المشاركة الأصلية كتبت بواسطة Tawah (المشاركة 12843395)

باسم الله نكمّل سالفتنا مع المحاضرة 12 ..

هنا معطينا 5 قاعدات لازم نتّبعها في الـ comparative \ superlative :

1- لما تكون الكلمة مكوّنة من مقطع صوتي واحد ويكون فيها أكثر من حرف علّه أو تنتهي بأكثر من حرف ساكن نضيف er ( للكومبارتيف ) و est ( للسوبرلاتيف ) , نشوف أمثله عالسريع :
- كلمة tall تتكون من مقطع صوتي واحد + أنتهت بأكثر من حرف ساكن ( ll )
في الكومبارتيف تصير taller وفي السوبرلاتيف تصير tallest .. لاحظي ضفنا فقط er للمقارنة و est للتفضيل ..
نشوف مثال ثاني :
- كلمة deep تتكون من مقطع صوتي واحد + فيها أكثر من حرف علّة ( ee )
في الكومبارتيف تصير deeper وفي السوبرلاتيف تصير deepest , هنا نفس الشي فقط أضفنا er للمقارنة و est للتفضيل ..


2- لما تكون الكلمة مكوّنة من مقطع صوتي واحد وتنتهي بـ e نضيف r فقط ( للمقارنة )و st فقط ( للتفضيل )..
مثل : كلمة fine مكوّنة من مقطع صوتي واحد وأنتهت بـ e , في الكومبارتيف تصير finer وفي السوبرلاتيف تصير finest , لاحظي إننا أضفنا r للمقارنة و st للتفضيل ..


3- لما تكون الكلمة مكوّنةمن مقطع صوتي واحد مع حرف علّة + حرف ساكن في النهاية , نضاعف الحرف الساكن ونضيف er للمقارنة و est للتفضيل ..
مثل : كلمة fat مكوّنة من مقطع صوتي واحد وفيها حرف علّة (e) وحرف ساكن في النهاية ( t) , القاعدة تقول
إنّا نضاعف الحرف الساكن ( اللي هو t هنا ) ونضيف er للمقارنة و est للتفضيل ..
يعني يصير شكل الكلمة في المقارنة fatter , ويصير شكلها في التفضيل fattest ..


4- لما تكون الكلمة مكوّنة من مقطعين صوتيين ومنتهية بـ y نحوّل y إلى i ونضيف er للمقارنة و est للتفضيل .. مثل : كلمة happy مكوّنة من مقطعين صوتيين ومنتهية بـ y نحوّل الـ y إلى i ونضيف er للمقارنة و est للتفضيل , يعني يصير شكل الكلمة happier في المقارنة و happiest في التفضيل ..


5- لما تكون الكلمة مكوّنة من مقطعين صوتيين ومنتهية بصوت علّة not stressed ( يعني إنّا ماننطقه بشكل واضح أو ماننطقه أصلًا ) وقتها ضيفي er للمقارنة و est للتفضيل ..
ويقول لك إن الصفات اللي تنتهي بـ ow أو le نضع لها er أو est ..
مثل : كلمة yellow مكوّنة من مقطعين صوتيين ومنتهية بصوت علّة not stressed أحنا ننطقها يلو مو يلوو ..
هنا نضيف er للمقارنة و est للتفضيل ..
يعني تصير yellower في المقارنة و yellowest في التفضيل ..


وبكذا نكون خلّصنا القاعدات الخمس ..
بعدها معطيك جدول فيه ملخّص الكلام اللي قلناه ( أمس واليوم ) ..


وبعد كذا معطيك ملاحظة :
يقول لك أن بعض الـ adverbs نقدر نستخدمها للمقارنة والتفضيل ( أحنا قلنا أمس إنه مو بس الصفات اللي نقدر نستخدمها في المقارنة والتفضيل , نقدر نستخدم حتى الأحوال - يعني جمع حال :16.jpg: )


ومعطيك أمثلة : Sally works hard - الحال في وضعه الطبيعي -
وبعدين قال : Steve work harder than Sally - قارن بين سالي وستيف وبما إنهم شخصين معناتها كومبارتيف ..
وبعدها قال : Kathy and Sue work the hardest of all - قارن كاثي وسو بالكل ( اللي هم سالي وستيف في الأمثلة السابقة ) وبما إن السالفة صار فيها أكثر من شخصين معناتها نستخدم السوبرلاتيف ..
شوفي , بغض النظر عن الأشخاص أو الأشياء اللي يذكرها , لما تشوفين بعض الكلمات اللي تدل على المقارنة بعدد كبير أو بالكل عرفي إنك المفروض تستخدمين السوبرلاتيف , مثل عبارة of all مثلًا ..


وبعدها معطيك مثال ثاني ( على غرار المثال السابق ) ..
وبعدها معطيك جدول adverbs نقدر نضيف لها er و est , يعني إنا نقدر نستخدمها للمقارنة والتفضيل ..
لكن معظم الأحوال ماتاخذ هذي النهايات ( يقصد er \ est ) وبدال مانحطّ لها هذي النهايات , نضع قبل الحال more للمقارنة و most للتفضيل ..
مثل : recently في المقارنة تصير more recently وفي التفضيل most recently ..


بعدها يقول لك إن بعض الصفات والأحوال لما نستخدمها في المقارنة والتفضيل تكون غير منتظمة ..
مايتبعون قاعده معيّنة , هذول تحفظينهم بس , مثلًا good تصير best في التفضيل , مو goodest ..


المحاضرة متروسه قاعدات , تحتاج منك فهم + حفظ ..
بحر من القاعدات إن صحّ التعبير :tongue: , ورغم ذلك في نموذج
الأسئلة اللي حطيته ما أذكر إنه مركّز عليها أو إنه جاب سؤال منها - أقول ما أذكر يمكن كان فيه سؤال عنها ونسيت :16.jpg: ) يعني على هذي القاعدات المفروض 49 سؤال على هذي المحاضرة , والسؤال الخمسين يختاره من بقيّة المحاضرات :16.jpg: ..


بالمناسبه باقي جزئية بسيطة في المحاضرة ..
إذا كان عندي مجال رح نكملها إن شاء الله ..


آسفه على القصور ..
الإختبارات تقترب بسرعه , وربنا يستر :53: ..

وكالعاده إذا فيه تعليق أو تصحيح أو توضيح مايردكم إلا الكيبورد ..
وأستغفر الله لي ولكم ..

المشاركة الأصلية كتبت بواسطة ترف... (المشاركة 12850407)

ايش الفرق في المقارنه بين شيئين
بين اني اضيف erبدون than
ومتى احطthan

المشاركة الأصلية كتبت بواسطة shyoo22 (المشاركة 12962705)

مو عارفه وش اذاكر فيها وش ابدا فيه عندي ماده ثانيه بليييز احد يرد وش السواه

المشاركة الأصلية كتبت بواسطة tahani.m.t (المشاركة 12966097)

مابعد فتحت الماده ياليت الي ذاكروها يعطونا اهم مافيها او طريقة مذاكرتها وهل يكفيها يومين اختمها ....ربي يفرج لكم دنيا واخره وكل من قراء

المشاركة الأصلية كتبت بواسطة mema.m (المشاركة 12963793)

المادة باين مش صعبة مرةاغلبها اسلوب المحادثة مع الاخرين
وشوية قواعد ...بس مو معناته مانهتم


انا شخصياًصار عندي تبلد بعد الصوتيات والمقال مات الاحساس عندي
والممتاز طااار ..صار يكفيني انجح وبس




بس سؤال يفرض نفسه
الدكتور فهد جديد بالجامعه؟ واذا لأ هل سبق ووضع اسئلة اختبار؟
نبغا اي نموذج لأسئلته حتى لو قبل مية سنه عالأقل نعرفاسلوب تفكيره
اذا فرد عضلات :(267):