[ تجمع ] : إنطباعكم عن إختبار ( إدارة التغيير )

[هـــديـــل]

المادة جزئياتها متقاربه والدكتور الله يسامحه ماحب يسهلها خلاها متوسطه لكنه جاب من اسئلة السنوات اللي فاتت.. والحمدلله ع كل حال (وعسى ان تكرهوا شيء وهو خيرا لكم)


Sent from my iPhone using ملتقى فيصل

[بيتك هنآ]

المادة كمنهج سهلة لكن مشكلتها تشابه مواضيعها والمشكلة الاكبر هي من الدكتور حسبنا الله ونعم الوكيل اذا الدكتور هذا( يحضيه سملالي) درسكم الماده فاقول الله يعينكم عليه وعلى المنهج اتوقع هالدكتور وللاسف كثير يشتكون منه في هالماده وايضا السلوك التنظيمي للامانه درست عنده هالمادتين وللاسف الرجل غير مهني في تعامله من خلال الاسئلة وكمية التعقيد اللي يعمله واتوقع لو اني اخذ المنهج واحط مثل اسئلته ماراح يجيب الدرجة الكاملة، اذا استمر كذا في اسلوبه فانا انصح الواحد اللي يبي يجيب الدرجة الكاملة وكان من حظه السيء ان هالدكتور يدرسه انه ياكل المنهج ويحفظه اكثر من اسمه وهالماده تعتمد ع الحفظ ثم الحفظ ثم الحفظ ومافي مكان للفهم للاسف يبغونك مثل الالة بس تحفظ مايبون عقلك يفهم وتستنتج والخ وعلى طاري الالة ترا حتى بعض الالات صار فيها ذكاء اصطناعي والرجل هذا يبي فينا غباء اصطناعي من صنعه، وماينكب الواحد ويرجعه ورا غير مثل هالاشكال اللي تبغاك تعتمد ع الحفظ بدون ماتشغل مخك اتوقع في العلم الحديث فيما يخص الجامعات انهم دايما يحرصون ع التفكير والابداع والانتاج لكن بمثل تفكير هالشخص اللي وضع الاسئلة بياخرنا وينبسط اذا شافنا امة متاخرة لكن هيهات هيهات نقوله خسئت وخاب مسعاك اذا كانت نيتك انه محد يجيب الدرجة الكامله اللي الاغلب يطمح لها .. صراحه في مدرسين مايكفيك انك تكتب صفحة او صفحتين عنهم من اللي تشوفه منهم ، انا ماعندي مشكلة في انك تصعب الاسئلة او من بين السطور لكن انك تجيب اجوبة وتبي الاصح منها هنا اقول لك انت فيك خلل وهذه ليست مهنية ولو انك دكتور واعلى مني شهادة اقول وبكل ثقة انه يفتقد للمهنية، يعني في سؤال جاب اجابتين صح انا ماني عارف اي اجابه راح يحسبها صح واي وحده راح يسحب عليها وانا ايش ذنبي ان خياراتك كلها صح، يعني هالدكتور لاتقول بذاكر رؤوس اقلام معاهانا انصحك تذاكر كل كلمة في المنهج لانه اغلب اللي يجيبه في الاسئلة اشياء غير مهمة وهامشية لكن هو يتلذذ انه يجيبها في الاختبار ع العموم انا نفسي اعرف من اللي جاب a+ علشان اقول له انت مو بس اجتهدت انت جاهدت. مع هالدكتور مع اني اشك انه محد يقدر وليس تقليل من احد لكن الدكتور هذا نسال الله ان كان به مرض نفسي او علة ان يشفيه وان استمر على انتهاج ماهو عليه ان لايجعله يدرس اي مادة للطلاب ولو كان منهج المادة مكون من صفحتين.
للاسف بطبعي لا احب التشاؤم ولا احب المبالغة في اشي شيء لكن هالدكتور من الاستثنائات عندي. وفقكم الله وارجع واقول المادة سهلة ممكن تجي في يد دكتور ثاني ويخليك تقول اسهل ماده عندي

[T.MILANO]

صعبها علينا وبس

[هنادي إدارة]

المشاركة الأصلية كتبت بواسطة fahad alshehri

نبي نرفع اعتراض على هالاجرام يا جماعة

انا ارفع معك تظلم هاد دكتور لئيم وحاقد انا ما شفت بأسئلته غير اللئم والاصطياد بالماء العكر والتعمد انه يخلينا نفشل عشان يحس بلذة حرام يتسمى انسان

[ام عساف]

أزفت اختبار مر علي حتى دليم ما سوى سواته
مبادئ التغيير خصائص التغيير اهداف التغيير التغير الفعال ادارة التغيير الفعال!! وشو هذا ؟!!!!!!!!
وش هالخرابيط الله يصعب عليك كل يسر ولا يوفقك
اسألة تعمدية مافيها اي هدف مع اني وانا اذاكر كنت استنتج من المادة اشياء صارت في حياتنا والشركات الكبرى والدول ومبسوطه اني فاهمة المادة واخيراً عرفت خطوات التغيير وفكرة التغيير ككل

استسلمت في القاعة وصرت احل بالحظ وربك يستر .

[khaledz]

روعه وكان ختام الاختبارات الله يوفق الجميع ب احلى الدرجات

[اصراري نجاحي]

صعب وزفت ومنيل بستين نيلة
وابي صيغة تظلم لو سمحتوا

[ابوعبدالله147]

والله مدري مدري مدري

[وردة جورية]

الاختبار صح كان دقيق بس جمييييل