[ استفسار ] فزعتكم : أسهل مواد للمستوى الخامس ؟

[فهدسعود]

النقود والبنوك و القانون التجاري ماراح انزلها لانها بنفس اليوم عندي التحليل الاحصائي وفقة السيرة خلصتها بالصيفي اللي محتار بينهم (السلوك التنظيمي وادارة العمليات و ادارة المعرفة والاعمال الالكترونية والنظم المتكاملة) والله احترت وجدولي

[hanan al-hamli]

امممممممم اخوي ادارة اعمال الالكترونيه سهله جداً لان من الـ أ : أحمد الشعيبي
ممكن يتغير السمستر الجاي الله اعلم

بالنسبه لأداره عمليات وادارة دوليه نفس مستوى الصعوبه ..

بس من وجهة نظري افضل ادارة العمليات

بالتوفيق لك وكل الي بتختاره بيكون خير لك ان شاء الله

[OS7]

المستوى 5 عطفاً على أسئلة هذا الترم
الالكترونية وفقة السيرة والنقود أسهل من الدولية والسلوك والعمليات

[Ghada22]

بالنسبه لي كانت كل المواد سهله وممتعه الا النقود والبنوك

[ابوحاتم000]

كلها سهلة لا تشيل هم انت فلها الحين و بعدين ربك يحلها

[الاندلسي]

الاكترونيه وفقه السيره النقود والبنوك

[Daniah..~]

..


إذا تبي نصيحتي امش حبه حبه
لاتطير لمستوى سآدس وَ تبلش .. مثل إدارة المعرفة ومدري إيش


امش ع الخطه تصير آنتيكه ، صدقني ..

إدارة العمليات = مآدة جميلة بصرآحة
ماكان يجيب مسآئل في المستويات المآضية وَ جآبهآ لنآ ، جآب أسهل شي
احفظ التجمع حقنآ بمفضلتك وَ فصفصه لاسجلت المقرر <~ أنصح بتسجيل العمليات بقوه

الكترونية = أجمل وَ أجمل ، و مآدة معدل من الدرجة الأولى
عن نفسي مسكت آختي وَ فحطت بهآ لين دآخ راسهآ يوم طلعت

نقود وَ بنوك = يكفيك شرح الدكتور تبارك الرحمن وَ محاضراته ماتاخذ وقت طويل بالكثير 35 دقيقة
أسئلته مباشرة ، سهلة ، مآفيهآ غرابيل اللف والدورآن


إدارة دولية = تشيب الراس ، لأن المحتوى مش مترابط وَ الدكتور أحسه مآقدر يوصل لنا المعلومة اللي يبيهآ
لو شفت شرحه تقول مش مقتنع باللي هو يقول ، لكن بمعنى مجمل الدكتور محمد جيد وَ يحرص على الطلاب
يخليك غصب تتشجع تشد على عمرك ، كذا التمسته من اسلوبه الله يخليه
أسئلته كآنت تكرار بشكل متوسط لأسئلة الأعوآم المآضية

يبقى لك سلوك = إذا أنت من النوع اللي يفهم بدون حفظ ، فالله يعينك عليهآ
حنا ماتقبلنآ مسألة الحفظ بصرآحة عشآن كذا دقرنآ شوي وفوقهآ سملالي الله يهديه خيبهآ معنآ
الدفعآت السابقة كآنوا بالعكس يمدحونه ، بس حنآ وجهه أقشر علينآ

عموماً مقررات خآمس مرتبطة ببعضهآ شوي
اللي تقراه بالنقود ، تلاقيه بالدولية ، واللي تقراه بالدولية ، تلاقيه بالعمليات


مستوى خآمس سهل لآتحآتي / مب مثل رابع أبد
بس حنآ نآس نشقى بزيآدة وَ نفصفص الدكآتره فصفصه أبد تقل عجز مجتمعين عند مضنيه

شد ع حيلك ولا تحتآر ، امش على الخطة وَ تصير انتيكه

القدرآت تختلف ، وَ الظروف تختلف برضو / الله يوفقك وَ ييسر أمرك يارب
بالتوفيق ياقوي

[العاشق لوطني]

نصيحه اخويه
نوع سهل مع صعب كل ترم افضلك
قل ليش
لانك رايح تاخذ الموادكلها
يعني
لاتبلش في الاخير كلها مواد صعبه
موفق خير

[طالب عيوني]

باختصار / المواد كلها نظرية وتحتاج للمذاكرة من بدري
لأنها مواد دسمة ومعلوماتهم كثيرة
..

[New LiFe]

لي 3 سنين بالجامعة

اقتنعت ان مافيه ماده سهله او صعبة

سهولتها وصعوبتها تعتمد على دكتور المادة نفسه

بلالي مثلاً ,, يدرس مادتين من اسهل مواد الجامعة ,, مهارات اتصال وتسويق
ومع ذلك جاب فينا المطمه ,, مهارات اتصال خسفت بي المعدل وتسويق اختبرتها ذا الترم
ولا ادري بنجح فيها او لا بسبب تعقيده حسبي الله عليه

الزبده ركز على الدكتور اكثر من المادة

بس عموماً خامس اسهل بكثير من رابع الله لايعيده