لتسجيل عضويتك معنا في مواد الترم الثاني [الأرشيف] - الصفحة 2 - ملتقى طلاب وطالبات جامعة الملك فيصل,جامعة الدمام

ذكيه ميه بالميه

2010- 9- 14, 04:00 PM

اليوم الفتره تخصص اسم المقرر الاســـم المرجـــــعي

طلاب طالبات

الاول الاولى عـــام التلاوه والتجويد 28688 28691

الثالث الاولى عـــام القراءه والمحادثه 29014 29034

الخامس الاولى عـــام اللغه الانجليزيه كتابه 29028 29046

السابع الثانيه عـــام مبادئ الاداره 29018 29051

الثامن الاولى عـــام النحو التطبيقي (2) 29013 29032

التاسع الاولى عـــام مهارات التعلم والتفكير 29020 29037

العاشر الاولى عـــام مبادئ الاحصاء 29030 29042

الحادي عشر الاولى عـــام مدخل الى تقنية المعلومات 29023 29038

الثانيه عـــام اللغه الانجليزيه قراءه 29025 29039

من هنا انا اخذت من مواد المستوى الاول اللي احنا نقدر نسجل منهم مواد وهي مادتا النحو التطبيقي1 والصحه واللياقه

الرابع الاولى عـــام الصحه واللياقه 26076 26069

التاسع الثانيه عـــام النحو التطبيقي(1) 26090 26083

نــوال

2010- 9- 14, 04:18 PM

فعلا ً الموضوع هذا كنز .!
شكرا ً أخت ذكية ويعطيك ألف عافية
وشكرا ً للأخت ضحكة قمر ويعطيك ألف عافية على مجهودك
في وضع الملخصات :)

وحابة اسأل : هل فيه مجموعة كبيرة راح تاخذ المواد التسعة المستوى الجاي ؟!
لأنه فعلا ً لسّا محتارة بين أخذها كلها أو حذف مادتين وأخذ الباقي :bngo12:

ضہٍحكہٍة القمر

2010- 9- 14, 04:25 PM

نــوال

2010- 9- 14, 04:58 PM

هلا حبيبتي نوال والله يعافيك يااارب ويسسسلمك

في ناس كثير بتاخذ 9 مواد والاغلبيه رح يغيرون مابين ماده التلاوه وتجويد بتكون صحه ولياقه
ونحو2 بدلها نحو1 هذا اذا ماكنتي من الطلاب الي اخذو ماده بديله السمستر الاول

الله يعطيك العافية عزيزتي ضحكة قمر
أفدتيني جعلك تلاقينه في ميزان حسناتك يارب

بصراحة أنا مآخذه مادة السمستر الأول اللي هي مادة التعلم والتفكير
وأنهيتها الحمدلله وأنصح الكل ياخذها لأنها مادة حلوة وخفيفة والدكتور
بالفعل طيوب ويقدر وضع الطلاب والطالبات .

بالنسبة للتغير بين التلاوة والتجويد والصحة واللياقة مافهمت :(154):
يعني ما أقدر آخذهم كلهم ؟!

طيب أختي انا بجد خاطري آخذ المواد التسعة بس سمعت
اني ما أقدر آخذ النحو 1 و 2 مع بعض على كذا باخذ الأول
وراح تسير المواد 8 على ما أعتقد في هالحالة
ويسير الزامي اني أنهي مادة النحو 2 في الفصول الجاية .. صح ؟ :(191):

اذا كذا احس أحسن أخذ المواد كلهاا لأني الحين فاضية وماعندي شي
وأبغى أخفف قبل لاتجي السنين الجاية وتسير عندي مسؤوليات هههههه

وبنفس الوقت خايفة أخذهم كلهم وأبنشر :frown:

انصحوني وش أسوي ؟ آخذهم كلهم ولا / لا ؟
من جد محتارة :mh12:

بس اذا الأغلبية راح تاخذ المواد كلهاا
احسبوني معاكم حشر مع الناس عيد :(20):

مشكورة حبيبتي ضحكة قمر وبالتوفيق لك ولي وللجميع يااارب

:020:

ضہٍحكہٍة القمر

2010- 9- 15, 06:19 AM

الله يعطيك العافية عزيزتي ضحكة قمر
أفدتيني جعلك تلاقينه في ميزان حسناتك يارب>>>>يالبى روحك واهم شي اني افدتك وان شاء الله في ميزان حسناتي وحسناتك يارب

بصراحة أنا مآخذه مادة السمستر الأول اللي هي مادة التعلم والتفكير
وأنهيتها الحمدلله وأنصح الكل ياخذها لأنها مادة حلوة وخفيفة والدكتور
بالفعل طيوب ويقدر وضع الطلاب والطالبات .
..>>>>>حلوووو كثير وممتاز وان شاء الله بناخذه ولا يهممك ياقلبوووو
بالنسبة للتغير بين التلاوة والتجويد والصحة واللياقة مافهمت :(154):
يعني ما أقدر آخذهم كلهم ؟!
لا تقدرين حبيبتي تاخذينهم كلهم اذا حابه طبعااا شوفي ياروحي ان شاء الله بنسوي جدول للسمستر الثاني وبس تشوفينه وقتها قولي اذا حابه تكونين معنا او تختارين المواد الي انتي حابتهااا:m22asmilies-com:

طيب أختي انا بجد خاطري آخذ المواد التسعة بس سمعت
اني ما أقدر آخذ النحو 1 و 2 مع بعض على كذا باخذ الأول
وراح تسير المواد 8 على ما أعتقد في هالحالة
ويسير الزامي اني أنهي مادة النحو 2 في الفصول الجاية .. صح ؟ :(191):
اي حبيبتي ماتقدرين تاخذين نحو1 ونحو2 مع بعض للاسف وبعدين ماادري كيف تفكرون انتو وماادري ليش تحبون تضغطون ع انفسسكم بس انا ضد هالشي والحمد الله انكم ماتقدرون ولو عادي كنت برفض>>>وحده ملقوفه واش دخلك ماادري بس انا حره ههههههههههههههههه اممزح
اذا كذا احس أحسن أخذ المواد كلهاا لأني الحين فاضية وماعندي شي
وأبغى أخفف قبل لاتجي السنين الجاية وتسير عندي مسؤوليات هههههه

وبنفس الوقت خايفة أخذهم كلهم وأبنشر :frown:

انصحوني وش أسوي ؟ آخذهم كلهم ولا / لا ؟
من جد محتارة :mh12:

بس اذا الأغلبية راح تاخذ المواد كلهاا
احسبوني معاكم حشر مع الناس عيد :(20):

مشكورة حبيبتي ضحكة قمر وبالتوفيق لك ولي وللجميع يااارب

:020:

فديت روووحك ياقلبووووو خلص خليكي معانا وان شاء الله كلنا يد وحده وبنسساعد بعض والله يوفقنا لا تاكلين هم الدراسسه حبيبتي والله يوفقنااا يااارب

ذكيه ميه بالميه

2010- 9- 15, 09:24 AM

اخت نوال حبيبتي بما انك اخذتي التعلم والتفكير خلاص خذي بدله الصحه واللياقه يعني التلاوه والتجويد انتي راح تاخذينه اوك يلا وبالتوفيق وعلى قولت اختي ضحكة قمر احنا راح ننزل المواد اللي حناخذها ومنها ان شاء الله نتفق وتحياتي للجميع..

نــوال

2010- 9- 15, 10:27 AM

مشكورات عزيزاتي ضحكة وذكية
الحين خلاص قررت آخذ 7 مواد بس علشان أرفع المعدل
بما أنهم طالبين معدل مرتفع من ضمن شروط تغيير التخصص :(
الله يوفقنا وياااكم
:)

ذكيه ميه بالميه

2010- 9- 15, 10:46 AM

اللهم آآآآآآآآآآمين..

الله ييسرلك امورك اتمنى تاخذين مواد قريبه من موادنا :)..

ام ساره ووجدان

2010- 9- 15, 11:44 AM

يالبى قلوبكم على هالهمه الله لايضركم يارب ماشاء الله تبارك الله

بس مو بنتوهق بمادتين النحو ومهارات التعلم والتفكير كلهم بيوم واحد ...

من جرب النحو يعطينا رايه بليز !!!

ام ساره ووجدان

2010- 9- 15, 11:48 AM

الف مبروووووووووووووووووووووك على التميز ذكيه ميه ميه وضحكة قمر الف مبروك:139: نبي وسااااااااااااام وربي تستاهلون والاداااااره كريمه ياعسلتين

ام ساره ووجدان

2010- 9- 15, 11:50 AM

توني ببارك لكم ومدري وين راح لوني الوردي

ياحليهم ادارتنا شكلهم عطوكم من عندي خخخخخخخخخخخخخخخخ مو مشكله الف الف مبرووووووووووووك

ذكيه ميه بالميه

2010- 9- 15, 12:57 PM

الله يبارك فيكي ويعطيكم الف عافيه انتوا سبب تقدمنا للأفضل تحياتي لكم ..

Aziza algarny

2010- 9- 15, 02:45 PM

ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك ألف مبروك
ألف مبروك ألف مبروك ألف مبروك
ألف مبروك ألف مبروك
ألف مبروك
ألف مبروك

ذكيه ميه بالميه

تستاهلين يالغلا ...

ذكيه ميه بالميه

2010- 9- 15, 03:28 PM

تسلمين ياقلبي كهله ضاله ماتقصرين يعطيكي العافيه والله يبارك فيكي..

Dima

2010- 9- 15, 03:57 PM

استاذة ذكيه
ربي يعطيك العافية ياعسل
والله انك تستاهلين كل خير
وان شاء الله الى القمة دائما
موفقة بإذن الله ... لك مني أجمل تحية .

رنجه

2010- 9- 15, 05:12 PM

ه_ه ألف مبرووووك عزيزني ذكيــــــــــــــــه تستااااهلين

ذكيه ميه بالميه

2010- 9- 15, 05:38 PM

يعطيكم العافيه ما تقصرون اخواتي ديما ورنجه ,تميزي وصلت له بدعمكم وتشجيعكم لي من بعد رضا الله سبحانه وتعالى ثم دعاء الوالده

ومبروووك لكي اختي رنجه

ان شاء الله ما اخيب ظنكم اهم شي نستفيد من تميزنا هذا لعمل الافضل وتحياتي للجميع:)..

ضہٍحكہٍة القمر

2010- 9- 15, 06:05 PM

الف مبروووووووووووووووووووووك على التميز ذكيه ميه ميه وضحكة قمر الف مبروك:139: نبي وسااااااااااااام وربي تستاهلون والاداااااره كريمه ياعسلتين

فديت روحك ياام ساره ووجدان والله ماتقصرين انتو احلا واغلا وسسسسسام لنا يكفي تواجدك وتعاونكم وحضوركم معنااا ودعمكم وكلامك الحلو الله يوفقنا ويسعدنا يااارب والله يبااارك بعممممرك وربي كلكم تستاهلون كل خير والف الف الف مبروك حبيبتي عالتممميز والي الامام دائما :139:

ام ساره ووجدان

2010- 9- 15, 08:57 PM

:m29asmilies-com:يالبى قلوبكم الله يبارك بعماركم ...والله التمييز لهذا المنتدى الرائع الي جمعنا وقرب افكارنا ونور لنا الطريق في عتمة هذه الحياه ...

اشكر ادارتنا الموقره على كل الجهود المبذوله والى مزيد من التوفيق باذن الله ولكم وافر تقديري ..:m22asmilies-com:

ضہٍحكہٍة القمر

2010- 9- 15, 09:56 PM

الله مايحرمنا من بعض ولاء من ردودكم الحلوووووووووه ويسلمو حبيبتي والله يسعدنا ويوفقنا ع رضا الله والوالدين واتمنى مانخيب ظنكم فينااااااا والبركه في الجميع >>>>>>وخلص ترا الحين اصير مغروره ههههههههههههههههههه

رنيم الفجر

2010- 9- 16, 02:43 AM

ضہٍحكہٍة القمر

2010- 9- 16, 02:58 AM

السلام عليكم

ممكن تساعدوني

الان انا حملت مادة التحرير العربي من المستوى الاول ومعدلي فوق 2.50

وبالمعدل اقدر اخذ كل 17 ساعه بس هل راح يكون بالاضافه الى التحرير العربي او احذف مادة وابدلها فيه

والمستوى الاول مابدلت النحو بشي يعني ماخذت غير المواد 6 وحملت التحرير

ابي احد يفهمني

وهل بدا تسجيل المواد دفع الرسوم هل فعلا ممكن ناخره الى قبل 19 /11 /1431هـ لان الترم الاول هم سجلونا لان ماكنت اقدر اسجل كان فيه مشكله عند الجامعه

اسفه كثرت عليكم

وعليكم السلام ورحمه الله وبركاااته
مرحبااا حبيبتي ....اكيد من عيوني بنساعدك ولووو
اول شي لاتاكلين هم التحرير العربي وان شاء الله تنجحين فيه والله يوفقك واي مساعده او اي خدمه بالتحرير العربي كلنا حاضرين حبيبتي

ثاني شي حابه اقولك تعتبر ماده التحرير العربي ماده جديده ولازم تدفعين عليها رسوم يعني اذا سجلتي الحين مواد االسمستر الثاني بتكون التحرير العربي والنحو1 من المواد الاختياري اذا تحبين تاخذينها او تاجلينها لسمستر الثالث او الرابع بالاخير تدرسينها تدرسينهاااا

والله قصه الرسوم تدفعينها بعد ماتنزلين موادك وتشوفين كم يلزم عليك مبلغ وتسددينها

اتمنى اني افدتـــــــــك حبيبتي وســـــــاعدتك واذا ماوصلت الصوره اتمني تقولين وارجع اوضح الصوره صح او اترك مجال لغيري يوضحها لك

وموفقه حبيبتي فديتك

رنيم الفجر

2010- 9- 16, 03:08 AM

ضہٍحكہٍة القمر

2010- 9- 16, 03:14 AM

ياقلبي مشكورة

ماعليش كلفت عليك

يعني التحرير العربي والنحو1 بالاضافه الى 9 مواد لان ناويه ان شاء الله اخد اعلى حد ودي ارتاح مادري الاترام الجايه كيف ضروفي الترم هذا ناويه اخذ 9 مواد وياليت اقدر اخذ التحرير بعد ام النحو صعبه اجمع نحو1 و نحو2 ناويه اخذ واحد بس

ارجو تفيديني

اول شي ياحبيبتي انتي اختي وع رااسي والله وانا حاضره لكل اسئلتك واسالت الجمييع ماتكلين هم هالشغله واسئلي ع قد ماتقدرين والله يوفقناا
اي نعم التحرير العربي والنحو1 تضيفين عليها كم ماده لحد ماتصير 9 مواد يعني تنزلين7 مواد من السمستر الثاني بالاضافه لنحو1 والتحرير صارو 9 مواد الله يوفقم واتمنىى اني افدتك حبيبتي وسساعدتك

طبعا حبيبتي ماتقدريت تاخذين نحو1 ونحو2 بنفس الووقت نحو2 ان شاء الله السمستر الثالث

واي سؤال او استفسسسار تفضلي كلنا حااضرين

رنيم الفجر

2010- 9- 16, 03:16 AM

الله يجزاك كل خير يالغالية

ربي يوفقك

ضہٍحكہٍة القمر

2010- 9- 16, 03:25 AM

هلا وغلا حبيبتي حيااااك الله والله يوفقنا ويحميينا اجمعيين
وموفقه ان شاء الله

ام ساره ووجدان

2010- 9- 16, 07:57 AM

الحين تسجيل المقررات والتسديد للقدامى من 9شوال الى متى ؟؟؟

يعني قرات انه لشهر 11هل هذا صحيح
مع انه في البوابه الى 15شوال يعني بس معانا 6ايام ..ياليت توضحون الشغله؟؟

Aziza algarny

2010- 9- 16, 09:55 AM

فترة التسجيل اعتقد غير .. وفترة السداد غير

بحر السكوت

2010- 9- 16, 10:31 AM

يأخ العزيز أدا ما أخدنا هده العشر المواد يعني في تأخير في تخليص عدد السنوات المطلوبه اما ادا انت قدرتك لا تسمح فعليك بمحدوديتك 0وشكرا0:783:

ذكيه ميه بالميه

2010- 9- 16, 11:10 AM

انا اللي اعرفه ان الدراسه تبدأ 16-9 يعني اي عندنا بس 9 ايام نحدد المقررات ونسدد هذا الى الآن الخبر اللي واصلني وتحياتي لكم..

ام ساره ووجدان

2010- 9- 16, 12:04 PM

اجل ماقصرتي قلبوو ويعطيك الف عافيه

Aziza algarny

2010- 9- 16, 12:15 PM

مدري بس واحد من الاخوان اسمه ماي دريمز يقول التسديد لشهر 11

أبغى اتأكد اكثر

رنجه

2010- 9- 16, 01:52 PM

بنات هذا التاريخ خاص للمستوى الثاني أو انا فاهمته غلط
الأربعاء

19/11/1431

27/10/2010

نهاية فترة سداد الرسوم الدراسية وإلغاء التسجيل لمن لم يقم بتسديد الرسوم وإعطاء مؤشر لهم "إنقطاع عن الدراسة" بسبب عدم سداد الرسوم

ضہٍحكہٍة القمر

2010- 9- 17, 03:01 PM

السلام عليكم ورحمه الله وبركاته

ذكيه ميه بالميه تقول نزلو جميع المواد كما هي موجوده في الجدول.....
ماعاد ماده التلاوه والتجويد>>>>بدل عنهاااا صحه ولياقـــــــــــــــه
وماده نحـــــــــو2>>>>نحــــــــــــــــو 1

ملاحظـــــــــــــــه/ الي اخذو ماده بدل نحو 1>>>>ماده صحه ولياقه ياخذ الحين ماده تلاوه وتجويد اما الي مااخذ شي بدل ماده نحو1 ينزل ماده صحه وليـــــــاقه

طبعاااا ذكيه حبيبتي تعتذر منكم ماتقدر تدخل بسبب جهازها خربان الحين واول مايتصلح بتدخل يعني انا وحبيبتي واحد اي سؤال او اي استفسار اقدر اوصله لهااا

اتمنـــــــــــــــى الي مافهم علي لاني احس اني حوستكم معي هههههههههههههههه
يقول ومايستحي وانا برجع اوضح اكثر

أبو عبدالله13

2010- 9- 17, 07:50 PM

ضہٍحكہٍة القمر

2010- 9- 18, 02:35 AM

أخواتي ذكيه %*% وضحكة قمر الف الف الف الف الف مبرووووووك على التميزوتستاهلون اكثر من ذلك وصدقوني انا جميع من في المنتدى فرحان لهذا التميز وعن نفسي اعتبر اني من أخذت و تشرفت بهذا التميز000 والى الامام

مشكووووووووور اخوي والله يحيي اصلك والله يباركـ بعمركـ ياااارب باسمي واسم حبيبتي ذكيه

وكلنا حاضرين لجميع اسئلت الاخوان والاخوااااااات واهلا وسهلا بالجميـــــــــــــع

¬»ģє6άř●●

2010- 9- 18, 06:17 AM

دائما مبدعه ياذكيه..
بس عندي سؤال ماده الصحه واللياقه ماهيب عندي..؟؟
بالعلم اني انجلش مستوى ثاني

ضہٍحكہٍة القمر

2010- 9- 18, 06:37 AM

دائما مبدعه ياذكيه..
بس عندي سؤال ماده الصحه واللياقه ماهيب عندي..؟؟
بالعلم اني انجلش مستوى ثاني

اعتذر لاني بجاوب عن ذكيه بس لانها ماتقدر تدخل بسبب جهازها خربااان

صحيح كلامك الصحه وليـــــــاقه مو عندنا بالسمستر الثاني حطوها بالسمستر الاول

بس ماادري هل بتكون ماده اجباريه عليهم او بيعدلون فيهااا بس فيك تدخلين ع جدول السمستر الاول وتنزلين ماده الصحه وليـــــاقه

الرابع الاولى عـــام الصحه واللياقه 26076 26069

{بس انا وذكيه واحــــــــــــد}

واتمنــــــــــــــــى اني افدتــــــــــــــك وســـــــــــــاعدتك وكلنا خوات

عـــــ بـنـت ـــــز&

2010- 9- 18, 08:59 AM

ياحلوين موجود بالجدول الساعات 17 ساعه

هل هذا المسموح فيه والا 18 او 19 زي ماقالوا قبل ؟؟

ضہٍحكہٍة القمر

2010- 9- 18, 09:09 AM

لا حبيبتي 17 ساعه لان غيرو ماده النحو وصارت ساعه وحده فقط
قبل كانت النحو ساعتين

تعال نحسبها مع بعض الحين هي 9 مواد كلهم ساعتين ماعاد النحو1 بيطلع معك 17 ساعه

اتمنـــــــــــــى اني افدتـــــــــــــك وســـــــاعدتك حبيبتي

عـــــ بـنـت ـــــز&

2010- 9- 18, 09:18 AM

شكرا اختي

انتو اعتمدتوا الجدول اللي حددتوه ؟؟ قصدي الصحه وللياقه بدل التجويد

ونحو 1 ,, بدل نحو 2 ,,

والا ماستقريتوا بعد

ضہٍحكہٍة القمر

2010- 9- 18, 10:18 AM

اي حبيبتي خلص هذا الجدول ان شاء الله والله يوفقناااااا ومااوصيكم شدو الهمه والله يوفقنا

وموفقين يارب

قنصل العرب

2010- 9- 18, 11:43 AM

اي حبيبتي خلص هذا الجدول ان شاء الله والله يوفقناااااا ومااوصيكم شدو الهمه والله يوفقنا

وموفقين يارب

اهلين اختي

ممكن اعرف الجدول الي قررتوا تاخذونه علشان انكون كلنا زي بعض

تحياتي

¬»ģє6άř●●

2010- 9- 18, 10:02 PM

اعتذر لاني بجاوب عن ذكيه بس لانها ماتقدر تدخل بسبب جهازها خربااان

صحيح كلامك الصحه وليـــــــاقه مو عندنا بالسمستر الثاني حطوها بالسمستر الاول

بس ماادري هل بتكون ماده اجباريه عليهم او بيعدلون فيهااا بس فيك تدخلين ع جدول السمستر الاول وتنزلين ماده الصحه وليـــــاقه

الرابع الاولى عـــام الصحه واللياقه 26076 26069

{بس انا وذكيه واحــــــــــــد}

واتمنــــــــــــــــى اني افدتــــــــــــــك وســـــــــــــاعدتك وكلنا خوات

الله يعطيك العافيه

Aziza algarny

2010- 9- 18, 10:20 PM

اقول شكلي مثل الاطرش بالزفه

مافهمممممممممممممت شي

<< مفهيه درجه اولى

¬»ģє6άř●●

2010- 9- 18, 10:21 PM

وقصصصصصصم حتى أنا بس مسسويه نفسي اعررررف >> :mh318:

بعطيك خبر ياكهله أنتظريني :oao:

Aziza algarny

2010- 9- 18, 10:26 PM

عاااااش من شافك يالدبه

وه بس فديتك ياسوبر مان نشميه وراعية فزعات

<< اللي معقدني وناشب في حلقي مادة النحو اللي ما اخذناها الترم الاول -هي اللي مادري وين مكانها من الاعراب

¬»ģє6άř●●

2010- 9- 18, 10:43 PM

خخخخخخخخخخخخخ

مدري وش سالفته يقول لي لايسمح لك بالتسجيل لايكون ألغوني..>>هع

Aziza algarny

2010- 9- 18, 10:48 PM

شكل البانر حرم يعطينا وجه

يقول هذول مو حقين دراسه

ضہٍحكہٍة القمر

2010- 9- 18, 11:33 PM

خبر عاااااااااااااااااااااجل الي مازبط معاه التسجيل يحاول
لما يدخل لطلب تنزيل المواد مو مكتوب عالمستطيل السنه الدراسيه يغيرها ويحط الفصل الدراااسي اووووكـ وان شاء الله بتزبط الاغلبيه صار معهم كذا
وغير كذا هذا الكلام الي بقوله خاص لقسم الانجليزي
في ثلاث مواد مو راضي يقبلها تخصصنا حالياااا
الاحصاء _مهارات وتفكير_ تقنيـــه
بس باااقي الاقسسام حاول ممكن تزبط معاكم

المهم الحين كيف صار الجدوووووول بعد التعديلات
تلاوه وتجويد
انجليزي كتابه
انجليزي قراءه
قراءه ومحادثه
مبادئ اداره
صحه ولياقه
نحــــو1

ملاحظــــه/الي حاب يرفع نسبته ياخذ بدل الصحه والياقه>>قراءه ومحادئه

والي حاب يترك مواد سهله لسمسترات الجايه يدرس نفس الجدول الي كتبته

مسفر القحطاني

2010- 9- 19, 02:02 AM

موضوع جميل

انا سجلت ثلاثة مواد راسب فيها

وهي فقة السيره

الانجليزي

التحرير الادبي

واضفت معها

نحو 1

التلاوة والتجويد

مهارات التعليم والتفكير

الصحة واللياقة

صارت 13 ساعه

وزت مادة

مبادىء الإدارة

15 ساااعة

ضہٍحكہٍة القمر

2010- 9- 19, 04:02 AM

موفق اخوووووووووي مسفر والله يوفقك يارب ومايردك الا لســـــــانك اي خدمه اي مساعده كلنا حاضرين

ألماااااس

2010- 9- 19, 04:13 AM

ضحكة بس 7 مواد راح تسجلون ؟؟؟

ضہٍحكہٍة القمر

2010- 9- 19, 04:35 AM

والله ياحبيبتي لحد الحين 7 مواد هذا الي وافق عليه البانر
بس اذا في جديد اكيد بعطيكم خبر لان ذكيه لما سجلت قال الاحصاء والتقنيه والمهارات غير متاح لتخصصك

طمنيني عنك حبيبتي سجلتي وكم ماده ياقلبوووووووووو

والله يوفقنا يارب

ألماااااس

2010- 9- 19, 04:42 AM

لا لين الحين ماسجلت وناوية آخذهم كلهم بإذن الله تعالى

ضہٍحكہٍة القمر

2010- 9- 19, 04:47 AM

ان شاء الله حبيبتي وكلنا ناوين ناخذها كلهااا بس زي ماقلتلك عشان السستم والخربطه الي صارت فقلنا عالاقل نكون نفس المواد بس اكيد اذا زبط معانا بنسجل الـ9 مواد ان شاء الله والله يوفقنااااااااااااا كلناااااااااااااااااا

ام رركاز

2010- 9- 19, 04:50 AM

مشكووره اختي ذكيه علي طرح الموضوع والله لا يحرمنا منك ويجعلها في موازين حسناتك

وكذلك اختي ضحكه مشكووره علي جهودك الجباره ويجعلها في موازين حسناتك

ام رركاز

2010- 9- 19, 04:55 AM

من جدكم تاخذون 9 مواد ...........؟؟ امسكو العصايا بالنص

ضہٍحكہٍة القمر

2010- 9- 19, 05:01 AM

هههههههههههههه فديت روحك طيب قوليلي وش في خاطرك وكم ماده سجلتي وكم حابه تاخذين

الطارق1010

2010- 9- 19, 07:58 AM

شكرا على المجهود الطيب ...... والله جد مجهود تستاهل الشكر والثناء عليه

بس مثل ما قالوا بعض الزملاء الوابط ما تفتح

ضہٍحكہٍة القمر

2010- 9- 19, 06:42 PM

خبر عااااااااااااااااجل

الرجاء من الجميع طبعا الي حاب مو اجبااااااااااري

يكون معنا وياخذ نفس موادنا حياكم الله (مستوى ثااااااني)

طبعا تعرفون الجدول حق السمستر الثاني نزلوه كله ماعاد التلاوه >>>>بدلهااا صحه ولياقه
ونحـــــــو2 >>>>>بدلها نحو1

والله يوفقناااااااااااا ياااااااااااارب

حاولو وان شاء الله السستم يزبط معاكم ولا تخافون الامر طبيعي اوقات بيعلق بس بالاخير بيسجلونكم

نــوال

2010- 9- 19, 06:49 PM

أنا خذيت الصحة واللياقة والتجويد بعد !
تقريبا ً خذيت كل المواد ماعدا مدخل الى تقنية المعلومات
والنحو2 طبعا ً ما أقدر آخذه
وسؤالي الحين وش الحكمة
من الغاء التلاوة واخذ الصحة واللياقة بدالها ؟
انا خذيتهم كلهم .. بس اذا فيه شي راح ألغى التلاوة والتجويد
وادخل بدالها تقنية المعلومات ويمكن أضيف تقنية المعلومات
للمواد كلها وتصير 9 مواد :150:

ضہٍحكہٍة القمر

2010- 9- 19, 06:54 PM

Aziza algarny

2010- 9- 19, 06:56 PM

<< بالله احد يتجمل في هالمفهيه ماتعرف شي

ضہٍحكہٍة القمر

2010- 9- 19, 06:59 PM

هلا حبيبتي كهله امرني وش الي مو فاهمته وانا حاضره من عيوني بساعدك مايردك الا لســـــــانك وابشـــــــري بعزك والله

نــوال

2010- 9- 19, 06:59 PM

فديت قلبك والله ياعممري مافيها اي مشكله بس لان احنا قرووب وحابين نتعاون مع بعض وعشان نقدر وضع بعض واخذنا 9 مواااد

كل القصه كنا حابين نكون مثل بعض عشان التعاون يكون مشترك فهمتي حبيبتي

بس عادي اهم شي راحتك وكيف تقدرين تدرسين لا تضغطين ع نفسك ياقلبوووو

الحكمه تركنا التلاوه عشان تبقى ماده سهله وخفيفه والنحو2 مانقدر ناخذها مع نحو1

ربنا لايجرمنا منك ياضحوكة :(296):

انا سجلت موادي اليوم وحطيت الكل وشكلي بعدل شوي

حطيت المواد كلها ماعدا النحو والتقنية

والحين اش رايك ؟ ادخل تقنية معلومات واطلع التلاوة ؟ عشان أصير مثلكم :783:

ولا اخلي الجدوا مثل ماهو عليه وأضيف التقنية ؟

انصحوني انا من أول مارفضوا تغيير تخصصي وانا كارهة الدراسة :d1:

بس برجع اتحمس من جديد :(204):

يلااا حطي نصيحتك أنا بطلع اتسوق :g23:
وراجعتلكم بعد كم ساعة :(164):

موفقييييييين

Aziza algarny

2010- 9- 19, 07:03 PM

هلا حبيبتي كهله امرني وش الي مو فاهمته وانا حاضره من عيوني بساعدك مايردك الا لســـــــانك وابشـــــــري بعزك واللهتسلمييييييييييييين قلبو ماتقصرين

باختصار وش سجلتوا عشان اسوي مثلكم ؟

ضہٍحكہٍة القمر

2010- 9- 19, 07:03 PM

يالبى روحك ولا يهمممك حبيبتي بحط نصيحتي لك ليش لا والله

اوك روحي غيري الجدول وحطي بدل التلاوه تقنيه وربي يسسعدك ويحميكي وترجعين بالسلامه

وشرف لنا تكونين معناااااااااا ياقلبوووووووووووووو وحياك الله والله يوفقنا يارب

ضہٍحكہٍة القمر

2010- 9- 19, 07:06 PM

تسلمييييييييييييين قلبو ماتقصرين

باختصار وش سجلتوا عشان اسوي مثلكم ؟

بس كذااا من عيوني والله ماطلبتي شي

المواد ياروووحي الي بالجدول السمستر الثاني طالابات انتبهي لاتقولين عادي كلنا واحد لان الرقم المرجعي لموادنا تختلف عن الشباب بالارقام المرجعيه فقط بس المواد نفسها

المهم نفس الجدول ماعاد التلاوه والتجويد >>>>>بدلها صحه ولياقه
ونحو2 >>>>>>بدلها نحو1

اوك حبيبتي واي سؤال ثاني ابشري بعزك والله كلنا حاضرين

Aziza algarny

2010- 9- 19, 07:08 PM

وش دراني وين حق الطلاب من حق الطالبات ؟

وتسلميييييييييييييييييييييييييييييين يالغلا

ضہٍحكہٍة القمر

2010- 9- 19, 07:10 PM

وش دراني وين حق الطلاب من حق الطالبات ؟

وتسلميييييييييييييييييييييييييييييين يالغلا

فديت قلبك مكتوب عليه طالابات المستوى الثاني

A7la Malak

2010- 9- 19, 07:10 PM

مرحبــــــــــا ياصبايــــــــــا ...
انا معكــــــــم بس يمكن اخلي الاحصـــــــــــاء والنحو 2 لسميستر الجـــــــــاي ....

حمودي M

2010- 9- 19, 07:10 PM

هلاااااا خيتوووووووو ضحكة القمر انا كييييفك؟ اناسجلت تلاوة والصحه كلهن عادي لاانه سجل معي ؟؟؟؟

كيف اتاكد اني سجلت صحححححححححححح ؟

Aziza algarny

2010- 9- 19, 07:11 PM

الله يسقي ايام المدرسه -يوم كنا نفصل مراييل ونشتري دفاتر وشناط قبل الدراسه بيوم تذكروووووووون

ونستلم الكتب بأيدينا والحين صرنا ع البانر والبلاك بورد

< فاضيه هي ووجهها للذكريات

ضہٍحكہٍة القمر

2010- 9- 19, 07:14 PM

مرحبــــــــــا ياصبايــــــــــا ...
انا معكــــــــم بس يمكن اخلي الاحصـــــــــــاء والنحو 2 لسميستر الجـــــــــاي ....

هلا حبيبتي حياك الله وين ماكنتي ممكن ليش لاء

هذا الجدول مو اجبااااااااااااااري بس احنا سوينها عشان نتعاون بشكل كبير ومشترك

بس اذا ماتقدرين عادي مو مشكله

ضہٍحكہٍة القمر

2010- 9- 19, 07:21 PM

هلاااااا خيتوووووووو ضحكة القمر انا كييييفك؟ اناسجلت تلاوة والصحه كلهن عادي لاانه سجل معي ؟؟؟؟

كيف اتاكد اني سجلت صحححححححححححح ؟

الحين لما سجلت بيطلعلك المواد الي قبلوهااا والمواد الي رفضوها او فيها غلط بيطلعلك اشاره خطاء طمني عنك كيف طلع معك بالمادتين الصحه والتلاوه

Aziza algarny

2010- 9- 19, 07:26 PM

المواد ياروووحي الي بالجدول السمستر الثاني طالاباتوين القاه ؟

هنا بنفس الموضوع والا بالبانر ؟

<< تعبناك يالغاليه بس تحملينا

,متـــكـ تــكـ,

2010- 9- 19, 07:28 PM

السلام عليكم

بعد التحيه

البنر مو راضي يفتح معي !

فتح معكم ؟
والا فيه احد سجل منكم؟

ضہٍحكہٍة القمر

2010- 9- 19, 07:33 PM

http://www.kfu.edu.sa/ar/Deans/elearning/Pages/courses_tables.aspx (http://www.kfu.edu.sa/ar/Deans/elearning/Pages/courses_tables.aspx)

من هنااااااااااا حبيبتي اختاري المستوى الثاني طالابااااااااااااااااااااااااات

ومافيها تعب ولا شي فديتك

ضہٍحكہٍة القمر

2010- 9- 19, 07:36 PM

السلام عليكم

بعد التحيه

البنر مو راضي يفتح معي !

فتح معكم ؟
والا فيه احد سجل منكم؟

وعليكم السلام ورحمه الله وبركاااته
ولا يهمممك اخووي عادي لاتخاااف الامر طبيعي وصارت مع كثير ناااس
بس انت حاول من فتره لفتره تفتح البانر عندك وتسجل والله يوفقك ياااارب
في ناس فتح معاهم وفي ناس لا بااقي
وفي ناس امبارح سجلو نص المواد واليوم زبط معاهم ونزلو كل المواد يعني الامر طبيعي لا تاكل هم وان شاء الله
واتمنــــــــــى اني افدتــــــــــك وســـــــاعدتك اخووي
واي سؤال او اي استفسار كلنا حاضرين وابشرو بعـــزكم

حمودي M

2010- 9- 19, 07:38 PM

هلااااااا خيتووووو لقيت كل المادتين بالبلاك يعني ضبط اوك معي وماطلع اي خطا

حمودي M

2010- 9- 19, 07:41 PM

حتى انا مافتح معي البانر

ضہٍحكہٍة القمر

2010- 9- 19, 07:46 PM

هلااااااا خيتووووو لقيت كل المادتين بالبلاك يعني ضبط اوك معي وماطلع اي خطا

دامك لقيت موادك الي سجلتهم كلهم عالبلاااااك بووووووووووورد ابشرك واحلا بشاره ان طريقتك بالتسجيل صح 100%100
والف مبرووووووووووووووووووووووووووووووووكـ
والله يوفقك ياااااااااااااااااارب وعقبال مانفرح بتخرجك ياااارب
وعقبااااااااااااال مانفرح بتسجيل الباقي ونفرح بتخرجكم كلكم يارب

حمودي M

2010- 9- 19, 07:51 PM

ضہٍحكہٍة القمر

2010- 9- 19, 07:54 PM

اميييييييييين الله يوفقك لكن عندي مادتين مدخل الى تقنيه والمعلومات والاخلاق ابسجلهم لكن ماانفتح معي البانر عادي اقدر اسجلهم بعدين ولا مااقدر ؟؟؟؟

ادري والله عذبناااااااااااااك معنا لكن تحملينا

طبعا تقدر اخوووي ان شاء الله بس يفتح عندك البااانر دخل الارقام المرجعيه للمادتين وان شاء الله تزبط معك يااارب والف مبروك سلفا

بس ملاحظه// عندي سؤال انت سجلت ماده من السمستر الثالث غير الاخلاق وقبلوها..؟؟
ومافيها تعب ولا شي عاادي والله
وتقدر تسوي الغاء وتسجيل مرة ثانيه يعني اذا ماعجبتك المواد وحاب تغيرها عندك مجال بس اهم شي قبل ماينتهى موعد التسجيل

حمودي M

2010- 9- 19, 07:58 PM

ايه سجلت خدمة الفراد والجماعه وعلم اجتماع الاسره والطفوله وقبلن معي

Aziza algarny

2010- 9- 19, 08:45 PM

http://www.kfu.edu.sa/ar/deans/elearning/pages/courses_tables.aspx (http://www.kfu.edu.sa/ar/deans/elearning/pages/courses_tables.aspx)

من هنااااااااااا حبيبتي اختاري المستوى الثاني طالابااااااااااااااااااااااااات

ومافيها تعب ولا شي فديتك صراحه مستحيه منك

بس بقول لك ان مو طالع شي لي في الصفحه

ήoor

2010- 9- 19, 09:19 PM

ممكن احد يقول لي كم اقل ساعات ممكن اسجلها =$

ضہٍحكہٍة القمر

2010- 9- 19, 09:49 PM

جدول الطالبااااااااااااااااااااات الطلاب غييييييييييييييير اوكـ
تلاوه ونجويد>>>ساعتين/28691
قراءه ومحادثه>>>>ساعتين/29034
انجليزي كتابه>>>ساعتين/29046
مبادئ اداره>>>>ساعتين/29051
نحو2>>>>ساعه/29032
مهااارات وتفكير>>>ساعتين/29037
مبادئ الاحصاء>>>>ساعتين/29042
تقنيه ومعلومات>>>>ساعتين/29038
انجليزي قراءه>>>>ساعتين/29039

طبعا احنا بناخذ نحو1 وبناخذ صحه ولياقه

نحو1>>>>ساعه/26083
صحه ولياقه>>>26069

وسسسسسسسوري عالتاخير حبيبتي واتمنى لك التوفيق والنحااااااااااااااااااح

ضہٍحكہٍة القمر

2010- 9- 19, 09:51 PM

ممكن احد يقول لي كم اقل ساعات ممكن اسجلها =$

الحد الأقصى 18 ساعة . حسب معدلك .

كالتالي :

على الطالب / الطالبة تسجيل مجموعة من المقررات بحد أدنى 12 وحدة / ساعة وبحد أقصى 18 وحدة / ساعة وذلك وفقاً للمعدل التراكمي كما يلي :-

1- إذا كان المعدل التراكمي أقل من 2 فإن الحد الأقصى للساعات المسموح تسجيلها 12 ساعة .
2- إذا كان المعدل التراكمي 2 إلى 2.49 فإن الحد الأقصى للساعات المسموح تسجيلها15 ساعة .
3- إذا كان المعدل التراكمي 2.5 فما فوق فإن الحد الأقصى للساعات المسموح تسجيلها 18 ساعة .
علماً أنه سيتم حذف أي مقرر إضافي لا يتقيد بعدد الساعات المسموح تسجيلها .

منقوووووووووله من الاخ سفير الشرقيه الله يعطيه العافيه

بحر السكوت

2010- 9- 19, 11:45 PM

أبي رد سريع أهدا ماأتفق عليه من المواد:783:

ضہٍحكہٍة القمر

2010- 9- 19, 11:55 PM

الماده/صحه وليــــــــاقه/ساعتين/26076
الماده القراءه والمحادثه/ساعتين/الرقم المرجعي/29014
الماده/اللغه الانجليزيه كتابه/ساعتين/الرقم المرجعي/29028
الماده/ نحو1/ساعه /26090
الماده/ مهــــــارات /29020
الماده/مبادئ الاداره/ساعتين/الرقم المرجعي/29018
الماده/مبادئ الاحصاء/ساعتين/الرقم المرجعي/29030
الماده/مدخل الي تقنيه والمعلومات/ساعتين/الرقم المرجعي/29023
الماده/اللغه الانجليزيه قراءه/ساعتين/الرقم المرجعي/29025

هذا الجدوووووووووول لكم يا الشباب وهو المعتمد عليه ان شاء الله
انا سويت لك الماده والرقم المرجعي لو مافتح معااااك وبالتوفيق للجميع

رنو

2010- 9- 29, 03:13 PM

يافديييييييييييت قلبك ياذكية

هذا الموضوع اللي أبحث عنه من رجعت من الإجازه

لم أتوقع مثل هذا الإبداع عن جد موضوع يستحق التقييييم خمس نجمات <<<<فايف ستار

وأحلى موضوع أحطه في مفضلتي وعساك دوووم ع القوه ....

وإن شاء الله راح أستلم أحد المواد وأضع عليها أسئلة >>>>
وموادي 8
التلاوه والتجويد
القراءة والمحادثه
اجليزي قراءه
نحو1
مبادئ الاداره
مبادئ الاحصاء
مدخل الى تقنية المعلومات
مهارات التعلم والتفكيير

وهذي موادي وعساها يشابه لجدولكم

حبي وتقديري
رنــــو

عـــــ بـنـت ـــــز&

2010- 9- 29, 05:04 PM

اغلب الدكاتره اسلوبه دش قراءه ×قراءه :hhheeeart4:

ملل بصراحه ,,,يعطينى الشرائح وكفايه

ذكيه ميه بالميه

2010- 9- 29, 11:10 PM

اي حبيبتي رنو انتي زي جدولنا لأنك انتي اخذتي الصحه واللياقه الترم الاول فهذا خفف عليكي

فقط ماده واحده ما اخذتيها اللي هيه الانجليزي كتابه

تحياتي لكي:)

سفير الشرقية

2010- 9- 29, 11:30 PM

الحد الأقصى 18 ساعة . حسب معدلك .

كالتالي :

على الطالب / الطالبة تسجيل مجموعة من المقررات بحد أدنى 12 وحدة / ساعة وبحد أقصى 18 وحدة / ساعة وذلك وفقاً للمعدل التراكمي كما يلي :-

1- إذا كان المعدل التراكمي أقل من 2 فإن الحد الأقصى للساعات المسموح تسجيلها 12 ساعة .
2- إذا كان المعدل التراكمي 2 إلى 2.49 فإن الحد الأقصى للساعات المسموح تسجيلها15 ساعة .
3- إذا كان المعدل التراكمي 2.5 فما فوق فإن الحد الأقصى للساعات المسموح تسجيلها 18 ساعة .
علماً أنه سيتم حذف أي مقرر إضافي لا يتقيد بعدد الساعات المسموح تسجيلها .

منقوووووووووله من الاخ سفير الشرقيه الله يعطيه العافيه
بل بل وش ذا كنه موضوعي ...

الله يعافيك ..

ذكيه ميه بالميه

2010- 9- 30, 04:43 PM

يلا شدوا حيلكم نبي نشوف ردة فعلكم مع الماضرات نبي نساند بعض يلا شدوا الهمه..:(204):

ضہٍحكہٍة القمر

2010- 9- 30, 04:51 PM

بل بل وش ذا كنه موضوعي ...

الله يعافيك ..

اي قلت منقوووووووووول من الاخ سفير الششرقيه:tj4:

لا تخاف مااضيع مجهوووود احد والله يعافيك:mh318:
:(164):

ضہٍحكہٍة القمر

2010- 9- 30, 04:55 PM

يلا شدوا حيلكم نبي نشوف ردة فعلكم مع الماضرات نبي نساند بعض يلا شدوا الهمه..:(204):

فعلا يلا شدووووووووووووووو الهمه نبغى نشووووووووووووووووووف حمااااس وتفاعل كبير

وين بنات وشباب الانجلييييييييييييزي >>>>>الاخت عندها عنصريه :mh318:

والله كلكم خير وبركه كانتو انجليزي او غيرهـ

الله يوفقنا يااااااااااااااااااارب وان شاء الله من السبت رح ابلش انزل ملازم من عيوني يا ذكيه:(164):

ولاتنسوووووووووووووون تحضرون المحاضرات احنا ماعلينا الا الملازم [اعضاء الملتقى ]والباقي عليكم:oao:

سفير الشرقية

2010- 10- 1, 06:17 AM

بل بل وش ذا كنه موضوعي ...

الله يعافيك ..

اي قلت منقوووووووووول من الاخ سفير الششرقيه:tj4:

لا تخاف مااضيع مجهوووود احد والله يعافيك:mh318:
http://www.ckfu.org/vb/images/smilies/%28164%29.gif

والله :mh35:

والله :mh35:
والله :mh35:

أبو نهار-عبدالله

2010- 10- 1, 06:21 AM

سفير الشرقية هل قفل تسجيل المواد اريد تعديل بعض المواد

تحياتي

سفير الشرقية

2010- 10- 1, 06:23 AM

سفير الشرقية هل قفل تسجيل المواد اريد تعديل بعض المواد

تحياتي

هلا بك اخو عبدالله ..

شوف انا توي قريت هالسؤال في موضوع الأخ الشمالي ..

مددوا اسبوع للحذف والإضافة والتسجيل .. يمديك إن شاء الله ..

أضغط هنا (http://www.ckfu.org/vb/t102736.html)

ربي يوفقك وتشرفت بخدمتك ..

خلنا نرد من جمايلك الترم اللي راح ..

أبو نهار-عبدالله

2010- 10- 1, 06:29 AM

تسلم حبيبي والله مشغول وربي البيت كان ودي اخدم الجدد هذا الترم ولكن بعض الاشغال منعتني

اخي الكريم السفير انا اجرب الان ولكن لا استطيع ما الحل انا كنت بعيد عن موقع الجامعة والمتلقى

سفير الشرقية

2010- 10- 1, 06:35 AM

انت باقي ما أضفت شي ..؟

إذا باقي زين من حسن حظك .. روح ولحق على عمرك ..

شوف إذا دخلت البانر .. ودخلت التسجيل .. اختار الفصل الدراسي الأول .

وبعدين كمل انسخ الأرقام المرجعية .. وشوف المواد اللي بتضيفها ..

ترى فيه قروب ,, مآخذين المواد كلها إضافة للنحو1

والله يعين يعني 10 مواد .. وأنا منهم ..

أما نطلع والا يخسف المعدل ..

إذا ما فتح معاك .. يمكن عشان خميس وجمعة .. حاول السبت يمكن يشبك ...

والله يوفقك ..

أبو نهار-عبدالله

2010- 10- 1, 06:39 AM

لا سجلت 9 مواد بس توهقت ابي احذف الحين مادتين وخليها 7 بس الظاهر قفلوا

شوف وش مكتوب

منوقت البدءإلىوقت الانتهاء13 شوال , 143109:00 م20 شوال , 143103:00 م

ألماااااس

2010- 10- 1, 07:18 AM

تسلم أخوي سفير الشرقية

والله يجعل أعمالك في موازين حسناتك ياااارب

ذكيه ميه بالميه

2010- 10- 1, 06:23 PM

:(204):

رنو

2010- 10- 1, 08:32 PM

كلنا يد واحده نريد حماااس بكرى
إنشاء الله

نامووا مبكر :24_asmilies-com:

<<<راحت تنام خشششششششششششش

fatimah_t

2010- 10- 4, 03:08 AM

انا كل تيرم اخذ 6 مواد وشكلي بخص جامعه في عشر سنوات

معدلي كويس وما ابغاه ينزل ان شاء الله عشان كذا ما اكثر مواد بس ان شاء الله اني اقدر الحق عليكم حتى لو بجزء بسيط هذي موادي وانا مستوى ثاني الحين

تلاوة وتجويد
صحة ولياقه
انجليزي كتابه
نحو تطبيقي 1
مهارات التعليم والتفكير
القراءة والمحادثه

وربنا يوفقنا جميعا

ذكيه ميه بالميه

2010- 10- 4, 03:14 AM

هلا حبيبت حياكي الله وتشرفنا بانضمامك لنا

تحياتي لكي..

وهذا رابط الصحه واللياقه
http://www.ckfu.org/vb/t102225-9.html#post1685847

وهذا رابط التلاوه والتجويد
http://www.ckfu.org/vb/t102462.html

وهذا رابط لمهارات التعلم والتفكير
http://www.ckfu.org/vb/t103247.html

يلا شدي حيلك معنا وتحمسي
وشكراً:(204):

عـــــ بـنـت ـــــز&

2010- 10- 4, 01:24 PM

اشلونكم ؟ وكيف المحاضرات معاكم

صار لي كم يوم ما دخلت ... النحو اش صار عليه .. ان شاء الله انحذف :(159):

ذكيه ميه بالميه

2010- 10- 4, 05:37 PM

النحو القراءه والمحادثه الى الآن ما بدؤوا فيها الله يعين بس

Aziza algarny

2010- 10- 4, 07:40 PM

الله يعين ما باقي فتحت شي

بانتظار احمل بعض البرامج

> مشكوره ذكيه يعطيك العافيه

ذكيه ميه بالميه

2010- 10- 4, 07:47 PM

الله يعافيكي ياكهله ويعينك يلا عجلي على اساس نلحق بعض:oao:

رنجه

2010- 10- 4, 09:33 PM

:mad:من عنده محتوى الاحصاء امممممممممممممممم ضروري ماطلعت عندي

ذكيه ميه بالميه

2010- 10- 4, 11:10 PM

http://www.4shared.com/document/PLovGsaJ/____1.html

هذي ملزمة الإحصاء

رنجه

2010- 10- 4, 11:21 PM

أختي ذكيه هذي المحتوى الجديد ولا القديم لان الدكتور تغيروشرايح العرض هم بعد تغيرت اممممممممممممم وربي محتاره

ذكيه ميه بالميه

2010- 10- 4, 11:25 PM

لا هذي القديمه لا تنزليها

رنجه

2010- 10- 4, 11:32 PM

طيب الدكتور مانزل محتوى للمادة وش نسوي نرسل على ايميله ولا أكو حل اثاني

رنو

2010- 10- 5, 12:29 AM

مادة مهارات التعلم والتفكير

أخوكم الصغيــــــــر / الدكتور عبدالحميد النعيم <<<<قالها من باب الملاطفه

دكتوور قممه في الروعه أعجبني أسلوبه اللين

وتعامله الأخوي الذي يشجع الطالب على سماع المحاظره كاملة بحذافيرها

إبداع الأسلوووب وحسن القول وتوصييل الممعنى المطلووب <<<هذا

مايتيميز به دكتورنا الفاضل

حبيت أكتب هالكلمتين بدكتوررنا الصغييير أدري ماتوفيه حقه بس هذا

ماأستطعت أن أعبر فييه

أتمنى تصله هذه الكلمات

طالبتك الصغيره

رنــــــــو