شـــرح مبسط من بعد حصولك على الشهادة حتى تحصل على بطاقة التصنيف

[السوجن]

بسم الله الرحمن الرحيم

اسعد الله مسائكم بكل خير حقيقة كثير من الزملاء سبقونا بالفائدة جزاهم الله خير ولهم كل الشكر والتقدير ولكن حبيت اقدم مشاركة بأختصر عليكم الموضوع في نقاط بسيطة مع الشروط والطلبات
01 بعد حصولك على الشهادة خذ صورة من السجل الاكاديمي والشهادة مع الاساس وبعدها تروح الى هيئة التخصصات الطبية وسوف يقومون بتعبئة خطاب الطبيق ومدته (3) اشهر فقط وانت تختار المستشفى الي يعجبك
02 بعد الانتهاء من التطبيق في المستشفى تاخذ معك الخطاب يدويا مختم من قبل جهه التطبيق الى مقر هيئة التخصصات الطبية .
03 بيعطونك نموذج مكون من حوالي 6 اوراق تقوم بتعبئته واهم شي تتاكد منه هو الايميل لابد ان يكون مفعل وشغال لان كل شي بيكون علية بعدها ترفق معه صورة شخصية مع صورة من الشهادة والسجل الاكاديمي وصورة بطاقة الاحوال وتسدد المبلغ وقدرة (1345) ريال تقريبا عن طريق الشبكة لديهم .
05 بعدها الموظف يكون لك ملف فية جميع الاوراق الي قدمتها مرفق بها ايضا نسخة من ايصال السداد ويطبع لك برنت لدى شركة بيرسون عشان تحجز موعد الاختبار كذا بتكون انتهيت الي عليك من الهيئة وتنتظر حتى تجيك رسالة على الايميل من شركة بيرسون .

كذا بيكون انتهيت من الهيئة ومعاد ترجع لهم الا بعد اجتياز الاختبار

طريقة التسجيل في بيرسون

1- لابد ان يكون عندك بطاقة فيزاء التسوقية ومشحونه بقيمة (900 ) ريال قيمة الاختبار ملاحظة (البطائق حقت الراجحي الي مكتوب عليها فيزاء ما بتسدد لك )
2- بتجيك رسالة ايميل فيها اسم المستخدم وكلمة المرور ملاحظة ( الرسالة اذا ما جات على علبة البريد الوارد بتحصلها في البريد غير الهام يعني شيك على البريد مزبوط ) وادخل الموقع بالارقام المرسلة اليك.
3- تبداء التسجيل وطريقة التسجيل وضحها احد الاخوان بالصور في المنتدى بتحصلونها كل ما دخلت على صفحة من صفحات التسجيل واللغه عندك ضعيفة حول الصفحة باالغه العربية .
4 بعد الانتهاء من التسجيل بيجيك رسالة على الايميل بموعد الاختبار
5- بحط ايميلي اي شخص لدية مشكلة يتواصل معي على الايميل من باب المساعدة والخدمة (msms-1403@hotmail.com) .
6- يوم الاختبار احضر قبل الموعد بنصف ساعه عشان تبصم وتتصور وتهياء نفسك وبالتوفيق .


نصيحــــــــــــــــــــــــــــه .
بفضل من الله اجتزت الاختبار جبت 66سوال من 100 سوال اقل من 46 درجة يعتبر رسوب الاختبار كان جدا جدا صعب ليس للتخويف ولكن اعطيكم خبر عشان الواحد يستعد اسئلة متنوعه وترو الشغلة في الاسئلة حظ ونصيب يا تجيك متوسطة يا سهلة يا صعبة جدا انا جات اكثر من 30 سوال كلها مصطلحات 4 اسئلة احصاء وبقية الاسئلة كلها متشابهه وتعجيزية لا تعتمدون على ملخص الزهراني ما جاني منه الا سوالين لكن كمان انصحكم بمذاكرته لانك ما تبغى الا النجاح وسوال قد ينجحك او يرسبك فممكن ان هذا السوال تذاكرة من الملزمة ويفيدك عند الاجابة على الاسئلة حاول انك تكون مركز لانها اسئلة احياننا ما لها حل ركز ولا تستعجل واستنفذ وقتك كامل وهو 170 دقيقة هناك ايقونه كل ما اجبت على سوال وما انت متاكد منه اضغط عليها تقريبا تعطيك اشارة على السوال عشان تراجعه وتتاكد منه
اعتذر على التطويل ولكن يوم التسجيل تعبت عشان احصل معلومة تفيدني بخصوص الحصول على الاختبار والبطاقة اذا رسبت تعيد الاختبار بنفس المبلغ ب(900) ريال اذا رسبت 3 مرات يعيدون عليك التطبيق بعد ما تنتهي من الاختبار وينجح الجميع انشاء الله تذهب بنتيجة الاختبار الى الهيئة وتنتضر 7 ايام وتجي والبطاقة جاهزة لكم مني كل الشكر واتمنى لكم التوفيق والله يرعاكم ................

[دموووووع]

شكرا لك

بس عندي سؤال انا الان مقدمه على اختبار التصنيف فين احصل اسأله مفيده تساعدني للاختبار+ اختبار البيرسون مختلف عنه !! اخياري هو ولالازم !!!

[نا1يف]

الله يعطيك العافية اخوي على الشرح الوافي ......

لكن سؤالي كم المدة من تسليم نتيجة الاختبار و الحصول على التصنيف ؟

استلام التصنيف عن طريق الفرع او عن طريق الموقع ؟

تحياتي لك ......

[@فيصل@]

الله يعطيك العافية

[علاوي السعدون]

900 وين ياحبيبي 300 تقريبا او 350 الاختبار

[غداً نلتقي]

الف شكر لك