[ اسئلة اختبارات ] : شي غريب

[noon1990]

انا من اشوف الخيارات تتشابهه كل معلوماتي تطير من الذاكره ويبدى عندي التشتت في الاجابة الحقيقه

[نغـمْ ♬]

طيب تعالوا هنا ياللي حلهم تمام اعطونا الحلول خلونا نتطمن

[Ambition ؛)]

طيب اسئلة د// حمدان حليتوها؟؟؟؟؟ !!!!


وكمان صحيح اغلب اسئلة د//مطر من الأعوام اللي فاتت.

[ام فصووولي]

المشكله مذكرة هتان للاعوام السابقه اغلب اجاباته غلط للاسف
كثير اسئله حالها خطأ ومحد صححها

[FAHAD333]

السلام عليكم ورحمة الله وبركاته
اخواني وخواتي اسعد الله صباحكم بكل خير انا من اليوم وانا الاحظ كل شخص يحل الاسئله على كيفه عشان يقنع نفسه انه هو الصحيح
الاسئله اللي ذاكر والله يحلها كانت سهله بصراحه للمذاكر اما اللي ماذاكر فوالله صعبه
انا اشاهد حدود خمسة اسئله هي اللي كانت فقط مفبركه وكانت غامضه وهذا يعود للدكتوران عشان يعرفون من اللي يجيب الدرجه كامه من المذاكر واللي ماذاكر اللي ذاكر راح يجيب درجه النجاح اما الشخص اللي ماذاكر ماراح يجيب الدارجه المطلوبه

[FAHAD333]

المشاركة الأصلية كتبت بواسطة ام فصووولي

المشكله مذكرة هتان للاعوام السابقه اغلب اجاباته غلط للاسف
كثير اسئله حالها خطأ ومحد صححها

اختي اللي ذاكر مذكره هتان راح يلاحظ تكرار الاسئله وكل سؤال له جواب مختلف بس اغلبها كانت من كوزر ام عمر الله يستر عليها وكانت هي الصحيح انا حسب اسئله مطر 15 سوال من الاعوام السابقه بالنص ماعادا السوال اللي يقول فيه

هناك قاعد تقول ان استهلاك الاكسجين هو يدل على مستوى :: ماكمل السوال وقال نفس السوال اللي العام وهو
هناك قاعد تقول ان استهلاك الاكسجين يدل على مستوى اللياقة البدنية
السنه هذي خلك انت تطلب اللياقه البدنيه من الاختيارات
هنا كان اللف اغلب العالم حطه الخيار اللي كان صحيح في الاعوام السابقه وانكب هههههههههه ماكان مدققين

[reaching higher]

المشاركة الأصلية كتبت بواسطة fahad333

السلام عليكم ورحمة الله وبركاته
اخواني وخواتي اسعد الله صباحكم بكل خير انا من اليوم وانا الاحظ كل شخص يحل الاسئله على كيفه عشان يقنع نفسه انه هو الصحيح
الاسئله اللي ذاكر والله يحلها كانت سهله بصراحه للمذاكر اما اللي ماذاكر فوالله صعبه
انا اشاهد حدود خمسة اسئله هي اللي كانت فقط مفبركه وكانت غامضه وهذا يعود للدكتوران عشان يعرفون من اللي يجيب الدرجه كامه من المذاكر واللي ماذاكر اللي ذاكر راح يجيب درجه النجاح اما الشخص اللي ماذاكر ماراح يجيب الدارجه المطلوبه

هدا هو زبدة الحكي ........ قال داكروا من المحتوى و انا داكرت من المحتوى و تابعت المحاضرات بعد ؟؟ و مع دلك جاب اسئلة عن الوزن المثالي و اسئلة ماتطرق لها حتى في المحاضرات .. ليش؟

وبعدين التعميم يا خوي مو زين انت ماتدري عن ظروف كل الناس ليش تعمم؟؟ .. انا ان شاءاللة جايبه نسبة النجاح لكن مقهورة لاني تعبت و اجهدت نفسي من الفجر لين وقت متأخر بالليل اداكر ... و كنت خاتمتها من قبل الاختبارات ماتبدى بعد ... و درجاتي في كل المواد غير عن هالمادة لاني سمعت كلامة و تركت ملخص هتان .. انا مابي بس نجاح انا ابي حقي و تعبي اللي راح هبا منثورا

الدكتور سبب هالحوسة... هو اللي قال داكروا المحتوى فقط و اصر .. و حتى صياغة الاسئلة مو واضحة ماتدري وش يبي .. لازم تفهم السؤال قبل تقرا الاختيارات .. بدليل هالخربطة اللي صايره حتى بعد الامتحان .. اللي مداكر اسئلة هتان يعرف حلها حتى لو ما فهم الاسئلة ..

حسبي اللة و نعم الوكيل هدا اللي اقدر اقولة

[ام وليد 12]

خلاص الله يرحم والدينكم حتى لو حملناها هي والانقليزي وش بيتغير انبسططو بالاجازه واتركوها للمدبر سبحآنه يعني اذا مره مره حنزيد ترم فوق الاربع سنوات وحتمر ان شاء الله .. ارضو باللي يقسمه ربي لكم .. والحمدلله اولا واخير .. وماأتكلم من ثقه ترى انا زيكم ويمكن اكثر ومتأكده اني ماحليت زين .. بس اي شي من ربي الحمدلله وماتدرون لعل الله يحدث بعد ذلك امرا




اجازه سعيده ملؤها طاعة الرحمن

[رتوش M.M.M]

انا بعد اعتمدت علي اختبارات ملخص هتان جزاة الله خير ولاحظت الاختبارات السابقه تختلف اغلب الاسئله وهالسنه حاط اسئله موموجوده سابقا !!
شكلهم هالدكتورين يحبون يضيعون الطلاب ويحبون الغموض ....معقدين بالعربي عسي الله يعديها علينا بخير وسلامه ..... ويعطيهم علي قد فالهم في حياتهم

[شموخ ديار حاتم]

العفو اخ حسن والله نص ونص ماشي الحال
بس فيه سووووال افكر فيه نمت وصحيت وافكر
اللي هو اثنين عن دقات القلب للبالغين والثاني للاطفال
ياليت اللي عنده خبر يرد علي