غـآمضٍ مـآلي شبيـه إلآ .. [ الوضـوح ] .. وآعي .. مـآلي علآقــه .. [ بالوعي ]

[المطيري7]

لا تقول شوقي يوديني على .. بيته
الشوق .. تقدر علِيه .. وتقدر تذله


شفني وانا الشُوق ناداني ولا جيته
مشتاق لأشياء .. تاركها لوجه اللّه !

[المطيري7]

اضيق من حالي وكثر ذنوبي
وانا ادري ان الموت مالي عنه !


ياارب نوّرلي جميع .. دروبي
وأن مت وسع مدخلي فالجنه !

[المطيري7]

يا ليت ربي لآ نوى يآخـذ الروح
ياخذ ذنوبــي قبل روحـــي تولي


ويقول يا عبدي تفضل ومسموح
وفي جنه الفــردوس القى محلي

[المطيري7]

كلام الله افضل حاجةٍ تنعش الأرواح
وترديد ذكره يعطي النفس ترويحه


على شان ماتندم على كل يومٍ راح
لا تمضي دقايق ماخذت منك تسبيحه

[المطيري7]

يا أطهر بشر وأنظف بشر وأجمل خليل
حبيبي أنــت وعـــالمي وأمــي وأبـــي


فــي كــل وقـــت وكــل يــوم وكـل ليل
صلـــى الله وسلم علــى وجـــه الــنبي


اللهم صل وسلم على نبينا محمد

[المطيري7]

أهداكَ ربي للأنامِ رحيماً
ونشرتَ دينًا كالجبالِ قويماً


يا من قرأتم أحرفِي ومقالتِي
صلّو عليهِ وسلّموا تسليماً

[المطيري7]

الميت أبدى في دعائك من الحي
الحي يبغى منك نصح وتواصي


وإذا بتندم في حياتك على شي
إندم على كثر إرتكاب المعاصي

[المطيري7]

شرهة الميت على بيض النوايا
يوم يحتاج الدعاء هم غافـــلين


بعثروا صمت المقابر بالهــدايا
وامطـــــروها بالدعاء للميتين


اللهُمَّ ارحمَ موتانَا وموتَى المسلمينَ

[المطيري7]

عسى القبور اللي ، خذت ناس غالين
تهطل عليهــــا من السحايب غماما


أدعوا لهم يا أهل الدعـــاء والمصلين
ي الله عســى قبورهم برد وسلاما

[المطيري7]

الله يرحم مـن تـوفى على الـدين
ويغفـر جميع ذنوبه اللي ارتكبها


ويالله تهـديني قبل غمضة العين
فـي يـوم ما ينـفع الاوادم عتبها

[المطيري7]

شعري لو يناسب الشعّار ماقلته
ادوّر اللي ( يناسب ) كل متذوّق


ولولاكم الشعر مبطي يمكن اهملته
لكن ليا شفتكم اكتب وانا مروّق

[المطيري7]

مافيه شي بهالزمن مضمون
أقنعني بـ هالوقت .. وأقنِعته !


يخونك اللي مستحيل يخون
ويحـبك اللي ( ما توقّعته )

[المطيري7]

في هالزمن لاتنشد الحب وينك
للحب حب ( ولـ الصداقه صداقه )


اللي تحطه وسط قلبك وعينك
تلقاه ( مع غيرك ) مسوي علاقه

[المطيري7]

الشعر مثل الصيد والصيد نادر
ولا كل شاعر فكرته تجذب الناس


أحدٍ يحاول بس ماهو بقادر
وأحدٍ ليا منه كتب يكتب أحساس

[المطيري7]

مثل ما للموت هيبه واحترام
للمفارق شهقتن فارقه


عيش ما تبغى من ايام الغرام
وحب من تبغى تراك مفارقه

[المطيري7]

متمسكة بالحلم وانتي على علم
ان النهاية رايحة لشخص غيره


هل تشعرين بحزن مبني على ظلم
هذي مشاهد كل حلقة آخيرة

[المطيري7]

ابعد عن أهل الحب و تعيش في خير
الحب بَ الواقع ترى حلم في حلم


ما ودي أحبك و أفارقك و اصير
مثل الذي يتابع و هو عارف الفلم

[المطيري7]

تعال بعطيك عن بعض البشـر حصّه
يـوم ربـي جمعنـا مـن ورى الشـاشه


لو شخص جاملك وخصك أحذر تخصّه
ترى أكثـر قلـوب خلق الله غشاشه

[المطيري7]

خذ نصيحة مجرب من جروحه برى
اترك الحب ولا لاتحب بضمير


لا تغرك حلوفه فالبدايه ترى
اصدق القول دايم بالكلام الاخير

[المطيري7]

يجاملك شخصٍ يبي منـك مصلوح
ويصـارحك شخصٍ يدور صلاحك


هذاك ياخـذ حاجته منـك ويروح
وهـذا معك ماهمه إلا نجاحـك !

[المطيري7]

شاعر مشاعر تحت تأثير الشعور
اما غزل والاغضب والاطـرب


اكتب شعر ماهوب حباً للظهـور
ولا اتفاخـر به ولا اصج العرب

[المطيري7]

من يرجي الخلاق مايلحقه باس
ومن يرجي المخلوق شاف الغبينه


ياجعل مالي حاجتن من ورا الناس
الحاجه اللي من ورا الناس شينه

[المطيري7]

رضا البشر كـايد و لا حوله إدراك
نادر تصـير ظنــونهم حــول ظنـي !


يارب وفقني / لطــاعتـك ورضـاك
رضاك أولى من رضا الناس عني !

[المطيري7]

صديقي المهموم
فكّر بوضعك زين


لوّ السرور يدوم
ما شفت دمعة عين


اصبر على المقسوم
الصبر نصف الدين


وإذا بكيت بيوم
قبله ضحكت سنين !

[المطيري7]

لا تستضيق وتخلـق لنفسك اجواء
إستبسط افـراحـك وتبسـط يديهـا


وإليا فقدت اشياء واشياء واشياء
عنـدك كثير اشياء .. غـيـرك يبيها

[المطيري7]

مهما تطول الـ آه
و تشوف ما تكره !


خل الأمل بـ الله
أن الفرج / بكره !

[المطيري7]

حنـا على زينـة الدنيا ،،، تنافسنا
النفـس أماره وطعنـا ... أوامـرهـا


اسألك ياربنا بأسمائـك الحسـنـى
من ظلمة انفوسنا بـ إسمك تنورها

[المطيري7]

الصبر مفتاح الفرج فالعسيرات
والعقل نعمه والتوكل ذخيره


ولا هو بكل أيامنا السود شينات
استغفر الله ،، بعضها فيه خيره !

[المطيري7]

عمر الصبر ماخسر راعيه
حـتى ولو جـاوز حـدوده


دام الله اللي موصي فيـه
عواقـب الصـبر محـموده !

[المطيري7]

العمر تطويه دورات الزمان
والليالي بين بيض وعاتمه


عابرين وما على الدنيا ضمان !
ي الله الجنة وحسن الخاتمه

[المطيري7]

يامدبر الكون لاتجعل لنا حاجه
الا برحمتك تقضيها وتفرجها


واجعل لنا خطوة فالخير دواجه
ونفوسنا من لحود الضيق تخرجها

[المطيري7]

مابين طول الحياه وبين قصرالحياه
الادمي والله انه / منتـهي منتـهي


الرابح اللي يطيع الله ويطلب رضاه
والخاسر اللي تبع نفسه وماتشتهي

[المطيري7]

المقصـر فالعباده وش اللي ذاخره
لا يحسبنه مخلـد ترا الدنيا عبور


اتـرك الدنيا وأمن حياة الاخره
ماحياة الدنيا الا متاعاً للغرور

[المطيري7]

يابن آدم أنت في شَقو وعنا
بس كرسهم لـجمع الطيبات


كل شيٍ للزوال وللفنى
غير ذكر الباقيات الصالحات

[المطيري7]

http://www5.0zz0.com/2016/03/24/19/924532641.jpg


خجلتَنا يا أيها الشيخ الهَرِم
من ليس يأخذُ عبرةً منها ندِم


أين الشبابُ الغافلون ليرعوُوا
من قبلِ أن يجتاحَهم سيلُ العَرِم


يا ضيعةَ الأعمارِ في هجرانِهِ
هل من لبيبٍ بين قومي قد فهِم !

[المطيري7]

حي الله اللي يعشق الشعر مثلي
ويسعى ورى گل المعاني الجميله


وإليا لقى له بيت محگم و أصلي
من فرحته في وسط قلبه يشيله

[المطيري7]

خذها بلآ تجريح و أحسب لهآ حسآب
نهـآية آلمقصود في كلمتينـي


آللي يبي فرقـآي قـدآمه آلبـآب
وآللي يبـيني فوق رآسي وعـيني

[المطيري7]

حلفت مــ آندم على وآحد يروح
آغلى نفوسٍ في ثرى القبر طآحت


آللي يبي يرحل محلل ومـسموح
مافيه آغـلى مـن سنـيـني ورآحـت

[المطيري7]

من راح ! ماتلحقه كلمة : على وين
عندي انا ( كل شيء ) إلا الكرامه


اللي يبيني يلقى .. الحق و الزين
وللي يبي يرحل : رافقته السلامه

[المطيري7]

من راح ؟ قلنا له سهالإت يَ صاح
شرفت مَ كلفت - فرصه سعيده

:smile:

[المطيري7]

ماعاتب اللي خطأ وأزعل على اللي يروح
أنا تعدّيت … هذي المرحلة … من زمان


أول بصدري مكان … أشيل فيه الجروح
الحين ؟ ما عاد لـ جروحي بصدري مكان

[المطيري7]

ما عادت الشرهه تودي ولا تجيب
نفوسنا لا شافت الضيم طآبت


طحنا بَ ناس ما تعرف المواجيب
كنا نظن وكلها ظنون خآبت

[المطيري7]

من كثر ما خابت ظنوني من الناس
أيقنت إن ما عاد لـ الصدق قيمه


الوقت ذا لـ أهل المصالح والانجاس
ما هو لنا يـ أهل النوايا السليمه

[المطيري7]

طوّلت ( بالي ) لين ملّ .. إنتظاري !!
ظنيّت ؟؟ و ظنوني مع الناس خابت


ما راح ألوم .. ولا أزيد : إنكساري !!
نفسي اذا طابت من الشي | طابت

[المطيري7]

إعتزاز النّفـس للمخـلوق شيك
عز نفسك لا تحسب العزّ سيّ


ولا تَجامل كلّ من صافح يديك
المحبّة ماهــي بكثــرة حَكيّ

[المطيري7]

لو تطول السنين العمـر نقطة عبور
بــاب للقادمين وبــاب للراحلـين


خل كره القلوب وخل ضيق الصدور
وشوف دربك يروح يسار وإلا يمين

[المطيري7]

غلطتي ماكنت راسم لي حدود
خط احمر .. ما يتعداه احد


من زعل ثم صد جعله مايعود
لاهزني بعده ولا قام و قعد

[المطيري7]

حنا بوقتٍ فيه بعض ... العلاقات
فتـوقها واجد ، ولا . .تنتـرقـع


قلوب بعض الناس مثل المطارات
هـذا يطير ، وذاك توه ... موقـع

[المطيري7]

الذكي محسود بـ ادراك البصيره
والذكاء نعمه و بعض احيان نقمه !


ودي اني ما عرفت اشــياء كثيره
الجهاله في بعض الاشياء : نعمه !

[المطيري7]

يا عقلي المستاء
ممكن .. تعديها


لا تفكر بـ أشياء
مالك شغل فيها

[المطيري7]

العوض قدام والماضي فدا
شطرٍ أجهل صاحبه لكن جزل


الليالي مهما جابت من ردا
ماشكينا ، نضحك ونكتب غزل

[المطيري7]

حتى لو أن الضيق ، حاصرني
محبتي ماهي : سوالف ليل !


لا تحسب ان الوقت : غيرني
انا على خبرك احبك حيييل !

[المطيري7]

يا حبيبي .. تآمر عيونك عليّ وتنهـى
بس لا تنسى حبيبك في المحبة منهو


من جمال عيونك الثنتين عقلي يسهى
الصراحة في عيونك جل من لا يسهو

[المطيري7]

يا الجميل الفريد النادر الفاخر
سيّـد الحِسن ليـش أزيد وأتأول


أنت حبـك دوائر مالها آخر
كل ما تنتهي تبدأ من الأول ..!

[المطيري7]

غيرك من الناس لو حاول يطالعني
اصد عنه ولا اشوفه ولا اعتبره


الا انت يالشاري اللي منت بايعني
نظره عيونك صفا لو ليلتي غبره


وان كان ودك لدرب الحب تدفعني
القلب يعشقك ما يحتاج تختبره

[المطيري7]

انا شاعر رومانسي مختار حظه ولا اختاره
سوات البشر يكتب لغيره ويكتبله


احبك واعرف ان سلطة الحب جباره
تجيه العرب صاحين وتروح منهبله

[المطيري7]

تعالي كلك مثل م جيت كلي
انا لك وما عندي الا حلالك


ماني من اللي حبهم للتسلي
حبي لك اكبر من تصور خيالك

[المطيري7]

كل كلمه من شفاتك تسوى عشر
وكل غمزه من عيونك تعلن وفاه


انتي قمر !! استغفر الله وش قمر
انتي حلاك فوق الحلا ويتعداه

[المطيري7]

منك الجمال ومني اللحن والشادي
يا خمرة الحب في أكواب إنشادي

[المطيري7]

ويش بـأكتـب فيك يا عذب اللمـا
الشعور اكبر من اللي فـالصدور


والقصيـد نجـوم وانتي يالسما
الـكـواكــب كـلـها تحـتـك تــدور

[المطيري7]

مسائي فيك ومنك ووداني إليك
مسائي عيونك النجلا ..ي الترفه


و مسائك قصة غرام من يغليك
ومسائك شعر زان لك . . حرفه

[المطيري7]

انت ذبحتني بالغلا وانا سلاحي قصيد
الزين هو لعبتك والشعر هو لعبتي


خذيت قلبي وشرياني ونبض الوريد
ولعبت ياكامل الاوصاف في حسبتي !!

[المطيري7]

والله انك فوق ما حولك نزول
والله ان نفسي لقربك هاويه


زادك الله فوق خلق الله قبول
من يقول ان البشر متساويه

[المطيري7]

لو كتبت ابيات في غيرك غزل
ارتكبت بحق شعري معصـيه


انتي وحدك غير ما مثلك مثل
انـتـي وحدك لي حـياةً ثانـيه

[المطيري7]

برستيجـك الراقي منـمـق وجـذاب
لولاه ماجيتـك من اقصاي هاوي !


لك في فؤادي قدر، يابنت واعـجاب
مـتقاسمه حـب وغـلا ... بالتساوي

[المطيري7]

ي مساء اللي مغيّر لي حياتي
انت في عمري مثل نقطة تحوّل


فيك احس المسا له تأثير ذاتي
وكل مساء يمرني احلى من أول

[المطيري7]

ما خابت الهقوات ولا زلت هاقي
بأن اللقاء بـ يسوقه الشوق والوقت


لكــن على كل حال انا هناك باقي
اهم حاجه ، لا تكابر اذا اشتقت

[المطيري7]

الحظيظ اللي حسدته في الحياه
من يناظر وجهك ويجلس معك


جعل عيني ما تضره في هواه
مره يشوفك .. ومره يسمعك

[المطيري7]

مختلف جداً .. وفارق مستواه !
والمشاعر مالـهـا عـنه سهَوّه


أمتع اشيائي ومن نعم الحياه !
صوته و قرّبه و فنجال قهوه

[المطيري7]

جـعـل عيني ما تشوف إلا عيونك
وجعل حالي ما يضمه غير حالك


أنت قـل لي وش هالدنيا بـدونـك
والله إن مابه حـيـاة إلا وصـالـك

[المطيري7]

من منطلق ان العمر ممتلي قبح
و ان الجمال اشياء تشبه لذاتك :


نصف السعادة كوب قهوة مع الصبح
و النص الاخر ، ابتسامة شفاتك

[المطيري7]

ياسكر أبيات القصايد تعالي
تمخطري بالشـعر دقّـه وجلّـه


أنا قصـيدي فيك دوم إرتجالي
لاشفت عينك / يطلع الشعر كله

[المطيري7]

ياللي جمالك مصدر ابياتي
ابي مزاجك عالي ورايق !


تفضلّي : كل ابتساماتي
حرام هذا الوجه يتضايق !

[المطيري7]

مالـوم من صابه على حبك غـلو
ما يكرهك غير القلوب الخاليه


صوتك حلو شكلك حلو قلبك حلو
الظاهر إن حتى دموعك حاليه

[المطيري7]

طلتك متشبعه ملح وقبول
سيدة شعري اعذريني طالبك

لو اقول ولو اقول ولو اقول
انتي اكبر من قصيد يقال بك

[المطيري7]

انت المساء اللي احبه .. لحالي
وغيره من الاشياء ما همني شيء

[المطيري7]

زودي الدلع يا بنت إذا سمحتي
لا شافها العاقل صاح وتبلعم


أبسألك يا بنت إذا أنجرحتي
يطلع عسل وإلا بعد مثلنا دم

[المطيري7]

انتي حكايه جميله ما لها راوي
اللي جذب مبدعين الشعر منظرها


وانا الاديب الجريح المغرم الهاوي
اللي لقى فيك حاجه ما تصورها

[المطيري7]

سبحان من حطك بقلبي وخلاك
اجمل بنات ادم وحواء بعيني


ماكن في هالكون بنت بمزاياك
انتي طغيتي بالجمال ورقيتي

[المطيري7]

هالحسن طاغي ، وانا محتار
سيطرت حتى .. على ظلي


كل شي حلو وان بغيت اختار
مدري وش آخذ .. وش اخلي

[المطيري7]

خذنيّ معك والمساء كله مسَاك
خذني مادام الشوق صوبك خذاني


في ذمتيَ يالغلا أن الغلا جـاك
وفي ذمـتي الشـوق يمّك دعاني

[المطيري7]

دلوعةٍ من صغرها .. دلعوها
في حزنها ظلما وفي ضحكها ضي


تقول ( يمه ) كل ما روعوها !
يازين ( يمتها ) ويازينها هي

[المطيري7]

ماكنك الا كون في داخل الكون
يامخملية ذوق ومهره واميره


ياعالمية وصف بالشكل واللون
الورد لو شمك تبسم عبيره

[المطيري7]

تخيري بين الأسامي والألقاب
حلوه ، ودلوعه ، واميره ، وترفه


تواجدك يسحب عن الغيد الإعجاب
اجملهن اتدور لـ فرقاك صرفه

[المطيري7]

يا سيد القلب .. مالومك
اهديت لك عشقي الفاخر


مابيك تعطيني ، علومك
عطني احساسك من الاخر !

[المطيري7]

مساءك غلا والمساء في غلاك خير
يسوقه حنين الشوق في قلب راعيه


مساءك وفاء شيمه معزة غلا تقدير
مساءك سعآدة تدخل القلب جبرية

[المطيري7]

من قبل اعرفك اقسم اني ماهويت
حتى فوادي بالمحبه مادرى


واليوم في حبك تولعت ونويت
ما اسمع ولا اتكلم ولا حتى ارى

[المطيري7]

كيف اقول انك ربيع القلب ، وانـك
اكثر العالم طهر روح ورحابه


جابـك الله في زحام العمر كنّك
دعـوة امٍ وافقت وقت إستجابه

[المطيري7]

شفت فيك احساس يجذبني عليك
بـ كل يوم اقرى كلامك ابتسم


الشعور اللي ورى ضلوعي يبيك
مالقيت لـ روعة احساسه " اسم "

[المطيري7]

عذرك تحبين القصايد .... و عذري
إنــك .. طموحات القلوب النبيله


أنا إختصرت الناس بإبداع شعري
و أنتي إختصرتي كل أنثى جميله

[المطيري7]

مسيت بالخير والتقدير والحشمه
ي من جنـابك مع العـالم رفـع شـانه


ايه إصطفاك الغلا غصبن على خشمه
وإن ما إصطفاك الغلا م للغلا خانه

[المطيري7]

ياذوقها .. يافكرها .. يا أدبها
ياحسنها .. يا طبعها .. ياحياها


من راس خصلة شعرها لا كعبها
تبرق وصايفها .. ويقطر حلاها

[المطيري7]

انت في سكة ظلام العمر نور
انت صوتك ليل واحساسك سهر


انت فكرة دايم فـ بالي تدور
فيك يا حظي ويا حظ الشعر

[المطيري7]

طاغية فيك المزايا والبها
تستحي منك المرايا وتستحين


تكبرين وعمر زينك ما انتهى
انتى كل ما تكبرين ب تصغرين ..!

[المطيري7]

اختاري اللي يعجبك فالخيارات
يا شاعره ، يا ملهمه ، يا قصيده


في كل حالاتك وفي كل الاوقات
جمالك ايفوق الجمال ويزيده
http://www.ckfu.org/vb/images/icons/ei28.gif

[المطيري7]

من يهمه حضـوري يسعد الله مساه
ومن لا يهمه حضوري مرحبا به هلا


وانت يَااللي وجـودك يلفت الانتباه
من وجودك ياعساني يَا الغلا ماخلا

[المطيري7]

راهي بزينك والدلع حيل راهـي
مالــوم لوكـل الصبايــا يـغـارون


اصلا جمالك هو اساس التباهي
يعني بصراحه كل مافيك مجنون

[المطيري7]

يا سيدة كل البنات الجميلات
يا الصعبه اللي طحتي فِ واحدٍ صعب


انتي أميره وانا احب الأميرات
ماعاد يرضي خاطري ساير الشعب

[المطيري7]

لا تقول أوصف جمالي بالقصيد !
الشعر .. ماله مع زينك مجال !!


كان بعض الناس في زينه فريد !
أنت في خلقتك جملت الجمال !

[المطيري7]

لك باقة الورد الجميل المنقى
وأجمل حلاوه تستحق الحلاوه


شاعرك ماخلا ولا عاد بقى
من المحبه والغلا والحفاوه

[المطيري7]

للمتابع حق واجب واحترام
لو سلام أهديه مع باقة ورود


يا مساء الخير للناس الحشام
من سكن فالدار أو خلف الحدود

[المطيري7]

يامليك المشاعر ليه ما اكتب فيك
دام ماني على قصر الهوى مسبوق


وإن تأخرت لاتشره على مغليك
للقصايد حق ولك معاي حقوق


منتظر خايف اكتب شيء ما يرضيك
وانت حساس .. ومدلع .. وترف .. وذووق


كان لي قدر ما يستقبل التشكيك
دمعتك ... لاينزلها ولا مخلوق

[المطيري7]

تشوم عن بعض البشر نظرة العين
ولا تنجبر روحي على ما تطيقه


اللي يبينا يعرف الدرب من وين
واللي يبي الفرقا ندله طريقه

[المطيري7]

يارب سامحني قبل حزة النوم
وأغفر خطأ نفسي و زله لساني


مافيه من يضمن بعد نومه يقوم
مدام كل اللي على الارض فاني

[المطيري7]

مدري خذلت الناس .. ولا إخذلوني
موجود معهم بس .. ما أحس فيهم


أما جميع الناس .. ما يفهموني
وإلا أنا ماني .. بـ فاهم عليهم

[المطيري7]

تبكي من الضحك او تبكي من الحسره
م للبشر شغل ب دموعك و ب عيونك


الجرح هو الجرح والكسره هي الكسره
واللي يبيك بصدق ما عاش من دونك

[المطيري7]

جامل وخل السوالف واكسب الراحه
و سارح وجيه العرب ولا تمارحها !!



من واقع التجربه و مخالط الساحه
نيات هالناس ماتشبه ملامحها !!

[المطيري7]

مساء الخير والمـسك والنـور
للي يتابع كل حرف ن كتبته


واللي يبادرني من القلب مشكور
أعظـم تحياتي لقـلبه نسبته

[المطيري7]

من تجربة خوه ، ومن واقع حياة
اللي يشيل من العلوم ، يحطها


سويت في دنياي ، سلة مهملات
من طاح من عيني حذفته وسطها

[المطيري7]

الله لا يجعل حاجتي من ورا الناس
وعساي ما اظلمهم ولو يظلموني


وعساي ما أخاوي بعمري ردي ساس
وجعلي نصير الحق لو يكرهوني

[المطيري7]

يا جوهر العشق يانبضه وياروحه
يسعد مساء الغلا والشوق وعيونگ


دآمگ مساء القصيد إللي لك أبوحه
يسعد مساء الوله في قلب مجنونك

[المطيري7]

هآجسي نظم حروفه لك وصآغ
بيت : شعرٍ جمـل أبيـآت الغـزل


مآ عشقتك زيف ولآ من ،، فرآغ
عآشقك : عشق القوآفـي للجزل

[المطيري7]

باختصار وكل صراحه أعترف
وصف حبك شي تعجزه الحروف


نال حبك فيني مرتبة الشـرف
ما يزول ولو [ تحاربنا ] الظـروف

[المطيري7]

تعجز ابيات القصيد ليا وصفتــك
بين حب وبين عشق وبين غيـره


ماعرفت الحب لين اني عرفتـــك
وصرت احبك حب مايوصف بغيـره

[المطيري7]

محبتك ماقِدر شعري يبيّنها
ياللي عن الغير قدرك غير ومبدّا


مدري وش اقول لك بس المهم آنها
اكثر من الواجده واقوا من الجدّا

[المطيري7]

يسعد مساك الممتلي برد واحساس
ويسعد مساء قلبك وعمرك وروحك


في هالمساء ودي تكون أسعد الناس
روح ابتسم للوقت واترك جروحك

[المطيري7]

كل التعابير بجمالك .… لايقه
تجمع اوصاف الحسن وتصبّها


مستغربه / مستانسه / متضايقه
عيونك … بكل الظروف آحبّها

[المطيري7]

كل المشاعر مغرمه في صفاتك
يا نصفي الثاني وشوقي وطاريه


ان كان حبي صار جزء بحياتك
حبك حياة القلب .. منت بجزء فيه

[المطيري7]

احبك بالصدى والصوت
احبك حتى بسكوتي !


انا وان قلت "ما احبك"
ترى اللي قال مو صوتي

[المطيري7]

يإللي مافيه مثلك في عيوني أحد
قلت أحبك وآنا واثق ومستخير


أوعدك إنّي ببقى لين ذاك اللحد
أحمد الله عليك , وأعشقك للأخير

[المطيري7]

لك مساء الخير والشان الكبير
يالغلا والكل يسعى في رضاك


لك مساء الشوق وأنسام العبير
في رسالة مختصر فيها غلاك

[المطيري7]

جيتي هلا وأبرك الساعات وأحلاها
ماجابك الحظ لكن الغلا جابك

[المطيري7]

لا يهمك والله .. ماحولك أحد
فارقه بالزين وانتي تضحكين


قلتها دايم ..وارددها بعدّ
دام هذا الزين حقك تقهرين

[المطيري7]

في نسيمك أجمل انواع العطور
وفي وجودك نور من كل الجهات


الحياه احساس والهام وشعور
انتي اجمل من ملذات .. الحياة

[المطيري7]

تستحقين المحبه والغلا ياخجوله
والوفاء والمعزه والقصيد الجزل


اسمعي ابيات شعري كلها لك تقوله
ابتديبك مدايح وانتهي بك غزل

[المطيري7]

يامساء الخير ياخير المساء
ياغلاي … يحق لي أوله عليك


لآغديت النور وإحساس الصفاء
كيف ماتبغى … خفوقي يهـتويك

[المطيري7]

احلى غلا في خافقي واجمل ايام
اعـــيـشهــا واحس باحساس ثاني


وشلون مااكتب شعر وعيونك الهام
تحتار فـي وصفك جميع المعاني

[المطيري7]

اجمع أشواقي وبيديك انتثر
الثواني معك لون وشكل غير


إيه أحبّك يالغلا كثر / كثر
كثر مدري لكن احبك كثيــررر

[المطيري7]

لك في خفوقي بيت وأنهار وزهور
ولك في عيوني فرحتي وأمنياتي


الحب مثـــل الليل وانتي لي النور
أنا بدونك ماعــــرف وش حيـــاتي

[المطيري7]

علي يشهد الله ما يوصف هواك شعور
تعدى غلاك حدود الادراك الانساني


يقولون : لابد الزمن بالغرام يدور
وانا مستحيل احب لي واحدٍ ثاني

[المطيري7]

مسـاء الأحترام وخالص الود والتقدير
لـكـم كلكم والله على آلـخـيـر يجمعنا


عسى الله يصحـح غلطة مالها تبرير
وعسـى الله يـعـدي كلمة مالهامعنا

[المطيري7]

وشلون ب اوصف حلاك ومنطق لسانك
كتابة الشعر في وصفك هي الازمه


أصلاً جميع الغـزل يكتـب ع شانـك
وقصايدي فيك عود من طرف حزمه

[المطيري7]

خذ راحتك فيني و مقدر أمنعك
أنا أحبك و أعشقك .. حد الغلو


سبحانه اللي جمّل الأشياء فيك
حتى الحزن لا كحّل عيونك حلو

[المطيري7]

مذهله بالوصآيف مترفه بالحنين
عن جميع الصبايا تفرق بزينها


آسمها في خفوقي فتنة العالمين
وآستمد آمنياتي من حكي عينها

[المطيري7]

وصفها بين العجب والمستحيل
أخجلت عـوب القصايد والأدب


كل شيٍ تلبسه يصــــبح جميل
بأختصار أطلق مزايين العرب

[المطيري7]

لا قمتي بذاك الصباح العذب
ونفسك على شيٍ تشوفينه


خلي كلام الناس كله كذب
وجهك هو أحلى شي تلقينه

[المطيري7]

لبى الحياه اللي غرامك نمطها
امشي على سطر الغلا واكتبك حرف


واغمض عيوني واشوفك وسطها
أناظرك واغض عن غيرك الطرف

[المطيري7]

يا أطهر حبّ .. عفت الناس من بعدك
قتلت : الحزن ، وأحييت الفرح فيني !


أحبك .. كثر .. مـا خلّيتني .. وحدك :
أعاف الناس .. ويطيحون من عيني !!

[المطيري7]

ضحكتك جذّابة و وجهك طفولي
واناقتك . . تفرق وطلتك جنّة


لا من تحدّوك المزايين .. قولي :
انا الجمال اللي يقولون عنّه

[المطيري7]

بالشكل بالاخلاق بالطبع بالصوت
ما يشبهك وينافسك شخص ثاني


اوعدك ماياخذك مني سوى الموت
أمّا خذاك .. الموت .. والاّ خذاني !!

[المطيري7]

ماجيت انافس زحمة الشعّار
ولا جيت اسلّم لـ السهر رمشي


جيت اسرق البسمة من التذكار
و اوثّق احساسي لها ، وآمشي

[المطيري7]

كل شي محظوظ في وقته إذا نالك
لانك خلاصة حياه ، وقـربك يجمّل


كل المســـامع اذا قلت .. تعنّالك
ودها ليا من سكت ، تقول لك كمّل

[المطيري7]

حورية الدنيا و مياسة الطول
كن الحسن مخلوق منها وفيها


حتى المرايا كل ما مرت تقول
هذي هي اجمل بنت مرت عليها

[المطيري7]

أنفاسك توزّع على الارض السلام
تاخذه لصدور العباد وتغرسه


تنفّسي .. واعطي الهوا قدر ومقام
خليني افخر فيه وانا اتنفسه !

[المطيري7]

تستاهلين المـدح ياشيخة الـزين
يااللي على الكل بطباعك فرقتي

مايختلف دايم على حسنك اثنين
كل البنات اتضيع لامن حضرتي

[المطيري7]

كل مساء يمرني وانتِ معي
هذا هو معنى مساء الخير لي

[المطيري7]

بقلبي لك حكي ما مر على شاعر
ومدينة من مشاعر لا تدمرها


ولأنه الحب في هذا الزمن نادر
احبك كثر ما احبك واكررها

[المطيري7]

الحلا والملح والسحر الحلال
فيك وانتي بالثلاثه / زاخره


جابك الله للحلا مضرب مثال
حور عين الغيد / قبل الآخره

[المطيري7]

لا سولفت يا جعلني ماعدمها
يا حلو هرجتها ../ و يا لذتها


والحرف لا منه طلع من فمها
ودّه كذا : يرجع على شفّتها

[المطيري7]

ودي بشوفك فالشهر عشر مرات
لكنّ مابه فالشهر غيـر( قمـرا )


النفس امّاره عليك انت بالذات
لكن ماهو بالسؤ باشياء اخرى

[المطيري7]

منهو اللي يستاهل أحبه بدالك
يَ اللي فؤادك غير ومحبتك غير


لا تسألين شلونك وكيف حالك
قولي صباح الخير وأكون انا بخير

[المطيري7]

لعيـون من تعشــق عيوني عيونـه
كتبـت شعــري فيه والقلـب مجبـور


وانـا حياتـي مثــل موتــي بدونـه
مثل الكفيف اللي يبي شوفة النـور

[المطيري7]

اخذيني العاشق اللي مات في حبك
واخذيني الشاعر اللي صار مجنونك


واخذيني الصادق اللي يحلف بربك
اللي يحبك مــن الاعمـــاق ويصونك

[المطيري7]

كل العباد هناك إلا أنتي هنا https://vb.ckfu.org/images/icons/icon21.gif
لأنّ مثلك بين هالعالم قليل


أنتي كريمه حيل بإحساسك وأنا
الله يقدرني على رد الجميل

[المطيري7]

أكبر سلاح أملكه هـ / الكتابه
الشعر عندي مثل شربي وقوتي


( عندي ، سؤال ، ينتظر ، للاجابه )
هو يدري أني أقصده في بيوتي ؟

[المطيري7]

صباح الخيـر مـن قلب مشتـاق
يهدي لك بيوته على فكة الريق


اخذت من حلو الحلا كل ما لاق
ابيات شعر تعجب الناس وتليق

[المطيري7]

قالو لكل انسان تسع وثلاثين
اشباه تلقاهم بكل الخليقه


حاولت ادور لك شبه بس من وين
حتى المرايــة ما تجيـبـگ حـقـيقـه

[المطيري7]

لحظة تبسم لها قلبي و نبضاته
بديت اعيش الحياة بكل ما املك


انتي فصول العمر و اروع محطاته
مخلوق هذا الفرح والحب من اجلك

[المطيري7]

أنت وجهك يجلب الحظ السعيد
يوم غيرك في حياتي ما أنبلع


كل يوم ألقاك في عيني جديد
فـ الجمال وفـ الكلام ووفـ الدلع

[المطيري7]

من يشبهك !!
احترت منهو يشبهك
يا اجمل انواع القدر
محتاج اكثر من شعر
قاموس يشرح ضحكتك
ولو هي على بيت و شطر
غنيت لك ما أجملك

[المطيري7]

من صباح الورد لأنفاس النّعاس
إنت اكثر شخص احب ابقى معاه

[المطيري7]

مترفه بالزّين ماتخسر تحدّي
عن بنات الكون .. بالفتنه تفرّد


كل مامرّت على ورده تندّي
وكل مامرّت على عصفور غرّد

[المطيري7]

في صعيد الجمال العالمي و المحلّي
حالة الغيد من زينك و طاريك تُرثى


ويش أوصّف من وصوف الأنوثه و أخلّي
لعنبو وحدةٍ غيرك تقول إنها أنثى

[المطيري7]

انت احلا وجه واطيب قلب واصفا نيه
وانت وانت .. اللي تتعبني بذكر وصوفك


بعدك اشوف الوجيه .. الفارقه عاديه
ليه كنت اشوفهم حلوين قبل اشوفك !

[المطيري7]

فيك حتى الوصف والتشبيه قصر
كن تاج الحسن من طارفك


حلالك خلني في وجهك ابصر واتبصر
واتامل صنعة الله في جمالك

[المطيري7]

تو ( آلمساء ) ينشدني عن عيونك !
ما يدري انك معي فالقلب من بدري


مسني .. بَ آلرضا و آلحب و جنونك
شلون ما ينشرح فَ ضحكتك صدري

[المطيري7]

تعالي خلي العيون بشوفتگ تروى
انتِ اجمل الحب وانتِ اعظم مغانيمه


العمر من دون وصلگ شي مايسوى
وصلگ عطى كل لحظه فالعمر قيمه

[المطيري7]

لا أقبلت جتها القصايد خاضعه
ترفة ضاع الضجيج بهمسها


تقهر العالم و هي متواضعه
كيف لو شافت عليهم نفسها ؟

[المطيري7]

عندي البشر دونك ترى مالهم صيت
وعندي وجودك يالغلا شي ثاني


اسمع وصاتي يالغضي باخر البيت
انت امنيه تلغي جميع الاماني

[المطيري7]

من الالف .. للباء .. للتاء ..... لـ الـ آه
مع هالشطر كنت ومع هالشطر كنت


لا قلت لك قصيدي ... لا تقولين ااا الله
خلي القصيد يولي الله ( عليك أنت )