[ استفسار ] طلب رفع تظلم على مادة نظرية المنظمات

[NOW OR NEVER]

السلام عليكم ورحمة الله

مساكم خير



الخطأ الحاصل بالإختبار وهو اختلاف الاسئلة في النماذج

ما يهمني هو خطأ من بالضبط ادارة الجامعة او لجنة الاختبارات او الدكتور او قسم التصوير والطباعة عندهم

الضرر وقع علينا

ودنا نتكاتف ونكون يد وحدة ونرفع التظلم في أيقونة ملاحظات على الإختبارات في الخدمات الطلابية

اللي يشوف نفسه متضرر لا يتأخر وباقي الزملاء اللي جات الاسئلة عنده سهله وحاب يشاركنا برفع تظلم اكون له شاكر .


يفترض ان الاختبار يكون موحد لجميع الطلاب ,

ويجب ان الخطأ يعالج ويتم مراعاة ذلك وان لا يكون الطالب ضحية .


كل الكلام اللي يكتب هنا بالملتقى لا يصل منه شيئ لإدارة الجامعة

يعني هدوا انفسكم ولا نقعد ناكل في بعضنا ترانا قبل ساعات كنا ندرس سوى , واحتسبوا الاجر

ونجاحنا بيد رب العالمين

وعسى ان تكرهوا شيئاً وهو خير لكم



رابط ايقونة ملاحظات الطلبة حول الاختبار




http://del.kfu.edu.sa/entisab_app/images/46ov.jpg

يوجد إختلاف في الاسئلة بين بعض النماذج , ويجب ان تكون الاسئلة موحدة نرجوا مراعاتنا في هذا الخطأ, وان لا يكون هذا الخطأ يوثر على مسيرة الطالب الدراسية

وربي يوفقنا جميع

[حسن الطبيعه]

ش الخطاء موفاهمه؟

[ابوعبدالله26]

مساء الخير للجميع

تظلمت يالله كلكم يد وحدة ارفعو تظلم عن المادة

تحياتي ..

[pioneerone11]

تم إشعار الجامعة باختلاف النماذج
نموذجي e

هل يوجد حل لنموذج e

[ღ وَاَثٍقُ اْلخُطْوًهـ ღ]

ياطلاب فيه اسئله خارج المحتوى منها سوال ١٩ ماله جواب واضح في المحتوى

س٢ له جوابين فيه ٥ هياكل وفيه ٣ هياكل وفيه اسئله نسيتها. طبعا نموذج. E هو الاصعب وانا من منهم
حسبي الله من دكتور

انا رفعت الشكوى نبي حمله كبيره من الطلاب ذا حقنا وحرام تروح علينا درجه

[المستبشر]

الله يعطيك العافية اخوي NOW OR NEVER صادق بكل كلمه . الاسئلة كانت معقدة ولم تكن واضحة نموذج E اما البقية كانت سهله الله يوفقهم ويوقفنا لكن وش ذبنا احنا كا نموذج E "مبدا المساوات " .

اخوي الغالي تكمل جمالتك وتكتب لنا صغيه موحد شاملة جميع الملاحظات اكون لك من الشاكرين وما على الطالب الا ينسخ ويلصق . واخرا نسال الله بفضلة وكرمه وجوده ان يوفقنا لما يحب ويرضا وينجحنا انه على ذلك قدير والحمد لله على كل حال

[NOW OR NEVER]

الخطأ ان الاسئلة في النماذج تختلف عن بعضها

وبفترض ان الاسئلة تكون موحده


,,,,

ربي يبارك فيكم جميع

ويوفقنا للخير

[NOW OR NEVER]

المشاركة الأصلية كتبت بواسطة المستبشر

الله يعطيك العافية اخوي NOW OR NEVER صادق بكل كلمه . الاسئلة كانت معقدة ولم تكن واضحة نموذج E اما البقية كانت سهله الله يوفقهم ويوقفنا لكن وش ذبنا احنا كا نموذج E "مبدا المساوات " .

اخوي الغالي تكمل جمالتك وتكتب لنا صغيه موحد شاملة جميع الملاحظات اكون لك من الشاكرين وما على الطالب الا ينسخ ويلصق . واخرا نسال الله بفضلة وكرمه وجوده ان يوفقنا لما يحب ويرضا وينجحنا انه على ذلك قدير والحمد لله على كل حال

والله ياخوي كل واحد يشكي على ليلاه

انا نموذجي c واشوفه صعب

وناس نقول سهل

لذلك لو كل طالب يرفع ما يراه من ملاحظات بشكل فردي يكون افضل

قد يكون عند البعض ملاحظات أخرى وحابين يكتبونها


لكن مربط الفرس

يوجد إختلاف في الاسئلة بين بعض النماذج , ويجب ان تكون الاسئلة موحدة نرجوا مراعاتنا في هذا الخطأ, وان لا يكون هذا الخطأ يوثر على مسيرة الطالب الدراسية

[ღ وَاَثٍقُ اْلخُطْوًهـ ღ]

فيه كم سوال خطا في الاجابه



شوف الاسئله ١٩ و٢ وغيرها

نموذج e

[السبعينات 777]

انا نموذج a وكان الاختبار متوسط وصعب عموما ناجح لكن المعدل نازل بشكل محبط