|
شكوى الدكتور فوزي :: هلموا ياقوم
السلام عليكم ورحمة الله وبركاتة
يجب علينا رفع شكوى عن فوزي سليسي لانه وضع في الاختبار ثلاثه اسأله غير موجوده في المحتوى قبل ترمين اذكر دكتور وضع سوال خارج المحتوى واشتكينا وحسبت لنا درجته هيا هجوم على الخدمات الطلابيه وش ذنبنا نذاكر واخرتها يجيب كذا سوال خارج المحتوى هذا غير الاسأله المتشابهه الي فرت مخنا |
رد: شكوى الدكتور فوزي :: هلموا ياقوم
كيف الطريقه ابي اقدم شكوى السالفه تحدي مع الطلاب لييه كذاا
|
رد: شكوى الدكتور فوزي :: هلموا ياقوم
اسئله المراجعه والواجب ماجاب منها شي ابدا حسبي الله عليه طيب ليش حطيتها
|
رد: شكوى الدكتور فوزي :: هلموا ياقوم
بدون مقدمات ...
ماعاد لي نفس في تقديم شكاوي والله زي ما تفضل أحد الأخوان أشعر أن فيه (تحدي لطلاب) . أصلا من يوم شفته يتفلسف في المباشرة الأخيرة وانا حاس أنه عنده عقده وبيطلعها فينا في الأختبار . وأثبتها بالأسئله اللي بين السطور . لكن فيه بيتين جادة بها القريحه : |
رد: شكوى الدكتور فوزي :: هلموا ياقوم
الششششكوى لله
|
رد: شكوى الدكتور فوزي :: هلموا ياقوم
حسبي الله ونعم الوكيل
|
رد: شكوى الدكتور فوزي :: هلموا ياقوم
.
. . اللحين منزل راشد الاسئله مصورة خلونا نشوف وش رقم الاسئلة اللي خارج المحتوى وواحد من الشباب أو الصبايا يصيغ لنا كلام للشكوى عشان ننسخ ونلصق في الخدمات ... يمكن تصيب معانا ويزيدونا درجات ..!! |
رد: شكوى الدكتور فوزي :: هلموا ياقوم
سؤال واحد هو إلي برا المحتوى إلي يسأل عن المدينة الي صار فيها روبنسون سبيف مرة ثانية
بس على فكرة إش إجابته الصحيحة |
رد: شكوى الدكتور فوزي :: هلموا ياقوم
يعني بتحاكمون المساكين اذ جاب سوالين اوثلاثة عشان يشوف فاهم
انتم مايضبطكم الا حليمة اللي جاب للمستوي سابع 17 سوال من برااا |
رد: شكوى الدكتور فوزي :: هلموا ياقوم
...............................
enlighten Eurpean ...daniel defoe : السؤال موجود بالمحتوى لكن الإجابه مدري وش هي؟ 1- the Explorer 2- Enlighten Eurpean 3- Businessman ..... فيه ذاك السؤال .. ماشفته بالمحتوى مدري وين ارضه.. اللي إجاباته Sale Lisbon England هذا اللي أتذكره ..كملوا الأسئله الباقيه .. ........................... |
رد: شكوى الدكتور فوزي :: هلموا ياقوم
^ انعاش حلم ياليت تطلع منها اوكي !!
|
رد: شكوى الدكتور فوزي :: هلموا ياقوم
فوق مالواحد مرتفع ضغطه من هالاختبار يجيك أحد ويتفلسف على راسك ومسوي مصطفى بالنسخه السعوديه !!
خلاص سؤال من برا المحتوى من حقنا نطالب .. ايش الي حارقك ! ماتبي تطالب اطلع من الموضوع لاتدخل .. |
رد: شكوى الدكتور فوزي :: هلموا ياقوم
اقتباس:
. إنعــــــــــــــــــاش أركد .. وإن كنت جاوبت تحمد الله .. لا تزودناا غبن :sm1: |
رد: شكوى الدكتور فوزي :: هلموا ياقوم
المهم عطونا نص الشكوى نبي نشتكي ..
|
رد: شكوى الدكتور فوزي :: هلموا ياقوم
اقتباس:
السؤالين والثلاثه هذي يمديك تاخذها وتجيب فيها الممتاز المرتفع.. لكن غيرك يحتاجها عشان ينجح.. وع فكره هالثلاث او الأربع درجات ..تلعب في المعدل..الدرجه الواحده تقدر ترفعك من مقبول إلى جيد وغيرها.. ماله مصلحه الدكتور انه يخرج برا المحتوى اذا حليموه كذا 17 سؤال مره وحده.. ع كذا يشتكون للعماده وإن شاء الله مايضيع حقهم.. والله يكفينا شر حليموه.. .......................... |
رد: شكوى الدكتور فوزي :: هلموا ياقوم
انتعاش لايكثر واطلع منها
مسوي فيها انا الولد الذكي الي افت بالاختبار ولحد يكلمني ترا محد درى عنك ف لاتقعد تهايط ع روسنا وانت لو احلف انك ناجح بالدف مبزره وتكلمو :) |
رد: شكوى الدكتور فوزي :: هلموا ياقوم
Sale
Lisbon England ^ أنا ما ذبحني غير هالســــؤال .. عاد تحليلي شيء ثاني فيه .. استبعدت sale لأني قلت معناها بيع >> أخذت عقلي التخفيضآت |
رد: شكوى الدكتور فوزي :: هلموا ياقوم
اقتباس:
انت من النوع اللي يفتح عيون الدكاتره على اشياء تافهه وكل يوم تثبت لي ان اللي قاعد تسويه ليس الا حسسسد ( كل اناء بما فيه ينضح ) وهي عبارة صحيحة وعميقة ولايقه عليك فالاناء الذي امتلأ بالغيرة والحقد وتصيًد السلبيات لا يمكن ان يفيض الا بكل المشاعر السلبية مهما حاولت ان تتفاءل بان الاناء بذرة يمكن ان تنبت يوما. |
رد: شكوى الدكتور فوزي :: هلموا ياقوم
انا اقول حكموا عقولكم وبالعدل احكموا ع الدكتور
من كل دكتور جاب سوالين اوحتي 7 اسئلة يبغالهم ركادة وتفكير شوي زعلتوا وقلتوا جايب من برا ورحتوا ركض ع ايقونة الشكوي ترا بكرا ماحد يعطينا وجه اذ كل دكتور راح نشتكي علية لو جاب 10 اسئلة من الرواية والله كل نتنح ولاندري وش السالفة لو نقعد خمس ساعات في القاعة ولايقدر احد يسال الدكتور بيقول جبت من الرواية نفسها بس هو وخر عن الرواية ولاجاب من العمق ولاحتي جاب شي معقد انا اشتكي في حالة وحدة اذ المادة 3 ساعات والدكتور بالفعل ظلم وخرج عن المحتوي بشكل واضح وثالث شي دكتورها مايشرح في هالساعة اروح اشتكي مشكلتنا الي الحين منسدحين قبل كل اختبار ع اسئلة العام والكوزات ومذاكرة غير جدية للمحتوي انا يمكن عندي خمس غلطات ويمكن سبع بس الاختبار زين ولايوصل لهدرجة هذي ظلم ومدري ايش ؟ |
رد: شكوى الدكتور فوزي :: هلموا ياقوم
اقتباس:
هذي الاجابات وصراحه ماني متاكده |
رد: شكوى الدكتور فوزي :: هلموا ياقوم
الله المستعان حسبي الله ونعم الوكيل
ماودي ادعي عليه لكن نبي منكم الاسئلة الي خارج المحتوى بالنص كاملة عشان نشكيه ونضمن درجة النجاح ان شالله وان شالله العموم ناجح ويفارقنا وجه النحس ذا |
رد: شكوى الدكتور فوزي :: هلموا ياقوم
Sale مكتوب في ظهور الروايه ، بس لاتسكتووووون اشتكوااااا وانا معكم
|
رد: شكوى الدكتور فوزي :: هلموا ياقوم
الناس الي تقول لا تشتكون ومادري ايش
جاوبتوا فالكم التوفيق حن نتكلم عن انفسنا والله لو هي درجة وحدة مانخليها حق من حقوقنا حتى المنتظمين يطالبون وهم انتظام جات علينا اللي يالله نلحق قولوا خير والا اسكتوا |
رد: شكوى الدكتور فوزي :: هلموا ياقوم
الله لا يسامحه من زود الفلسفه يكتب اسم المنهج على نموذج الاسئله بالانجليزيه حتى المراقب محتار في الكشف موجود عنده الروايه الحديثه ونموذج السؤال انقلش قام يسأل الروايه الحديثه انجليزي قلنا له ايه بس هذي من زود الفلسفه عند الدكتور
|
رد: شكوى الدكتور فوزي :: هلموا ياقوم
لاحول ولاقوة إلا بالله العلي العظيم
ترى كل كلامك يرجع ضدك ولاأحد إلى الآن رد عليك بشكل إيجابي من كل الكلام إللي قلته .. أدخل وقول رأيك بدون ماتتعدى على أحد وبدون ماتستخف وتستهين بجهد غيرك أنا ذاكرت المحتوى والمحتويات الملخصة وبفهم ماهي مجرد قراءة وأسئلة الروايتين وقرأت من الروايتين وشاهدت مقاطع وراجعت أسئلة ... وحرمت نفسي من الراحة عشان أكون ملمة بكل شي ومركزة على كلشي وفوق هذا أنا أم وعندي واجبات وأعمل ومع ذلك في أسئلة قرأتها أكثر من مرة عشان أقدر أجاوبها لأنه جايب السؤال يتحدى .. مو جايبه عشان فهم الطالب ... أبداااا وتعبنا منك ومن أمثالك إللي يدخلون ويقولون .. تذاكرون آخر يوم أو تجون تبون كلشي جاهز أو نبحث فقط عن أسئلة الترم السابق ... أنتم مالكم شغل بغيركم , خلاااااص يكفينا ضغط نفسي من المراقبات والمذاكرة والبيت وتجي أنت وأمثالك وتفتحون أفواهكم بعقولكم الفارغة وتتفلسفون .... يكفي رجاااء يكفي وإللي مو عاجبه يقرأ وهو ساكت ومو محتاجين ردكم لأنه مابغير شي ... أنت راسل الدكتور وأشكره عن نفسك وأمدحه بكيفك وأبعد عن هنا ... وعذرا للإطالة ... وقل خيرا أو أصمت والله يوفقنا وينصرنا جميعا يااارب ولأني تعبت وأجتهدت فأنا أستحق الأفضل أكيييييد |
رد: شكوى الدكتور فوزي :: هلموا ياقوم
اقتباس:
اتفق معك انه الاختبار جيد والاغلب من المحتوى لكن في كم سؤال فيهم لف ودوران انت تشوف مافي داعي للشكوى عليهم من وجهة نظرك اوك انت حرر ونحترمها بس مافي داعي تفرض رأيك عالآخرين أبداً واسلوب التعميم منسدحين وما ادري ايش مرة مو تمام! لأنه اسئلة امتحان سابقة ما كان في من الاساس وفي من الطلاب يمكن درجة السؤال الخارجي تفرق معاه وانا ضد اسلوب الشكوى المبالغ فيه بالمناسبة الشكوى فقط عالسؤالين ولا داعي لتضخيم المواضيع فعلاً حتى لا يتسبب علينا الدكتور في مواد أخرى او على الاجيال القادمة وشكراً |
رد: شكوى الدكتور فوزي :: هلموا ياقوم
ياخي مايفتح شكوى غير المتقاعصين اللي ماذاكرو وبس
|
رد: شكوى الدكتور فوزي :: هلموا ياقوم
اشوف انعاش حلم صادق اذا كثرت الشكاوي ماينفع
وصراحه اسئلته مش خارج المنهج اهم شي ردو باحترام اوك ههههههههه |
رد: شكوى الدكتور فوزي :: هلموا ياقوم
اقتباس:
والله يعين ويوفق الجميع |
رد: شكوى الدكتور فوزي :: هلموا ياقوم
السلام عليكم ورحمة الله و بركاته ,,,
يا اخوان فيه بعض الشباب الله يهديهم يحطون نفسهم في مواقف بااااااااايخه جدااا ,, ولا انت وش عليك اذا حد اشتكى ياخي ... اذا انت دافور الله يزيدك دفره ياخي لكن خل قلبك نظيف و خل غيرك يستفيد .. لازم تكون انت فووق الكل يعني ترى العالي رب العباد ,,, و اذا انت متفرق و عندك وقت للمذاكره ومن الناس اللى يحفظون صم ياخي غيرك وراه دوام و بعض الاخوات امهات .. عيب هذا الاسلوب اكبروووو شوي على هذا الاسلوب اللي ينم عن حقد او حسد على غيرك ... واسف للاطاله .. اتمنى التوفيق للجميع |
رد: شكوى الدكتور فوزي :: هلموا ياقوم
وين نقدم الشكوى في اي ايقونه في الخدمات الطلابيه ووش محتوى الشكوى |
رد: شكوى الدكتور فوزي :: هلموا ياقوم
لا ما انصحكم تقدمون شكوى كل شوي وعلى الفاضي والمليان
ما يسوتي كذا اولا الرجل مااب الإسؤالين او 3 مدري كيف وفيه ناس جاوبوا صح معناته إحنا ماذكرنا و باقي صحيح صياغة ذكيه ومدري كم قعد عليها وكم سطل شاي شرب عشان يحورها لكن من داخل المحتوى فكثرة الشكاوي مش بصالحنا |
رد: شكوى الدكتور فوزي :: هلموا ياقوم
السلام عليكم جميعا ,,,,,,, انا بشتكي لان هذا من حقي والدكتور غامض وهم بعد جايب العيد جايب من خارج المنهج ,,,,,,
|
رد: شكوى الدكتور فوزي :: هلموا ياقوم
انا من دخلت هالجامعة ع ايام 70 سوال
كان كل دكتور يجيب ع الاقل 3 اسئلة من برا بس كان بوقتها ماتأثر بحكم كان لك سوال درجة بس الحين قيمة السوال مهم اذكر العام في مادة اللغويات سالوا الدكتور عن سوالين اتوقع من برا او فيهم غلط والله ماذكر المهم راسلوة عبر الايميل ووعدهم انة يعطيا درجات السوال وكمان في مادة تجويد قبل كم سنة نفس السالفة بس ماكبروا الموضوع زي ماتسون خذوا الموضوع بهداوة ونرسل للدكتور للايميل عبر عن استفسار مو دعاوي وتحدي زي ماصار مع دكتور علم المعاني وبنشوف اذ تجاوب اوك |
رد: شكوى الدكتور فوزي :: هلموا ياقوم
عاد صارت حلاوه الشكاوي :tongue:
تفاهمو مع الدكتور وشوفو وش يقول وبعدين اشتكو :(269): |
رد: شكوى الدكتور فوزي :: هلموا ياقوم
اقتباس:
انا والله لخبطت :verycute: ومثل م قلت احد من الطلاب يعتمدون عليه ويكلم الاستاذ افضل من التهويل |
رد: شكوى الدكتور فوزي :: هلموا ياقوم
.
. . أنا عن نفسي راح أكتب كذا في الخدمات اللي حاب ينسخ واللي مو حاب بكيفه .. بس احب أقولكم ترى درجه ممكن تعطيك B ودرجه ممكن تعطيك C ________________________________ في هذي المادة يوجد ســـــؤال خارج عن المحتوى وهو ,, in what city Robinson Crusoe become aslove ?? |
رد: شكوى الدكتور فوزي :: هلموا ياقوم
اقتباس:
الاسلوب لازم يكون محترم في الشكوى هذا أهم شي :(204): موفقين جميعاً |
رد: شكوى الدكتور فوزي :: هلموا ياقوم
باين من اسلوبه البارد والمتعالي
|
رد: شكوى الدكتور فوزي :: هلموا ياقوم
اقتباس:
شوفوا الصيغه خلونا نحشر فووووزي |
رد: شكوى الدكتور فوزي :: هلموا ياقوم
ياناس هالحين وش جاب لاجاب
دكتور المعاني وش سوى فينا بس مأساة صراحة وللحين انا ماقدرت ادخل ع الخدمات معلق معي وابي من يرسل لي رابط وهالمسكين هذا بالزاف يصير ديالهون زي بعض:wink: |
رد: شكوى الدكتور فوزي :: هلموا ياقوم
من جد والله انك مايتعلق يا إنعاش دايم تلقي من يهزك
|
رد: شكوى الدكتور فوزي :: هلموا ياقوم
ياشباااااااب الااسئلة كانت متوسطة
|
رد: شكوى الدكتور فوزي :: هلموا ياقوم
اسئلته كان فيها تحدي لطلاب والطالبات الله يسامحه :( |
رد: شكوى الدكتور فوزي :: هلموا ياقوم
انا انطباعي عن هالماده هو:
(إنا لله وانا إليه راجعون):( |
رد: شكوى الدكتور فوزي :: هلموا ياقوم
:)
|
رد: شكوى الدكتور فوزي :: هلموا ياقوم
who is
"represents the enlightened European. in Robinson Crusoe?? هذا السؤال الثانى الي اجاباتة ماهي صح او هو غلط بالسؤال لان الاجابة بالسؤال المهم ارسلوا السؤالين بس لانهى هي الي برا المنهج اوفيها غلط |
رد: شكوى الدكتور فوزي :: هلموا ياقوم
اسم المدينة التي اسر فيها sale
|
رد: شكوى الدكتور فوزي :: هلموا ياقوم
اقتباس:
:d5::d5::d5: معك بكل كلمه قلتيها |
رد: شكوى الدكتور فوزي :: هلموا ياقوم
الله لايوفقه وبس وإذا فيه شكوى أنا معكم
|
رد: شكوى الدكتور فوزي :: هلموا ياقوم
من جبتو كلمة sale . مو موجوده بالمحتوى
اللي موجود هو ان اللي طرحوه هم (المسلمون في شمال غرب افريقيا ) مو مذكور اسم المدينه ؟ ومدري يمكن انا دراستي مو كلش :D |
رد: شكوى الدكتور فوزي :: هلموا ياقوم
اقتباس:
|
رد: شكوى الدكتور فوزي :: هلموا ياقوم
الله يعينك يأمر أحب ويكثر من أمثالك ويعطيك ويعوضك خير
|
رد: شكوى الدكتور فوزي :: هلموا ياقوم
الي عنده اجابات هالاسئلة ليش صارت الرواايات نهايتها سعيده ؟ اخترت writers insisted on it بس شكله غلط لان معناها اصروا على ذلك الخيارات ولاواحد منها في المحتوى وسؤال من هو الاوروبي المستنير اخترت الاجابه الي نفس السؤال بعدين غيرتها قلت مستحيل ماصارت اجابه واخترت مستكشف عشانه رحاله وزي كذا :060: وسؤال اش كانت مهمة مارلو لما راح افريقيا ؟ اخترت retrieve commander..kurtz :verycute: بالاضافه الى سؤال اول رواية استعارت اسلوب ؟؟ اخترت الصحافة حسيته اقرب شي تكفون جاوبوا السؤال الي تعرفونه ^ هذي الاسئلة الي كان فيها حوورها ومالقيت اجاباتها بالمحتوى طبعا بالاضافه الى سؤال sale وانا رأيي ماتخلون الدكتور يعنند ويكببر راسه الافضل كلموه اول وحاولوا معه ولوما تجاوب وقتها سووا الي تبون دكتور علم المعاني كان متجاوب جدا اول ما ارسل له طالب وبعدها لما شاف تهويلنا عنند وماظني نشوف منه ولاااا درجة |
رد: شكوى الدكتور فوزي :: هلموا ياقوم
وبعدين الظاهر الدكتور السيسي مدري السليسي يبي يفزع مع الدكتور السيد حق علم المعاني والبراغماتيك.
نظام شوف حتى انا حرقتهم مو بس انت . اوك دكتورنا الفاضل طال عمرك (الله لايوفقك ويغثك مثل ماغثيتني ) والله اني اجتهدت بالمحتوى والملخصات وكل شي . بس ماقول إلا (انا لله وانا اليه راجعون). |
رد: شكوى الدكتور فوزي :: هلموا ياقوم
الله لايوفقك يالسليسلي انا من شفت اسمك غسلت يدي
مع انه حرام التشائم لكن اسمك معقد مثل اسئلتك اللي عساها تكون سبب بفصلك من الجامعه اللهم آمين الله لايوفقك من مارحت الله لايوفقك |
رد: شكوى الدكتور فوزي :: هلموا ياقوم
الا اشتكوه
بصراحة اشوف الدكاترة الاجانب ضد السعوديين الا ماندر ليش مادري تحدي للطالب السعودي شي يقهر قسم بالله |
رد: شكوى الدكتور فوزي :: هلموا ياقوم
زودونا بالإيميل أو الأيقونة
|
رد: شكوى الدكتور فوزي :: هلموا ياقوم
الاخ انعاش يتفلسف ويقول الدكتور حليمة جاب اسئلة من خارج المنهج نعم اقولك جاب من خارج المنهج وللمعلوميه 16 سؤال مو 17 مثل ما انت ذكرت لكن قدمنا فيه شكوى عن طريق بوابة الشكاوي وننتظر الرد واذا انت الله منعم عليك بالفهم والفراغ وتقدر تذاكر من بداية السنه البعض منا عنده التزامات ولا يقدر يذاكر الا وقت الاختبارات اغلب الشباب الموجودين يفرق معهم سؤال او سؤالين والكثير بس يقول ياليت اعدي بالماده لا احملها وانت تجي تستهزي وتتفلسف على زملائك ؟؟ وهالماده انا حملتها العام بسبب هالدكتور يتفلسف لكن ما نقول الا حسبنا الله |
رد: شكوى الدكتور فوزي :: هلموا ياقوم
للشكوى . الدخول على( الخدمات الطلابيه) , وبعدها ايقونه (تلقي ملاحظات الطلبه حول الاختبار).
انا ارسلت الشكوى وارتحت شوي :d |
رد: شكوى الدكتور فوزي :: هلموا ياقوم
يلا نشتكي .،
فتحتوا الموضوع وتهاوشتوا مع بعض .، وحدو النص عشان ننسخه ونرسله .. شوفوا الترم الي راح بمادة الفكر والثقافه اشتكوا ورجعولهم حقهم وزياده .، |
رد: شكوى الدكتور فوزي :: هلموا ياقوم
الشكوى لله:Cry111:
|
رد: شكوى الدكتور فوزي :: هلموا ياقوم
عميد عمادة التعليم عن بعد سعادة الدكتور عبدالله الفريدان بعد التحية نعلم ماتقدمونه وماانتم بصدد ماتقدمون وكل ذلك يصب في مصلحة الطالب اولا واخيرا نحن طلاب وطالبات جامعة الملك فيصل تقدمنا بالاختبار في مادة الرواية الحديثة للدكتور فوزي سليسلي وقد فوجنا بأن الاختبار احتوى عن بعض الاسئلة من خارج المنهج نرجو من الله ثم منكم النظر في شكوانا والسلام عليكم ^ ^ هذي الصيغة الي قدمناها بمادة الترجمة الابداعية بس عدلت فيها شوي لان الصيغة بالشكوى لمادة الترجمه حددنا فيها امور كثيره وانتوا شوفوا وش تبون تضيفون على المعروض عشان يعتمد من الكل |
رد: شكوى الدكتور فوزي :: هلموا ياقوم
الحين لو اشتكى مجموعه من الطلبه ع الاسئلة من برا المنهج ورجعوا الدرجات
ترجع الدرجات للكل والا بس اللي اشتكوا ؟؟؟؟؟؟؟؟؟؟؟ انعاش حلم واااضححح انك جالس تطقطق ع الطلاب لانك في مواد الملحم تقول لازم نشتكيه ع كم سؤال من برا المنهج ونشتكيه ع تكرار وسهوله الاسئله وفي الروايه تقول لا لاتشتكون ما يصلح وماينفع معكم الا حليمة ووووو اش قصدك بالضببببط؟؟؟؟؟؟؟؟؟؟؟؟؟؟؟؟؟؟ |
رد: شكوى الدكتور فوزي :: هلموا ياقوم
بسجل شكوى عن سؤال خارج المنهج هو سؤال ولا عشره ليه يجيب برا المنهج هذا حقنا
|
رد: شكوى الدكتور فوزي :: هلموا ياقوم
اشتكوا اشتكوا ولا يردكم الا قسم النظيم:mad: |
رد: شكوى الدكتور فوزي :: هلموا ياقوم
انا معكم بشكي ع سؤال المدينه كان خارج المحتوى
ارسل من الأيقونة ونعين من الله خير |
رد: شكوى الدكتور فوزي :: هلموا ياقوم
اقتباس:
مو أمريكي ولا استرالي عشان تقول اجنبي ! |
رد: شكوى الدكتور فوزي :: هلموا ياقوم
اقتباس:
والله سبحانه مايضيع حق أحد وبالنسبة لي خلااااص الموضوع أنتهى مع تقديم الشكوى |
رد: شكوى الدكتور فوزي :: هلموا ياقوم
استغفر الله العظيم حبايبي بلاش الدعاوي الله يسعدكم والله حتى انا مقهورة زيكم طلعت من الاختبار شوية وابكي بس هدوا واهم شي انكم تشتكوا بس من غير مانغتاب لانه مايستاهل يأخذ حسناتنا |
رد: شكوى الدكتور فوزي :: هلموا ياقوم
من يقدر يكتب صيغه السؤال اسم المدينه هنا
ابي اشتكي في الخدمات واكتب صيغه والي يقول لا تشتكو مافتحت الجامعه ايقونه الي تبينا نشتكي انا بغرد في التوتر وبكتب في الخدمات اذا مو لي اقل شي فيه بعض الطلاب والطالبات في حاجه 1.4 شيلو مبداء الانانيه من انفسكم |
رد: شكوى الدكتور فوزي :: هلموا ياقوم
اقتباس:
واضح انك متقاعصة بالإملاء كثير واعتقد ان عندك تقاعص بالنحو وتقاعص باللغة الله يكفينا شر التقاعص آه يازمن حتى التقاعس صار تقاعص |
رد: شكوى الدكتور فوزي :: هلموا ياقوم
اقتباس:
|
رد: شكوى الدكتور فوزي :: هلموا ياقوم
كلمت الدكتور طبعا اشتد الكلام لأنه قالي
The slides aren't everything !!! U should read the novels يقول أنا قايلكم تقرون الروايات 》 يقصد نقرأها كامله >< |
رد: شكوى الدكتور فوزي :: هلموا ياقوم
ععادي زيادة الخير بركة العام زادونا دكتور جاب اساله حذفها عشر اساله وعطونا درجتها وارتفع تقدير حلوو ة غلطات تنفعنا زي فكر وثقافه يوم زادونا
|
رد: شكوى الدكتور فوزي :: هلموا ياقوم
من غير دعاوي على بعض وعلى الدكتور لأن اسئلته سهله فقط هالسؤال اللي طلع فيه من برا وغير موجود لنا الا انو كان عبد في نورث افريكا عموماً حليته صح هالسؤال لكن تضامنً معكم ولا ابي تمرني هالحسره ولااحب اشوف اخواني واخواتي مقهورين بقدم شكوى معكم وإن شاءالله الكل ياخذ حقه وزياده ومااكون ظلمت الدكتور وسعوا صدركم طيب |
رد: شكوى الدكتور فوزي :: هلموا ياقوم
اشتكوا وربي معاكم ينصرنا من جد البلاد ماعرفتها مامرت علي ابدا وحتي في سوال ثاني الظاهر عن مدري وشهوا مامر بعد
|
رد: شكوى الدكتور فوزي :: هلموا ياقوم
اقتباس:
اخي الحبيب بحثت في المذكرة لاني اذكر هذا السؤال قد مر علي ولكن للاسف ما وجدت الا هذه العبارة Crusoe becomes the slave of a Moor (Muslims in Northwest Africa فهل سؤال واختيارات الدكتور صحيحة ام خاطئة وانا سوف اقدم اعتراض ان كان لي حق يعطوني اياه وان كان ليس لي حق فهذا نظام وضع من قبل الجامعه |
رد: شكوى الدكتور فوزي :: هلموا ياقوم
بصراحة الاختبار كان طيب والدكتور لف شوي بالاسئلة بس الي يبي يشتكي من حقه اتمنى لا أحد يتدخل هاذي حرية شخصية وبعدين شفت ردود ضد اخواني واخواتي من بعض الاعضاء غير لائقة بالعربي عيب من حقهم يشتكون ومن حقهم الكل يوقف معهم كلنا هنا اخوان نساعد بعض هذاا واجب وحق علينا اتمنى التوفيق للجمييع
|
رد: شكوى الدكتور فوزي :: هلموا ياقوم
|
رد: شكوى الدكتور فوزي :: هلموا ياقوم
دامكم بتشتكون بشتكي معكم
وان شالله يتغير الوضع باقي حاقده ع نظرية الترجمه م في مثله صراحه |
رد: شكوى الدكتور فوزي :: هلموا ياقوم
اقتباس:
كم انت شخص ترفع الظغط |
رد: شكوى الدكتور فوزي :: هلموا ياقوم
انا مادري انعاش حلم مسوي فيها سيبويه الانجليز
كل موضوع ناطط لنا انتم ماتذاكرون ومتسدحين على اسئلة العام وانا الوحيد الفاهم الشاطر اللي اذاكر من اول الترم اللي ابي اعرفه اذا انت شاطر كذا ودافور كذا ليش ماتعرف تكتب كلمتين انجليزي وربي اشوف كلامك وانت تكتب انجليزي اموت ضحك هذا مثال اقتباس:
و للأسف بدال مايقول i did not قال i can not وهذا غيض من فيض من الاخطاء اللي الطلاب في الابتدائي يعرفونها ودي اعرف بس ليش تهايط علينا بعد كل امتحان ؟؟؟ |
رد: شكوى الدكتور فوزي :: هلموا ياقوم
دعوه للضحك :53:
اقتباس:
|
رد: شكوى الدكتور فوزي :: هلموا ياقوم
عليهم عليهم
توي دخلت المنتدى ودخلت ع الموضوع مدري انا حليت صح ولا لا ، لكن ماهو أنـآ الي أخلي خويآي وهم محتاجيني ابشروا بـ الشكوى ولايهمكم أحد دام الحق لكم أنتم ملوك |
رد: شكوى الدكتور فوزي :: هلموا ياقوم
انعاش خلاص صارت واضحه انت من النوع اللي يضيق صدره ويجي ينقز بكل موضوع عشان يسوي لنفسه اكشن ويطير الطفش والضيقه اللي عنده.لكن مو ع حسابنا ي حبيبي فـ عشان هيك اذا جتك الحاله حاول انك تصك ع نفسك وتتعوذ من ابليس لانه مهب وقتك.واتمنى ماحد يرد ع مداخلاته وخلوه مع نفسه لانه بجد مو وقته. بالتوفييييق للجميييييييع |
رد: شكوى الدكتور فوزي :: هلموا ياقوم
يقوول الشاعر
ياما نهيت القلب امرار وامرار لاكن عصاني قلبي الي نهيته وانا اقوول كل حكياتي تغنى بالروايه كنها تنساق في نهر المنوون شايله حلمي فرح وبالنهايه انجرف حلمي وقلبي به طعون كانت احلامي كثيره وش ورايه غير ناس همها خيبة ظنون مابيديني غير همه مع درايه وانتو يالي كل حلم تهدمون جانا فوزي يتفلسف بالروايه هذا ضاع وذاك مات وش تبوون ضاع فكري هد حيلي وياعزايه في دكاتر همها خيبة ظنون :sm1: وسلامتكم :verycute: |
رد: شكوى الدكتور فوزي :: هلموا ياقوم
اقتباس:
انا قايله مايهايط الا الكسالى والا لو هو دافور كان همته الدرجات :biggrin: |
رد: شكوى الدكتور فوزي :: هلموا ياقوم
اقتباس:
إذا كان سؤال فهم ماعليش بس معلومة ماهي موجودة أصلا ولا قالها في شرح المحاضرات إسم مدينة أنا من فين أعرفها وتروح علي درجة وربع على سؤال مالي ذنب قيه كذااااااااااااااااااااا حرااااااااااااااااااااااام |
رد: شكوى الدكتور فوزي :: هلموا ياقوم
.
. . طيب ي جماعة الخير أدخلوا على إيقونة تلقي ملاحظات الطلبة حول الإختبار موجوده بالخدمات وهذا رابط الخدمات للي طلبه http://del.kfu.edu.sa/entisab_app/index.asp عاد داخل ايقونة الملاحظات تطلعلك اختيارات لموادك الدراسيه إنت اختار مادة رواية حديثه .. وأكتب هذا الكــــــــــــــــــــــلام .. _____________________________ في نموذج A _ الســـؤال رقم 39 غير موجود بالمحتوى _ الســــؤال رقم 46 لا توجد إجابه صحيحه |
رد: شكوى الدكتور فوزي :: هلموا ياقوم
تم تقديم الشكوى بنجاح ...
|
رد: شكوى الدكتور فوزي :: هلموا ياقوم
|
رد: شكوى الدكتور فوزي :: هلموا ياقوم
تكفون ياأخواني الطلاب والطالبات حليمة جاب أكثر من 17 سوال من برا ماتدرون تنجحون وإلا لا
|
رد: شكوى الدكتور فوزي :: هلموا ياقوم
عاد الترجمة الإبداعية صعبة وزادها الله ينصرنا منه في الدنيا والأخرة
|
رد: شكوى الدكتور فوزي :: هلموا ياقوم
شوفوا لو نشتكي جماعي بيسمعون منا علماً بأننا منتسبيين وواضع لنا حليمة هذه الأسئلة أسأل من لاتنام عينه أن يعطينا حقنامنه تكفون أرسلوا شكواكم عسى نجد من يجيب عليكم تروا أشتكيت الترم الماضي فوزي السيسلي بسبب مادة الرواية لأن أسئلة المراجعة الموجودة في موقع خدمات الطلاب لم يرد منها ولا سؤال ولكن لامجيب تكفون جماعي على حليمةبقوة ثم السليسلي وكل يكتب من عنده لانريد توحيد عشان مايقولوا إنه إتفاق علما والله إنها حقيقة أسأل ربي التوفيق للجميع .
|
رد: شكوى الدكتور فوزي :: هلموا ياقوم
حسبنا الله ونعم الوكيل
|
رد: شكوى الدكتور فوزي :: هلموا ياقوم
.
. . Judge وش تغريدة الفريدان الرابط غلط ..!! . . ذياب .. أبشر بس ترى مايمدينا نسجل ملاحظه على ماده مو مسجلينهاا .. |
رد: شكوى الدكتور فوزي :: هلموا ياقوم
اقتباس:
هههههههههههههههههههههههههههههههههههههههههههههههههه ههههههههههههههههههههههههههههههههه معليش زودها ذا |
رد: شكوى الدكتور فوزي :: هلموا ياقوم
|
رد: شكوى الدكتور فوزي :: هلموا ياقوم
,Gents
!! I have done, Thanks dear colleagues for all of your efforts |
| All times are GMT +3. الوقت الآن حسب توقيت السعودية: 09:48 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام