[ آإلتـُربية آإلخآإصة ] " ح‘ـيآ آ آ آ ڪم ھۈۈڹآإ تـُجمعڹآإ =) ..~

[ابو دالين]

يهز غصن الرجاء نسناس

وأنا اجمع الدمع من خده

لازلت احس بتعب واعماس

يعاود البال من مده

لاباس ياخاطري لاباس

السيف مايجرحه حده

والقلب لولا عليه اقواس

لا فز بعروقه تصده

يمديه لاهزه الهوجاس

يشقق الصدر ويقده

لي صاحب ناعم حساس

اغليه بالحيل واوده

يقول لي في حشاه إحساس

مانيب كبره ولا قده

ويقول احبك واحس بياس

والأمر ماهوب في يده

قلت أه يالمطرق المياس

من طاري البعد والصده

في عيونه عيونه النعاس

يبني لي الشوق ويهده

والظبي والليل والقرناس

وما لا أقدر احصيه واعده

ياليتي اجمع قلوب الناس

أشباه والضد مع ضده

واحبك بها بدون اقياس

لين العمر ينتهي حده

يازين ما في البعاد اوناس

ان كان لي كفك تمده

عطني لعيني بعدك انعاس

لا تاخذ النوم وتلده

وعطني لنسيانك الاجراس

وقلبي على مهجته رده

وأنا اوعدك واوعد القرطاس

بالحب في اللين والشده

ذكر

تربية خاصة

وفي خدمتكم

[صوت الحلم]

مسائكم ورد



ملل يا عالم

ودي يعطوني كلمة المرور

علشان ادخل واشوف

متى تتوقعون يعطونا وياهم



؟؟؟؟؟؟؟

[نجمة الليل!]

السلام عليكم
بنت
تربيه خاصه
من بريده
والله مو عارفه شي ولاادري انا وين
خاف الدراسه كل يوم ولازم حضور ويكون هالشي صعب على وضعي
يااااارب توفيقك
شو نظامكم ؟ وشلون خاف حضور ومحاضرات من الصباح وكل وقتي على النت
والمذكرات من وين نشريها ؟
وضحو لنا والله ضايعه

[صوت الحلم]

وعليكم السلام

نجمة الليل لا تخافي ولا تحاتي

انا مستجده هالترم مصلي مثلك بس بجاوب عليك باللي اعرفه


ان شاء الله كل شي سهل وراح تتعودي على النظام

مو لازم حظور المحاضرات في وقتها هي تنزل مسجلة وهي تقريباً 14 محاضرة لكل مادة في الترم

لكن عليك انك تشوفيها كلها وقت اللي يناسبك

علشان تاخذي الدرجات

وأما المحاضرات المباشرة يعلنوا عنها قبل فترة وهاذي المباشرة في حال صار عندك اسئلة تسالي الدكاترة ومو شرط بعد حضورك راح بعد تنزل مسجلة تشوفيها وتستفيدي منها

وفي واجبين بس لكل مادة في الترم عليك تحليهم وتاخذي الدرجات

وبعد منتدى للحوار شاركي فيه الوقت اللي تفضين وتاخذين درجات

عندك 30 درجة قبل الامتحان تقدرين تكسبينها من المحاضرات وحل الواجبات والمشاركة والاختبار النهائي من 70

ولو تفضي حالك كل يوم ساعتين او حتى اقل راح تمشي تمام وتكوني متابعة اول بأول وعلشان لا تتراكم عليك للنهاية




أما المذاكرة من وين مع كل محاضرة ينزل محتوى كل اللي عليك جمعي المحتوى لكل المحاضرات واطبعيه بعدين وذاكري منه وفي بعد دكاترة يطلبون كتب مو كلهم لكن

وان شاء الله ما راح تضيعي واحنا هني كلنا اخوانك واخواتك بنساعدك

[نجمة الليل!]

ربي يخليك ويسعدك اختي صوت الحلم
وشكرراا لك لرووحك الطيبه والله ريحني كلامك وحسيت الموضوع سهل
ايه بنكووووووون يد وحده ان شاء الله انا وانتي ولكل بنت بتنضم معنا
يداااا بيد بناصل للي نبي

[ولد ابو متعب]

انا

[صوت الحلم]

المشاركة الأصلية كتبت بواسطة @نجمة الليل@

ربي يخليك ويسعدك اختي صوت الحلم
وشكرراا لك لرووحك الطيبه والله ريحني كلامك وحسيت الموضوع سهل
ايه بنكووووووون يد وحده ان شاء الله انا وانتي ولكل بنت بتنضم معنا
يداااا بيد بناصل للي نبي

العفو عزيزتي



خلك متفائلة والموضوع ان شاء الله اكيد سهل

المهم انت لا تفكري ولا تصعبيه على نفسك

دام ودك تكملي دراستك وتتخرجي ان شاء الله وعندكم صبر وعزيمة

واهم شي خصصي لك وقت للدراسة ولا تراكمي كل شي للاخير

وبعدين تضغطي على روحك




بالتوفيق لك عزيزتي

[صوت الحلم]

المشاركة الأصلية كتبت بواسطة ولد ابو متعب

انا

حياك ولد بو متعب

شاي لو قهوة

[أملي بربي]

مرحبا صبايا
أن تربيه خاصه قبلت ولله الحمد
لكني أم ومتردده وش تنصحوني
أكمل أو أسحب اللي عندها تجارب تفيدني
الله يوفق الجميع

[صوت الحلم]

المشاركة الأصلية كتبت بواسطة أملي بربي

مرحبا صبايا
مراحب
أن تربيه خاصه قبلت ولله الحمد
مبروك القبول ياحلوة
لكني أم ومتردده وش تنصحوني
أكمل أو أسحب اللي عندها تجارب تفيدني
الله يوفق الجميع

عزيزتي
ليش مترددة طلع لك قبول في مكان ثاني مثلاً ؟؟؟

ان اقول لا تنسحبين فرصة لك جئت وغيرك يتمنى ينقبل بعد

محد يقدر يقرر عنك انت جربي وشوفي

ما راح تخسري شي من التجربة

لا تنسحبي وانتِ بعدك ما جربتِ

بس لو طالع لك قبول بمكان ثاني وتحسيه افضل توكلي على الله

بالتوفيق