[ استفسار ] ممكن سؤال الله يعافيكم ..

[عسسكري]

انا طالب جديد بالجامعه وللحين مدري وش السالفه لكن أبي اسالكم انا شريت ملخص هتان وفيه اسئلة نموذج e بالاخير .. اذا ذاكرت الاسئلة لحالها انجح بالاختبار او لا . وهل النماذج تختلف او كلها نموذج واحد لان مكتوب e اكيد فيه كذا نموذج .. ياليت تفيدوني وضروري اذاكر الملخص او الاسئلة تكفي للنجاح ..

[samorah83]

ذاكر الملخص وبعدين ذاكر الاسئله

وبالتوفيق ان شاء الله

[AlQassem]

بداية حياك اخ عسسكري
الموضوع صحيح الأسئلة راح تكون من خمس فئات a ,b,c,d,e
وكل فئة تختلف أو تتشابه لكن باختلاف اماكن الأسئلة وذلك منعاً للغش :d
قضية المذاكرة عليك بملخص هتان اذا امداك تذاكر ومن ناحية الأسئلة اللي ذكرتها
راجعها بعد الانتهاء من المذاكرة لأن الاسئله لوحدها لا تكفي لأن احتمالية انها تختلف هالسنة
على حسب الكيفية لذلك لا احد يستطيع أن يجزم لك بأن اسئلة الاختبار تكفي فقط

موفق

[طالبه مبتدئه]

طبعا ضروري تذاكر منه ولا شلون بتحل اللحين ماعاد فيه وقت اقرااه بتركيز وتمعن علا الاقل تاخذ فكره عن الماده والمعلومات وحاول تذاكر النماذج فيه نماذج كثير تلقاهن هنا بالمواضيع وااجد لحق علا نفسك بس ,,,سوري علا الاطاله

[عسسكري]

طيب بذاكر ملخص هتان مجرد قرايه سريعه ع فهم . والاسئله بحفظها الي هو نموذج e ينفع كذا .. او شلون .. معليش تحملوني شوي :(

[AlQassem]

اممم ان شاء الله ينفع كمان خذ معك هذا الملف
اللي في موضوع الاخ ابو رحمه ممتاز

http://www.ckfu.org/vb/t531279.html

وان شاء الله تعدي على خير :D
فالك الـ A+ باذن الله

[طالبه مبتدئه]

طيب حاول معك وقت للمذاكره اقراه مره ومرتين وثلاث مه النماذج واسئلة الواجب واذا قدرت المناقشات وبتعديها ان شالله

[عسسكري]

الله يعطيكم العافيه ما قصرتم .. وما رح اذاكر الا اسئلة العام عشر صفحات نموذج e وباذن الله أنجح :( وش اسوي وقت العمل والاشغال ما أقدر اذاكر .. الملخص كامل بحاول اقراه مره او مرتين لعلى وعسى .. والله يعين مشكورين ..