[ الرياضيات ] : بأنتقل من كلية بالجنوب الى كليتكم ...ساعدوني

[بنت العربي]

السلام عليكم

بأنتقل من كلية بالجنوب الى كلية العلوم تخصصي رياضيات
حابه اعرف المواد الي يدرسونها قسم الرياضيات من المستوى الاول الى الأخير

كيف اقدر اعرف جميع مواد قسم الرياضيات


الله يسعدكم و يوفقكم ساعدوني

[AMo_ON]

و عليكم السلام
ادخلي هالرابط و اختاري الخطه الدراسية و بتطلع لك خطة قسم الرياضيات
http://www.ud.edu.sa/ar/colleges/col...in-mathematics

و بالتوفيق :)

[أمجآاد]

اولا السلام عليكم و رحمة الله و بركاته ..
الله ييسر لك و يسهل لك التحويل ..
أنا توي محولة هذا الترم و عااانيييت كثير و لما شفت رسالتك تذكرتني العام ارسلت رساله بنفس وقتك و نفس كلامك .. ي الله

اولآ / أنا قسمي كيمياء بس بقول لك على تجربتي تستفيدين ..
المهم .. في اشياء كثييير بقول لك عليها .. أنا بعد من كلية بالجنوب كنت بسراة عبيدة .. و الدراسة كانت سهله مو مره يشدون ..

بس هنا بالدمام جد دراسة مو صعب بس مخلصين أكثر .. بس الحمد لله على الأقل تتخرجين و أنتي تستحقين ..

ثانيا / المبنى مرتب و حلو و نظيف ما شاء الله .. يعني ارتاحي من ناحيه المبنى ..
طبعا الكلية هي كلية علوم و أداب لها باب واحد لكن مباني كلية العلوم غير و الآداب غير ..

طبعا بما إنك رياضيات فتروحين لمباني كلية العلوم

كلية العلوم / هي تقريبا 9 مباني ما شاء الله .. مبنى كفتيريا .. و مبنى مستوصف و مركز الأمن .. و فيه مسجد و مبنى كلية تربية ما أدري أيش ما عمري رحت لها و 6 مباني للأقسام و المكاتب و القاعات ...

طبعا المبنى الأساسي اللي فيه مكتب العميدة و مكتب الخاص بالمحولات و الزائرات هو علوم 5 ( مكتوب على باب المبنى علوم 5 )


ثالثا / أهم شي تتابعين التقويم الأكاديمي هنا و تعرفين متى وقت التسجيل ( التحويل الخارجي )
http://www.ud.edu.sa/sites/default/f...-15-ar.2_0.pdf

طبعا قد نسيت متى لكن اتوقع ان تقديم الأوراق بشهر رمضان .. الأوراق المطلوبة ..
يعني اول شي تسجلين بالموقع حسب التاريخ .. و ألحقي لأن أعداد المحولين كبيرة لا تتأخرين
من هنا ..

http://www.ud.edu.sa/ar/administrati...sity-of-dammam

طبعا و تتابعين الطلب من وقت لوقت لحتى يردون لك في الموقع او يتصلون عليك اذا احتاجوا شي ..
أهممم شي السجل الأكاديمي تسوين منه أكثر من نسخة لأنك رح تحتاجينه و كمان توصيف المواد بعد مهم لازم نسخ ..

طبعا إذا قالوا إنهم قبلوك .. هنا تسحبين ملفك من جامعتك اللي قبل يعطونك ورقة طي قيد أو ما ادري ايش اسمها .. طبعا هذي ترسلينها لجامعة الدمام ( هي أهم شي أصلا ) ..

طبعا هذي الورقة عانييييت معها عشان ارسلها لهم .. بس الحمد لله

بعد كذا بيردون لك إذا بقي يحتاجون شي ..

رابعا / إن شاء الله إنك تنقبلين و تتيسر لك أمورك.. عاد ما ادري إذا بتنقبلين أو لا بس بكتب لك احتياط اخاف بعدين تسأليني أكون نسيت

خامسا / طبعا داااومي من أول اسبوع مم الدراسة ( تراهم يبدأون من يوووم الأحد جد أول يوم ما عندهم سحبه حتى البنات )
طبعا لأنك محولة فأول ترم مو عالكمبيوتر تسوين جدولك لا .. يعني هم بيقولون لك اسم فلانه تروحين لها تنسق لك جدول >>> و عانيت في هذي بعدد
طبعا تختارين مواد و تسوين جدول لك على كيفك .. بس تلقينهم معلقين جداول الإمتحانات النهائية ( تخيلي :( ) فأنتبهي تنزلين لك مادتين يكونون نفس اليوم في الإمتحانات النهائية ..

أهم شي تحتفظين بنسخ من ورقة المعادلة و الخطة الدراسية و كذا مهمم ..


طبعا لازم تلحقين لأنك لو تأخرتي تقفل الشعب .. طبعا و الله متفاهمين و طيبين لا تخافين و أغلب الموظفات اخلاق و الله مو أغلبهم إلا كلهم .. لكن ألحقيي عشان تلحقين معهم الدراسة و لا يفوتك شي ..

طبعا تعرفين رقمك الجامعي من هنا https://admitportal.ud.edu.sa/pages/udid.aspx

و تدخلين البلاك بورد
اسم المستخدم / رقمك الجامعي
كلمة المرور / ud@ سجلك المدني

و كمان نظام سجلات الطلاب نفس الشي أو أن كلمة المرور بس السجل المدني بدون ud@

طبعا الغياب تعرفينه من أستاذ المادة مو زي جامعة الملك خالد الله يستر عليها ينزلونه لك بموقع الجامعه ..

طبعا فيه أشياء كثييير مختلفة .. فإذا في أي شي ببالك أسأليي عادي الطالبات أو الموظفات ..

طبعا البطاقة الجامعية .. تروحين لمركز الأمن و تقولين لهم إنك محولة و تبين بطاقة .. طبعا أسألي البنات و بيدلونك على مكتب مركز الأمن و بعدين بيرسلو لك رساله على جوالك تجين تستلمينها ..

طبعا في شي مهم و اللي هو الإعلانات لازم تشوفينها كل ثلاث ايام .. اللي عالحيطان و اللي بشاشات التلفزيون و كهذا .. عشان المحولات أو أي خبر مهم عشان ما يفوتك ..

طبعا أنا كيمياء .. و أشوف طالبات الرياضيات .. مبنى قسم الرياضيات علوم 4 .. أحسهم دوافير ..

طبعا .. قارني بين خطتك في جامعة الملك خالد و بين الخطة هنا .. عشان تشوفين ايش ممكن يعادلون لك ..

طبعا إذا أنتي درستي مثلا إحصاء ساعيتن و هنا بجامعة الدمام نظامهم 3 ساعات ما يعادلون لك المادة

و إذا مادة مو موجودة بجامعة الملك خالد و موجودة عندهم تدرسينها حتى لو كانت في سنة التحضيري ..

بس حاااولي تجيبييين معدل عشان يقبلونك إن شاء الله ..

ما أدري إذا نسيت شي .. بس على كل حال .. الله يوفقك و ييسر لك و يسهل لك..

ترى ما أدخل المنتدى كثيرر .. إيه تذكرت .. لازم تشيكين على المنتدى هنا لأن الطالبات ينزلون أشياء مهمه مثل جداول الإختبارات و رأيهم في الدكاترة و كذااا ..

و لا تنسيني من دعواتكك في كل شي بالدنيا و الآخرة .. تكفين

و إلى اللقاء