رايكم في هاشم الشيخ

[فتى الخبر]

بليييز نازله عنده الرياضيات العامه ومافي الا هو اللي يعرفه ولا درس عنده يخبرني اسالته واسلوبه وتعامله واي شي عنه وبانتضار ردودكم تكفوووون

[ولـيـف الـروح]

ياهلا اخوي ....

انا خذت عند الدكتور مادتين رياضيات2 , ورياضيات لمعلم التربية الخاصة

الحق يقال ..

أن الدكتور قمة في الرقي مع التعامل مع الطلاب ...

لكن مثل مايقولون مافي احد كامل لازم عيوب ..

ابرز عيوبه ان منهجه طويل وغير واضح ولاتدري من اين يجيب الاسئلة ..

فالله يعينك تشد حيلك بالمادة ..

من ناحية التعامل لاتحاتي الدكتور مثثل ماقلت وهذه شهادة حق قمة في الاخلاق والتعامل واحترام الطالب

[قلّ دبرهـ]

أنا مع الأخ وليف الروح

من جد الدكتور مره رووعه في التعاامل

أنا أدرس عنده الحين رياضيات لمعلم التربيه الخاصه

شرحه مره حلو وغير كذا الدكتور مره حقاااني يعني ماتحاتي انك تظلم عنده

مهمه عنده الواجبات فحاول يكون الواجب حقك مميز لانه يقرا كل شي .. فاذا كان مميز راح تبرز عنده

لانه قبل فتره قال لنا .. الطالبه المميزه بالواجبات راح أضيف لها 5 درجات للاختبار النصفي

يعني شي مره حلو 5 درجات غير درجات الواجب ودرجات المشاركه ...


انا كانو محذريني منه انو يخوف وكذا بس بالعكس أبد مايخوف وعلى حسب علمي يقولون انه تغير على سنتنا للأفضل

بالنسبه للاختبارات حقته تعتمد ع الفهم أكثر من الحفظ .. يعني أغلب أسئلته .. وش رايك ووش نظرتك واشرح هذا طبعا بالنسبه للأسئله النصفيه اما النهائيه للحين ماجربته


يعني باختصار شد حيلك عنده وبتاخذ حقك وزود

[فتى الخبر]

وليف الروح
قل دبرهـ
يسلمووووو طمنتوني يسعدكم ربي ويخليكم شكرا شكرا
وودي تطمنونا اكثر بدرجاتو ويرسب ولا لا

[قلّ دبرهـ]

^
^

قلت لك الدكتور صعب في الاختبار
لكن الاهم انه حقاني

يعني ذاكر زين وشد حيلك وبتاخذ حقك ..

[مستغرب]

اقول يمديك تكلم دكتور ثاني اذا انت متخوف وتنقل لشعبته

لكن على كلام الأخوه انا افضل نوعية الدكتور هاشم على غيره
لأن شرحه وافي وهذا بحد ذاته يخليك تستوعب وتفهم بالراحه
وعلى قد اجتهادك راح تتفنن في الدرجات !

فيه عندنا دكتور ... الله يستر عليه يقول انا بزيد كل واحد ماغاب عندي 10 درجات
وكل هذا لأن الطلاب ماعرفوا طريقة أسألته وش الصح ووين الخطا ..

هو ما يدرس رياضيات لكن أسلوبه جداً سيء في الإختبارات وما تعرف وش تذاكر عنده
وعلى النقيض تماما درسني دكتور معروف بشرحه الوافي
وقمة إهتمامه لكل شارده ووارده في بال الطالب ويحرص على الطلاب حضور الساعات المكتبيه
إن كان فيه شي مستصعب عليهم ..

وفوق هذا عنده منهاج واضح جداً مثل وضوح الشمس بإمكان كل طالب مجرد القراءه عليه
فهم كل ما يدور حوله .. وهذا كله يرجع لسلاسة شرح الدكتور وطريقة توصيله للمعلومه الراقيه والجميله

انا افضل اجتهد عند دكتور وآخذ معه درجتي المستحقه على اني اروح مع دكتور ثاني وامشي بالبركه !
ياخي حتى الإحترام توجهه بشكل أكبر للي يحترمك أنت ويحترم وقته ويعطي كل ذي حق حقه ..

بالتوفيق لك

[لطوفي]

انا اخذت عنده رياضيات عامه .. يعني نفس مادتك ..

بصراحه الدكتور قمه في الرقي والروعه ..

سواء بالتعامل أو في الاسلوب ..

والمنهج سهل جدا وخصوصا أنه عمليات حسابيه سهله ..

والدكتور شرحه جدا متميز .. واسألته جدا سهله .. بس تحتاج وحده ماشيه معاه صح ..

ولكن العيب فيه هو واجباته لانه تتطلب تميز ..

والحمد الله انا خذت على الواجب 22من 20 يعني درجتين زياده وضافهم لي في النهائي يعني
مايضلم ولكنه يزيد ..

بأختصار ارقى منه ماشفت

[فتى الخبر]

شكرا قل دبرهـ وشكرا مستغرب
وصدق مستغرب كلامك صح ومقنع واهم حاجه اجتهاد الطالب ومتابعتو للدكتور

[فتى الخبر]

المشاركة الأصلية كتبت بواسطة لطوفي

انا اخذت عنده رياضيات عامه .. يعني نفس مادتك ..

بصراحه الدكتور قمه في الرقي والروعه ..

سواء بالتعامل أو في الاسلوب ..
شكرا طمنتيني ربي يسعدك


والمنهج سهل جدا وخصوصا أنه عمليات حسابيه سهله ..

والدكتور شرحه جدا متميز .. واسألته جدا سهله .. بس تحتاج وحده ماشيه معاه صح ..
الحمدلله ...............

ولكن العيب فيه هو واجباته لانه تتطلب تميز ..
يعني صعبه كثير ولا طويله؟؟؟!!

والحمد الله انا خذت على الواجب 22من 20 يعني درجتين زياده وضافهم لي في النهائي يعني
مايضلم ولكنه يزيد ..

بأختصار ارقى منه ماشفت

الحمدلله شكرا كثيرا لكي..............

........................................

[ضب فوشي]

انا اخذت عنده رياضيات واحد تعامله يججججن
بس محاضراته شوي فيه رعب لانه يقوم على كيفة ولازم كلن منتبه

وقالنا سو بحث اشتركت انا وربعي فيه ( كان البحث عباره عن جميع مراجع الرياضيات في المكتبه العامه )
تتوقع كم عطانا من درجه
10 درجات :066:
وكان وا في محاضرتنا يحب يسولف عن ولده وولد اخوه انهم اذكيا :150: طبعا عليه

والواجب الي يعطيك ايا اكتبه بترتيب وتنظيم وتفلسف ( يعني سو عمرك تعرف عربي وحط آيه في البحث واستدل على أي شي موجود فديو صور أي شي لأنه يموت في البحوث )
ويخلي زوجته تقرا معه
ياحبيله هالجداوي كان الفصل معه ممتع
والللحين بأخذ عنده ما ده والللله يوفقني ويييوفقك
:c8: يوه ذكرت ترى:c8: كل الناس يعطيهم ايه ولا بي بلاس والي يتفلسف ويحفظ اسمه يضمن انه يآخذ درجه كويسه
وفي الإختبار انتبه تراه يكتب السؤال ويحطلك لك وراى صفحه فاضية هوامش وهاذا اكثر شي يقهر عشان ان جيت تختار مو تختار وبس لازم توضح الطريقه الي اخترت فيها

وبس ادري هذرتي كثيره بس ولا يهمك كله في سبيل الوطن شدخل قصدي في سبيل العلم
سي يو