[ استفسار ] شكرا د / فهد الخريف

[عسكري طموح]

الله يوفقه دنيا وآخره دكتور ( فهد الخريف ) ماقصر وسهلها علينا الله يسهل عليه اموره دنيا وآخره

[محمد العطاوي]

الله يسعده دنيا وآخره

[غايتي الجنه]

قلب الموازيين الله يجزاه خير
ماااقصر

[3ANKTTAFIK]

المشاركة الأصلية كتبت بواسطة غايتي الجنه

قلب الموازيين الله يجزاه خير
ماااقصر

الحمد لله ع كل حال , القطاوة للبيع ههه .

[أخر رسالة]

.

[alamere911]

المشاركة الأصلية كتبت بواسطة أخر رسالة

الله لايسامحه جاب العلماء لنا وحسبنا الله ونعم الوكيل عليه هذا باختصار خروف المفروض يساعدنا لايلف ولا يدور قفل معي عشان العلماء
واللي يقول سهله لايجامل
الله لايوفقه لادنيا ولا اخره ولدعي عليه في رمضان

ياخي اتق الله يعني معقول نظريات علماء وكل المنهج علماء ونظريات وما تبغاه يجيب علماء !!

حدث العاقل بما يعقل ياخي الموضوع ليس مجامله وفعلا الدكتور بيضها
وما اعتقد احد راح يفتح موضوع وهو متضرر عشان يجامل الا انه فعلا الاختبار كان عكس المتوقع

[alamere911]

وفوق هذا نسأل الله ان يوفقك ويوفق جميع الزملا والزميلات

وان يصيب معك الحظ وتتجاوز هذه الماده

[احساس نور]

وجهة نظر :)

السلام عليكم اولا اشكر كل الطلاب الطالبات في هذا الصرح العظيم على جهودهم الجباره وهذا كله بفضل لله
ثانيا من ناحية الاختبار جدا سهل وكله من اختبارات العام ومن ناحية فاتحين الجولات والاسئله ليه كل هالاتهامات ماانكر فيه فئه تغش بنفس الطريقه ذي او باخرى.. من ناحية الغش لما تقولون هياط ومجامله ليه من يجامل ع حساب نفسه بالعقل واجامل من بالله واهايط ليه وعلشان من اذا قصدكم على عشان الدكتور وش هالعلاقه اللي تربطنا فيه علشان نجامله ونهايط له؟؟؟ واسلوبه معرووف من دخلنا الجامعه واذا حذف وجاب الترم اللي راح سوا نفس الطريقه ليه مستغربين منه
وبعدين كل اللي قال سهل ناس مذاكره صح وانا منهم ماانكر اني كنت خايفه منه الدكتور ومن اسئلته بس ذاكرات وعطيت كل ماعندي وتوكلت على رب العالمين
ادري الحين بيجي كم مدرعم بيقول انتي تقربين لدكتور هههههههه
بس يشهد علي ربي ماقلت غير كلمة الحق لاني مسؤوله اماام الله عن كلمه اكتبها او اقولها \
اخر شي مااقول الا الله يوفقكم ويسعدكم ويهديكم ويهديني الي صراط الحق اللهم امين

[aboalfhad]

السلام عليكم
الدكتور فهد الخريف من افضل الدكاتره في الجامعة رائع في كل شي في اسئلته وفي تعاونه معنا ترسل له على الايميل يجاوبك على طول مع العلم كثرة الطلاب والطالبات اللي يرسلون له وكثرة المواد اللي يدرسها شكرا دكتور فهد مثال المعلم الناجح

[مدير الشرطة]

جزاك الله خير يالخريف
ختامها مسك
إن شاء الله
جزاكم الله خير ايها الطلاب والطالبات
على ما قدمتموه لنا من مواضيع ومشاركات
تحياتي لكم جميعا
دمتم بحفظ الله ورعايته