الله يجعلها مع الايام خيره


وجعلني انتبت من شي وخسرته
يرزق الله خاطري ف شي غيره

[المطيري7]

يارب سامحني إلى مني أخطيت
عبدك همومه في ضميره مقيمه


انت الكريم اللي سميت وتعاليت
وانا الضعيف اللي ذنوبه عظيمه

[المطيري7]

كل ما حسيت في صدري يضيـق
آتجهـت لـ خـآلقـي وآطلـب رضـآة


يـ الله آنـك لآتـقرب لـي صـديــق
قآطعً رحـمة ، و مهمـل فـ الصلاة

[المطيري7]

يا رب . . جـنبني دروب العـوآجـه !
أنت : البصير المعـطي القادر الحي


مادام مالي / مـن ورآ الناس حاجه
لاتجعل بقلبي سوى هيبتك شي

[المطيري7]

يا نفسي المذنبه يا وقتي القاضي
يا روحي الطاهره يا قلبي النادم


تشاوروا بينكم في عمري الماضي
ابغى اعيش بسعاده عمري القادم

[المطيري7]

ياربي الذنب والزلات مجتمعه
وانا برجواك هونها .. وزينها


واليوم جمعه وياربي بها الجمعه
زلات عمري قبل تدفني ادفنها !!

[المطيري7]

يا إلهي وانا العبد الضعيف الملول
ورحمتك انفّع من فروضي وسنتي


جعل روحي إذا جاتك ذليله تقول
(فأدخُلي في عِبَادي وادخلي جنتي)

[المطيري7]

يا الله تجزي من نوى فيني الخير
ويارب تهدي من نوالي المضره


وياخالقي يسر لي الامر والسير
ياعالم بالغيب خيره وشره

[المطيري7]

يالله لك الشكر والك الفضل والمنه
ياللي بفضلك خذيت اللي تمنيته


اكبر عطاياك للي يعبدك جنه
واصغر عطاياك للمخلوق عافيته

[المطيري7]

متابعيني ذوق !! وأسلوبهم ذوق
يالله طلبتك خير لمتابعيني


والآدمي بالخلق قدره يجي فوق
وبأخلاقهم زادوا غلا وسط عيني

[المطيري7]

ماني بشاعر غزل لكن على شانك
بصير شاعر غزل مجنون بعيونك


بكتب وصايفك شعر وأعزف ألحانك
وأرقص حروف شعري بدقة لحونك

[المطيري7]

رحيق خدك هو غذا كل نحلة
وشفايفك بستان مزروع به توت


وعيونك بكحله ومن دون كحله
كنها تـقول انا كذا ولا كذا موت

[المطيري7]

انت الاول في حياتي والاخير
ودامني مغليك فـ اسمع ما يليّ


شوف .. ما راح اطلبك شيءٍ كثير
قول : أحبك واترك الباقي عليّ

[المطيري7]

بكتبك !! فـي تـواريخي / زحـآم
شخص وآحد لكن على هيئة أمم

[المطيري7]

حفظتك بصدري واسولف عليهم
ومن الحذر احس اسمك .. امانه


لو يعرفون اسمك .. توهقت فيهم
كل ما بغوا حاجه قالوا .. عشانه

[المطيري7]

زينك مآهو موجود في كل آلبُقآع
آنـثـى ولـكـن كـآمـله ومـكـمـلّه

[المطيري7]

أكتم غرآمك في ضلوعي عن آلناس
حتى ( أنت مآتدري ) بـ أني أحبك

[المطيري7]

يا الواقع إللي أجمل من أجمل خيال !
إنا "وَهم حُبك" فقط حقيقتي !


بكل ثقة أقولها ، وبلا جدال
مافيه إحد يحبك ب طريقتي !

[المطيري7]

مال المحبه معك نقطه ولا فاصل
ياما دعيت الله إنه لك يخليني


بتنام بروح أنام تواصل اواصل
معاك من وين ما ودك توديني

[المطيري7]

اهلاً صباح الخير يامتابعيني
انتم لكم عندي معزه وتقدير


ياللي صداكم بالغلا محتويني
اوقاتكم ياعلها خير في خير

[المطيري7]

اللي يبي شعر الغزل يا هلا به
بانت شياطين الشعر في محياي


بكتب غزل الين ….. اشبع كتابه
واخلي العشّاق تمشي على خطاي

[المطيري7]

والله لجهز جيوووش الحب واحتلك
مزيووون وربي بلاااك بعاااشق(ن) ... ارهابي ...

[المطيري7]

أحبك أيه قسم بالله أحبك وأعشقك وأغليك
وإذا ودك تعرف أكثر حياتى كلها تفـداك

[المطيري7]

رسالتي شوق و وعد
البُعد هذا .. راق لك ؟


يا صاحبي امّا بعد :
أنا ترى .. مشتاق لك

[المطيري7]

أهواك .. / أحبـك .. / أعشقـك .. / أمـوت فيـك . !
تخـيّـر .. الـلـي تعـجـبـك .. ( وأقـولـهـا ) . !

[المطيري7]

مشتاق لك مشتاق لك مشتاق لك
مشتاق لك مشتاق لك..وآعيدها


مشتاق لك مشتاق لك مشتاق لك
ليت الوزن يسمح عشان ازيدها!

[المطيري7]

مشكلـ/هـ لا صرتـ من تكتبـ لها .. ذوّيقـ/هـ
ولا يجوز لها الكلامـ .. العابر .. المستهلكـ


عيطموسـ .. يحير شاعرها .. وينشفـ ريقـ/هـ
في مفاتنها العذوبـ/هـ .. والعذابـ المهلكـ

[المطيري7]

منت عادي .. لا وربي منت عادي
من عرفتك وانت دايم في علو !!


ياكثر ماشوف حولك من أيادي
[انتبه] تخطفْـك منّا .. ياحلو !!

[المطيري7]

شي ٍ يبي يحرجك .. والله ما آبيه
أقول صحة راسك وراس خاطرك


ماني بـ من يرضى عليك المشاريه
تراي ..حتى في المشاريه أشاطرك !

[المطيري7]

الله يمسي كل الاحباب بآلخير
ويسعد ايامهم ويسعد مسائهم


يا الله يـآ معبـود يارازق الطيـر
ريح خواطرهم وزود هنآهم

[المطيري7]

يارب أنا العبد الضعيف المستجير
إذا شبعت أعصي ولا من جعت طعت


ثبّت خُطا رجلي على الدرب المُنير
وأنا على عهدك ووعدك ما أستطعت

[المطيري7]

يازين ذكر الله في كل الاوقات
واستغفر الله تمسح الذنب كله


على النبي صليت بعد التحيات
وذكرت . . ربٍ كلـنـا تحت ظله


اللهم صل وسلم على نبينا محمد وعلى آله وأصحابه أجمعين

[المطيري7]

ياكافل الناس .. يامجزي عمايلها
جنبني الذنب وانور ظلمة دروبي


ماخفت من قسوة الدنيا ولا اهلها
أخاف من يوم ماتنفعني ذنوبي

[المطيري7]

والله مامثل التوكل على الله
يملا لك الدنيا سعادة وتوفيق


واللي يردد دايم أستغفر الله
تلقاه مايدري عن الهم والضيق

[المطيري7]

الدين والتقوى وبر الوالدين
تنور دروب الحياه المعتمه


اللي تمنيته ياربي حاجتين
رضاك ياربي و حسن الخاتمه

[المطيري7]

لاصارت الدنيا محطات ودروب
يالله تسهل لي دروب السـعادة


ما دام حد العمر والرزق مكتوب
يالله ترزقنا ... بحسن العـبادة

[المطيري7]

يالله يالي بذكرك ينشرح صدري
أغفر خطأ عبدك الي في يديك امره

[المطيري7]

تقصيـرنا دايم .. وللضيـق كيـهّ
والعبد للمعبود ..خاضع ومحتاج


أفضل دوا ..يغني عـن الصيدليهّ
ذكر الله .. وما بعد ذكر الله علاج

[المطيري7]

لا اله الا الله اللي يذرينا ذراه
جل شانه ماعبدناه حق عبادته


لا اله الا الله اكرم وجه واعز جاه
كل شي تحت ملكه و تحت ارادته

[المطيري7]

يامتابعيني كلكم دون تحديد
الله يسامحكم ويحسن اليكم


والله يعطيكم من الخير ويزيد
ويدخلكم الجنة ويسترعليكم

[المطيري7]

ياحبني للمنطق الزين والصمت
صمت العقل ماهو بصمت الرخامه

[المطيري7]

أصعب شعور انك تعيش بـ هالشعور
مخلص و عقلك يشتكي من طيبتك


بعض البشر تبني .. من طعونك قصور
توهمك بـ اخلاص و تخون بـ غيبتك

[المطيري7]

جيت وانت تشوف فعيوني امـان
ورحت وانت تشوف فعيوني مزن


لو عطيتك قلبي المملي حـنان
مآ عطيتك وجهي ، المملي حزن

[المطيري7]

أحس فيني كلام وداخل الصدر سور
كن الختام البدايه والبدايه ختام


الى متى والشعور العذب ماهو شعور
وآلى متى والكلام يشيل هّـم الكـلام

[المطيري7]

ياخاطري لايزعجك جور الايام
كم مرتن تكبر وترجع سهايل


صحيح توجعنا تصاريف الاحكام
لكن كثر الصبر جاب الجمايل

[المطيري7]

أنا عرفـت أن التجـارب مكاسيـب
ومن طاوع الجهال شاف الـعجايب


والراي بندق تخطي أحيان وتصيـب
مـا فـيـه رايً طـول الأيـام صايــب

[المطيري7]

مهما بلغت من الحذر والإهتمام
زلة لسان .... أشد من زلة قدم


نتذكر و نندم على بعض الكلام
مافيه أحد تذكر ، الصمت وندم !

[المطيري7]

كل ما سألت لي شايب سؤال
عن هل العشق الحقيقي والرزين


لوح بـ يمناه متضايق .. وقال
آنت طيب بس رآحوا الطيبين

[المطيري7]

اغمض عيوني عن اشياء ... واجد
ما ودي اخسر شخص باسباب زله

[المطيري7]

مساء الخير و المسك و النـور
لـ اللي يتابع گل حرفٍ گتبنـاه


واللي يبادرني من القلب مشگـور
أدعي له ان الله يحقق له منـاه

/

عيدكم مبارك وكل عام وأنتم بخير و أسأل الله الكريم أن يتقبل منا ومنكم صالح الأعمال

[المطيري7]

يا يمه العيد مايضحك ويسعدني
الاّ على شأنك .. الله يسعد آيامك


مادام آعايدك . وعيونك تعايدني
العيد كل عام وأعيادي هي أعوامك

[المطيري7]

يا قـلم أكتب لأبيض القلب بيتين
وخـذ السلام وين ما كـان وده


قـله مساء الخير يا واحش العين
وعــسى حياتك حب وفرح وموده

[المطيري7]

كل عيد و أنت بعيد و مْن الغايبين
و العيد الأضحى يشبه لعيد الفطر


مع إحتراماتي لكل الحاضرين
مكانك الفاضي هو أجمل من حضر

[المطيري7]

كل عام وانت ْ بخير ياغير هـ الناس
كل عام وأنت أقربْ من الناس ليـّه ..!!


كل ْ عام وأنت المنفردْ شوق وإحساس
كلْ عام وأنت ْ أجمل وأرقى هديه ..!!

[المطيري7]

من بين كل الناس .. ودي أشارك
عبر الرسايل لك! من دون تحديد


بقول لك؟ ماهو بـ(عيدك مبارك)
(مبروك) للعيد إنك! أتعايد العيـد

[المطيري7]

خايف تناساني مع ( زحمة العيد )
ما بين ( أهلك ) وبين موضة جديدك


يا غايتي يـ أم الحلا ( باشة الغيد )
( عيدك مبآرك ) يـ الغلا عاد عيدك !

[المطيري7]

انتي بـكل احوال حسنك يا لبيه
في كلمتك في ضحكتك في سكوتك


العيد الاضحى ينتظر كشختك ليه ؟
عيد رمضان يقول له : لاتفوووتك

[المطيري7]

عيدك مبارك ياجعل عيدك يعاد
وجعلك على الطاعات تبطين حية


عندي من الأعياد ثلاثـة أعياد
عيدالفطر وانتِ وعيد الضحية

[المطيري7]

كل عام : وانت العيد في عيون مغليك !

[المطيري7]

بـ العيد يمكن أنشغل عنك ماجيك
وإن ضاقت الدنيا ترى العين دارك


كل عام وأنت الحب فـي عين مغليك
يـ الي سكنت القـلب عيـدك مبـارك

[المطيري7]

لاصار شوفك عيد والقابله عيد
ليا جحدتك عمد ماني بـ جاحد !


من حقي اعيّد عن عيونك بعيد
ما الله كتب عيدين في يوم واحد

[المطيري7]

لو يطول البعد في حكم الظروف
الغلا في الجوف لك مني وعد


ولو يطول الوقت لايلحقك خوف
مايموت الشوق في قلبي أبد

[المطيري7]

يالله اني في ذراك من الخطآ واللهفه
ومن مقام ما يوقر صاحبه و .. يصونه


عـطنا قناعـة في النفس معها عفه
واكفنا شر الحسود ونفسه المشحونه

[المطيري7]

من كثر مآ خانوآ وفآي
معآد تفرق من جحد


مدآم احس الله معآي
مآني محتآج لـ آحد

[المطيري7]

الله يكثر كل ماهو لي قليل
إلا العيوب وكل مانقصه كمال


والله لا يحوجني لمدات البخيل
ويعيضني في كل ما حرم حلال

[المطيري7]

يا كبار الكلام ويا صغار العقول
كذبكم مايحرّك لـ الشموخ شْعـره


ماتبور الحقايق والنصيحه تقول
راعي الطيب عزّه والحقير إحقـره

[المطيري7]

سمحنآ وعفنآ وانثنينآ عقب الآقبآل
وذي عآدةٍ لآيمكن إنّ حنا نخليهآ


اذا مآ لقينآ من هل الدآر طيبة فآل
نشوم ونخليهآ لمنهو سكن فيهآ

[المطيري7]

(الحـب) كذبـه والعلاقـات تنفـيـع
عطنـي وانـا بعطيـك والسـاتـر الله


تصفيـف هـرجٍ وأبتسامـه وتلمـيـع
وقولـة أحبـك ميـر ويـن الادلـه-؟


هجـر وخلافـات وخيانـه وتـوديـع
وكـذب ونفـاق وكلبوهـا مـذلـه-!


(القلـب) خالـي والنوايـا مشـاريـع
وكلـن علـى مـا قيـل دربـه يدلّـه


كـلام فاضـي مانـزل فيـه تشريـع
مـا يتبعـه ياكـود مـن فيـه خلـه

[المطيري7]

لو بغيت العب معك واستغفلك واموّه
ردني سلمي وسلمي مرتبط في ديني


وان بغيت ابدا علاقة حب ولا خوّه
القلوب تهمني و الشكل مآ يغريني

[المطيري7]

متابعيني كلهُم ( ذوق ،، وأخلاق )
وما فيهم / الليّ فيه شك ، وريبه


قلوُبهم بيضا مثل بيض ... الأوراق
ويارب تسعد كل شخص بَـ نصيبه

[المطيري7]

مـرات اصير الشافعـي والـعن ابليـس
وانقــل حديــث الترمذي و ابن عبــاس


واحيان تغرينـي دروب امـرؤ الـقيـس
واضرب من افكار الشعر كاسٍ فـ كـاس

[المطيري7]

فـديـت بعض العرب لاشفت اعجابه
يفز قلبــي و يضبط جّــو شاعرهم


مدري وش اللي جذبني فيه واغليته
ولايهون باقي الحبايب م أحقّـرهم

[المطيري7]

مابقى عندي سوى اربع حروف
والحروف الـباقيه ، فيها خلاف


الالف والحاء في روس الصفوف
وبالاخير الباء ويتبع له بـ كاف

[المطيري7]

أجمع اول حرف من كل الشطور
حتى تعرف كيف اعبر عن غلاك


بس قلت اقولها بأبسط شعور
كلمه وما هي تليق الا معاك

[المطيري7]

يمكن اني اظلمك لو قلت احبك
انت حتى احبك بحقك قليله


منت اجمل شيء ف الدنيا وربك
انت دنياا كل مافيها جميله

[المطيري7]

والله إني فـ المحبه مشتريك
خل قلبي يآخذ اللي مآ خذآ


أعشقک و أغليک و أحبک و أبيك
وش تبي أقول أكثر من كذآ ؟؟

[المطيري7]

يحق لك عن البنات الباقيات
بزينك تشوفين نفسك فارقه


أقرب مثل بينك وبين الثانيات
إنتي دبي والثانيات الشارقه

[المطيري7]

ارجع اكرر لـ الميّه و اعوّد
قربك مع غيري سبب لـ ايذائي


ماني اناني بس انا متعوّد
اشيائي لنفسي تظل اشيائي !

[المطيري7]

عندي : خبر مفرح وأضنه بيرضيش
من شخص وآفيلش وحآلف يصونش


أستسمحش : عذراً أبي رقـم وآليش
أبطلب :( ايدينش قبـل يآ خـذونش )

[المطيري7]

اللي يتابعنـي عسى الله يحـييه
يامرحـبا مثل المطـر في هطـوله


ومن صـد عني جعـل ربي يهنييـه
و كــلٍ على ماقيل يتبـع ميوله

[المطيري7]

في غيبتك كل ،، الزوايـا تعاليـل
في غيبتك كل ،، الأمـاكن كـآبه


في غيبتك كل ،، الخلايق تماثيل
في غيبتك كل ،، الوجيه اتّشابه

[المطيري7]

يحل صمت الكلآم ونقعد نغني
الحب حاجه تبين مهمآ نخفيها


حآولت ماشتاق لك هاليوم لكني
مع كل نبضة وفاء اشتاق لك فيها

[المطيري7]

غيبتك تشبه اللي سكن دار الايتام
طفلن تحرى رجعت امه وطالت

[المطيري7]

غابت وغاب النُور معها والاوزان
وطالت مشاويري - وانا محتريها


أكيد بـتـبـيّـن على وجهي ( أحزان )
دام أبتساماتي توقّف .. عليها !

[المطيري7]

ياللي غرامك في شراييني يجول
الشعر / ماله خانه ان منساق لك


ودي أدق لكن مدري ويش أقول
أقسم بربي يالغاليه‌ ( مشتاق لك )

[المطيري7]

ابسألك وينك ؟ ولا تقول لي ليـش
انا بحاول آخذك .. من ظروفـك


من غير هالاشياء لا يمكن اعيـش
آكل و اشرب و اتنفس ، واشوفـك

[المطيري7]

هذا مكانك شف من غبت فاضي
منهو يسدك بفراق حدى والدينك


مشتاق لك بس بالاقدار راضي
أدري غيابك أمر ما هو بيدينك

[المطيري7]

أقلقتني ..وينك .. تأخر دخولك
تعبت اشـيّك ع الأسامي ولا القاك

[المطيري7]

ابيات شعري ماهي لشخص واسباب
أطلق عنان الفكر لأبعد حدوده


ارسل غزل او حب او شوق وعتاب
وكل واحد يترجم على حسب موده

[المطيري7]

اعترف اني بها اللحظه حزين
واعترف ودي اغادر للأبد


الهموم ثقال مير الله يعين
عيشه الانسان دائم في كبد

[المطيري7]

ضآق الفضاآ فيني وضآقت سمائي
كل شي في الدنيا يسبب مواجع


لو تسمحو لي بالخرووج النهـائي
برحل ولآني ياهل الشعر راجع

[المطيري7]

النفس ماهي من الزلات معصومه
يالله بذكرٍ عقب مـوتي يجملني


الـواحد يعيش مايدري متى يـومـه
تكفون اللي اخطيت في حقه يحللني

[المطيري7]

ودعتكم ربي على خير ياناس
والله يحفظ كل غالي (ن) لغاليه


ولكم تحياتي وشوقي والاحساس
ممزوجة ن بالحب والصمت يهديه

[المطيري7]

على الظروف العوج وش في يديني
عن ماتبيه .. النفس ظرفي جبرني


ان غبت ؟ يكفيني وفاء ( متابعيني )
وان جيت ابرضى ذووق من ينتظرني

[المطيري7]

ماهو طبيعي " المح " احزانك على وجهك وادبر
راحتك في المرتبه الاولى يابعد هذا وذاك

[المطيري7]

ما جيت احبك طـــيش والا لعانه
ولاجيت ادور للخطأ من معـــاليك


جيت اعشقك واترك معاك الامانه
ما قلــت احبك واتســلا واخـــليك

[المطيري7]

والله إنـي فـي غرامـك م كذبت
أعشقك أكثر من عيونـي شوي


ماتساعدنـي حـروفي لـو كتبت
لان حُبك م يقـارن ب أي شـي

[المطيري7]

احبك و ابيك لي دايم
احبك و مـ اقدر ابتعد عنك


قلبي يحبك قلبي فيك هايم
يـ عسى ربي لا يحرمني منك

[المطيري7]

لاتحاتين شي دام انتي القمر
كافي انك ساكنه بكبد السما


يابعد كل الغيد من بيض وسمر
خافقي ميت عليگ من الضما

[المطيري7]

ربي ألوذ بنور وجهك عائذاً
من شر نيات النفوس الخافية


احفظني واحفظ لي جميع أحبتي
ربي و ألبسنا لباس العافية

[المطيري7]

آبيك دآيم في سعة خآطر وخير
مآتشوُف غير آلطيب يآ طيب آلفال


مآ بيه يجي في طبعك آلزين تغيير
ولآ ابيه يجي صدرك من آلضيق مثقآل

[المطيري7]

أول كـلام الـشـووق ,, (( أنـا أحـبّـكـ ))
وآخر كلام الـحـب ,, (( الله يـخـلـيـكـ ))

[المطيري7]

انتي هُنا , والا هُنا , والا هُنا
اما بذي , والا بذي , [ والا بذا ] ., < [ :004: ]


يعني عسى من لا يعزك للفنا
واللي سئلني ليه بــ , جاوب كذا

[المطيري7]

من حقّك تشوف نفسك وأنت آيه
ومن حق عيني تطالع في وصوفك !


يَ حظّك تشوف نفسك بالمرايه
ولا يَ حَظْ المرايه اللي تشوفك !

[المطيري7]

ليه انا اهتم ليه اولهه عليكك
ليه ما يرتاح بالي الا بقربكك


ليه انته الي من العالم ابيك
ما لها تفسير الا اني احبكك !

[المطيري7]

ما هي صغيره بس ما هي كبيرَه
أصغر من التعظيم و أكبر من الذوق


و ما هي بأميره إلا ويش الأميره
تعيش بين الناس لكنها فوق

[المطيري7]

ماني مراضيهم ولو يزعلون
دامهم ضاقوا , وهي مستانسه


كلّ وحده , من بعد ذيك الفتون
ياتصير مطلّقه , ياعانسه


يزعلون الانسات .. ويقعدون
في عيوني بسّ هيّ الانسه !

[المطيري7]

لو مايتابعني سواك انت بالذات
لي الفخـــر انت الوحيد المتابع

[المطيري7]

كل الكلآم اللي أقولـة عشانك !
حـتى لو اني مآ تكلمـت ~ أعنيك !

[المطيري7]

اغيب لاكني اذا غبت موجـــود
فـقلوب خلاني وربعي وناســـي


الله يقدرني على الطيب والجود
ماني مثل غيري جحودٍ وناسـي

[المطيري7]

احب الابداع فالفكرة ويطربني
تسهيل الالفاظ والتوضيح للـمعنا


واحيان الاسهاب فالابداع يعجبني
والله يسعد قلب اللي يتابعـــنا

[المطيري7]

المحبه تختلف مثل :الدروب
حب عذري و حب ابوساعه ، لذا


والله اني اعشقك من كل صوب
ان بغيتيها .. كذا ، ولا كذا

[المطيري7]

في ذمتي ذمهه ، وذمهه ، وذمهه
اننك بعيني ععن مية الف مخلوق


غالي وقدرك في ضلوعي اضمهه
ولك في حنايا خافقي يالغلا شوق

[المطيري7]

عليك الله .. يااجمل ما خلق ربّك
تجلّت قدرته .. واحياك ، سبحانه


احس انه فطر قلبي .. على حبّك
عشان يزيد .. من تقواه ، وايمانه

[المطيري7]

منطقك لوهو يحاكي الشمع ذاب
جُلّ حسنك ..؟ بالتدلّع .. والذكا


جعل قـلب ن مايحـبك للـتـراب
وجعل عين ن ماتشوفك للبـكا .!

[المطيري7]

أنت الوحيد اللي من الناس بالذات
لو قلت عطني روحك , أقول جاتك !

[المطيري7]

اقسم برب الملا وبذمتي ذمه
مافيه غيرك بني ادم ملا عيني

[المطيري7]

تدرين بأن . . أكبر . . دواعـي سـروري
أنك . . تكونين بخير . . في كل . . الأحوال

[المطيري7]

اتلذذ الي مريت ركنه وجيت
ان قريت أوله وإلا قريت أخره


راقي اخلاق راقي شعر في كل بيت
حاسب أحساب للدنيا وللااخره

[المطيري7]

قلبي قصر مايسكنة غير أميرة
والحب لها كل يوم يبني لها صور


أحساس قلبي شعبه اللي ينيره
والشعب كله اليوم بالحكم مسرور

[المطيري7]

دامك بقلبي ماعلى قلبـي خلاف
حتى ولو منته قريب مـن الشوف


لأن الغــلا ما هو بمخلوق ينشاف
تقدر تقول شعور نابع من الجوف

[المطيري7]

في القلب قصر ٍ للغلا وانت بانيـه
حراسه أشواقي وطيبة ظنوني


أنا بدونك باقي العمر ما بيـه
هل تستطيع تعيش عمرك بدوني

[المطيري7]

من عيونك آخذ شعور القصايد
نور عينك زاد في شعري جماله


انتقي لجلك من احساسي جدايد
لو نشيل احرف طلع اسمك لحاله

[المطيري7]

يا الحقيقي بين { ألعاب ودُمى }
من ورى عينك بـ كل وادي أهيم


لي عيون تشوف ولي قلبٍ عمى
وآنا أخونك أعشقك والله العظيم

[المطيري7]

الجمال اللي اشوفه / مسستحيل
شي راهي . . يالهنوف الراهيه


في زمن فيه الجمال / اصبح قليل
اشهد انك في جمالك ( داهيه )

[المطيري7]

صاحبي هالعام والعاآم القديم
مسكنك صدري ومنك ينتعش


صاحبي والحق والله العظيم
انت آجممل شي ،،،، بـ 2014

[المطيري7]

عيونك احلى عيون لا تسأليني
مادام حتى الشعر بالوصف يبلش


يكفي .. ليا حطيت عينك بعيني
اكره عيوني .. كل ما جات ترمش

[المطيري7]

نبع الحلا من جد داخل دمها
مضرب مثل للزين واصناف الجمال


فتنة حلا من كمها لي كمها
ماهو جمال وبس لاوالله خبال

[المطيري7]

يا انيقه من بقا عقبك انيق
الذرابه و الحلا انتي ساسها


بنت شيخ و الدلع فيها رقيق
كل انثى تغار من انفاسها

[المطيري7]

ياصباح الشوق هذي لك لحالك
ياصباح الخير هـذي لـ البـقيّـه


أنـت ما مثلك ولا عـندي بدالـك
واهنـي ، اللي يشوفگ واهنيّـه

[المطيري7]

أسرح ليا سولف الطرف الغضي الخجول
واقوول في خاطري ياجعل عمري فداك


يقول تسمعني واسكت وانتبه له وأقول
معاك ياجعلني طول الليالي ( معاك )

[المطيري7]

أقول أحبك وأنا في قمة إحساسي
وأحياناً أقولها لك لا شعورياً


أنا إحتياجي لحبك مثل أنفاسي
أحتاجها في حياتي لا إرادياً

[المطيري7]

مدري عشقتك دون صوره ولاصوت
وش حال لو شفتك وصوتك سمعتـه


همسك على قلبي كما نكهة التـوت
فيني الغـلا والشــوق بيـدك زرعتـه

[المطيري7]

أنت الـوحيد اللي بـك البال مـشغول
ياللي على عرش المحاني تسلطنت


يكفـيك لا مـنّك تناديني آقــــــــول
لبيه / وآمرني فديتك/ وأبوي أنت

[المطيري7]

لك بالحشا ود على غير مقياس
غيرك ولو وصل القمر ما وصله


غلاك عندي فارق عن غلا الناس
ولو هم خذوا بعضه لك القلب كله

[المطيري7]

والله إنـي أحـبك ياغـلاي وهـواي
وأكتب لعينك البيت الجديد الجزيل


تعجز حروف شعري ماتبين غلاي
زبـدة الهرج مـالك فالعـذارى مثيل

[المطيري7]

ما تشبهين الغيد واوصاف البشر
انتي تعديتي الجمال الواقعي

[المطيري7]

أنت بعيوني غير عن باقي الناس
و الشعر ما يوفيك مهما كتبته


سكنت ما بين المشاعر والأحساس
حتى الخفوق بطيب خاطر أخذته

[المطيري7]

لبى القصيد الي تشوفه وتقراه
وش فايدة شعري اذا ماقـريته


لولا عيونك يالغلا مــاكتبناه
ولولا غـلاتك يا غلاتي محيته

[المطيري7]

يسعد صباح الروح لامن تغنت
بإسمك وحرفك ثم جابت طواريك


هـ الصبح نفسي ياغرامي تمنت
مقابلـة خشّــتك يـا رووح مغليك

[المطيري7]

آرسل قصايد بين لحظه ولحظه
وآثر الشعر يازين گله يجي فيك


آستوعب الموضوع وآقول حظه
ليتك تجي صوبي مثل شعر مغليك

[المطيري7]

طلتـك ! عن كل خلق الله تغنينـي
وغيبتك لـوعة مشاعر مالها صرفـه


على كثر ما غثـا الدنيا يلاحينـي
لو مرني في وجودك قلت ما اعرفه

[المطيري7]

يبتدي بك شعور وينتهي بك حنان
ينحني لك جمال وتبتسم لك جروح


اختلق لي طريقه واخترع لي مكان
ودي اشوف وجهك لو ثواني واروح

[المطيري7]

للموت احبك وحبك أجمل اسراري
والقلب بيديك وأسقه قبل لا يهلك


يكفيني إني الى خلصت اذكاري
اقول آمين .. مره لي ومره لك

[المطيري7]

هـاتي يمينك جسّي القلب بشـويـش
وشيـلي يمـينك واقري اللي عليها


اسمك عليها صار من دون تشــويش
دقات قلـــبي وقعــوا لككك علـيها

[المطيري7]

احبك محبة واحدٍ مايحب الاّ انت
عليل الفواد ومشتحن وانت دكتوره


لك الله يازين التواصيف ماعيّنت
ولا شفت مثلك لا خيالٍ ولا صوره

[المطيري7]

لله درك صرت هاجس قصيدي
ولله درك صرت نبض القوافـي


يعني تأكد، دايم انك جديدي
محبة ًمن قلب وافـي لوافـي

[المطيري7]

يامن تتابع مشاركاتي على الصـامِت
أنا أدري إنـك بخيـصٍ في معانيها


مشاعري عن محبة غيرگـم صامَت
والروح ماغيرگ احدٍ في محــانيها

[المطيري7]

الله يجيرك من صدوف الوقت وعيون الهلاك
والله يحفظك من سخافة الألسن المتطاوله

[المطيري7]

بـيـنـي و بين مـتـابـعـيـنـي عـلاقـه
مـا اقدر اوصفـهـا ولا اعيـد و اقول


من باب اخـوه و احتـرام و صداقه
اغيب وارجع من غلاهم علـى طول

[المطيري7]

اص ياقلبي ماهي حزة حنين
العيون اللي تبيها .. ( نايمه )


لاتظن إن المواصل كل حين
جمعة الاحباب ماهي دايـمه !

[المطيري7]

أهواك وأحبك وأداريك وأفديك
وأفديك وأحبك وأداريك وأهواك


لخبطت فكري عسى الله يخليك
وخليتني أعيد سطري من سواياك

[المطيري7]

غطّي عن عيون الأوادم / عينك
نظرات عينك حق من حقوقي


يا إن ربّي ،، مبتليك بـ زينـك
ولّا إن ربّي مبتليني بـ ذوقي !

[المطيري7]

كل يوم أشوفك أحلى مْن اللي قبله
لـ : متى وأنتي ( جميله ؟ ) يا جميله !

[المطيري7]

حبيبتي غير البنااات المترفاات
ما تشبه الا البدر ( نزّاح ) المساء


شيخه دلع ، شيخة غنج ، شيخة بنات
( أنثى جميله تختصر كل النساء )

[المطيري7]

فيك ما يسرق من الدهشه عقول
طول عنق ، نحف خصر ، وسع عين


لحظه ! انا امر ،في حالة ذهول
انتي حلوه صدق .. والا (تمزحين)

[المطيري7]

وعشان محدٍ يراك وخطتي تكْمل
ناوي أشفّر جمالك واحصر ارسالك


واعطي بطايق نظر والقائمة تشمل
أبوك / وامك / وانا / والشعر / وعيالك

[المطيري7]

الله وأكبر على ذوقك و تفكيرك
ذبحتني بالحنان وطبعك الراقي


بأقولك شي ماقلته لاأحد غيرك
أهواك وأعشقك وأحبك من أعماقي

[المطيري7]

فارقه ... بالإنتقاء وبالنقـاء
من تحب تنافسك منهي تكون


أنتي وبعدك يعدون النساء
يحفظك خالقك من شر العيون

[المطيري7]

في كل صبح اعجز عن التعبير
أسكت ليا شفتك وأنا معذور


لو قلت لعيونك .. صباح الخير
أخاف مايرضى .. صباح النور

[المطيري7]

أحيان : شي الشي أجمَل من الشي
منك صبااح الخير ؛ أجمل من الصبح

[المطيري7]

لو الغلا يـاخذ ويعطي على الكيف
تـرى الغــلا منـي لـك اول هـديه


هرجي معك صـادق ولااظن به زيف
مقصد شرف مالي مقـاصـد رديـه

[المطيري7]

كلمة ( أحبك ) لهآ معنى وأنآ عني
أحبك بـ كل مآ تعنيه هـ آلكلمه

[المطيري7]

اللي يقولون :- المرّه ( 1/2 ) رجال
ما كذبـــوا .. كـلامهم في محله !


لكنك انتي .. [ غير ] في كل الاحوال
انتي بـ [ عيني ] نص هـ [ الكون كله ]

[المطيري7]

هذا كلامي عن قناعه .. مّر في صدري وجـاك
والمركب إللي يحمل أحلامي على الهامي .. رسا


أنتي ملاك الأرض ... كان الارض تاطاها ملاك
شعور نابع من قناعة شخص ... بالصدق إكتسا


وأصدق مثل يطلق علي .. وتطلقه عيني علاك
أنا ( المصوّت بالغلا ) .. وأنتي ( مزعلة النسا )

[المطيري7]

كل أنثى .. تعتبر حسنك مثال
ذا طبيعي بس ماهي قادره


نُدرة الأشياء ، تعطيها جمال
و أنتِ معنى للجمال و نادره

[المطيري7]

يفـرحون آلغيد لآمن زعلتي
ومآيوصلونك بآلحلآ لو يموتون


منتي بمخلوقه من آلطين آنتي !
كيكه لهآ رجلين ويدين وعيون

[المطيري7]

اقولهـا وعيـوُن العرب كلهـا تقـراء
انت اكثر انسان وجوده يفرحني

[المطيري7]

هـ القلب يرسل جزيل الشعر لعيونك
والنبض يصرخ ابيك لباقي ايامي


عهدٍ علي أعشقك وارضيك وأصونك
وعمري بقربك يعادل جُملة أحلامي

[المطيري7]

مسامح الناس خوفي حزة السكره
القى رصيدي من الإحسان يجرحني


الكل ميت سواء اليوم أو بكره
اللي جرحته وآنا مدري يسامحني

[المطيري7]

البـشر يخطون والتـقصير حاصـل
وان حصل مني خطيه سـامحونـي


وكـان غبت وماحصل مني تواصـل
بالـدعاء والخـير والنـعم اذكـرونـي

[المطيري7]

اقولها ... والظروف تمرّ وتعدّي !
عذراً على غيابي اللي ما تعمدته

[المطيري7]

مو شرط من يكتب غزل يعني يحب
كل شئ بهالزمن صاير خيال


هذا انا اكتب غزل و اكتب عتب
واترك لي أبيات تثير الجدال

[المطيري7]

ياوقت ماني طامعن في عطاياك
لا دامت الدنيـا ولا نيـب دايـم


الله يجـمل سيرتـي واتعـداك
للجـنه اللي من كبار الغـنايم

[المطيري7]

الوقت هذا ماعرفنا نظامه
واللي موافقني يسجل موافق


ياليت في وجه السنافي علامه
ومكتوب في وجه المنافق منافق

[المطيري7]

الناس ماهي سوى فيما يكن الضمير
كلن يـحـاول يحـقق مـقصدن يـقـصده


أحدن يــود لك خـير وفـي مباديه خير
وأحدن يا ويلك لو إن العافيه في يده

[المطيري7]

بعض البشر محتاج للذوق خبره
عنـدي نصـيحه له على مر الازمان


المرء بأخلاقه وذوقه وفكره
وبروعة آسلوبه يصير آجمل إنسان

[المطيري7]

اخذوا كلامي ، وانقلوه بلا وصاه
انا ما أغيّر فـ "المكارم" منهجي !


اللي يجي من غير لا اعزمه تراه
اطيب من اللي لا عزمته ما يجي !

[المطيري7]

ان بـغيتــونــي لقيـتـونـي هنـيـا
وان نسيـتـوني تـرى ماني بـغـادي


عايـش فـوق الثـرى حـدر الـثـريا
واجلـي ورزقـي على رب العبـادي