[ شعر ] : ويلك من الله كيف بالحب ضحيت ..

[₪ حـكـاية روح|~]

المشاركة الأصلية كتبت بواسطة رفيع الراس

ابيات وااااافيه:cry111:

لكن بصراحه يشهد علي اللــــــــه انك احزنتيني

وتعكر مزاجي عقب هالابيات ....... الله يعينهم والله يعوض اخوك باللي احسن منها

تقبلي مروري..

ما عاش من يكدر مزاجك .. وكل شي مكتوب لنا

والله يسمع منك .. اسعدني تواجدك

نورت

[₪ حـكـاية روح|~]

المشاركة الأصلية كتبت بواسطة حلم وتحقق

هذي الدنيا غريبـــــــــــــــــــــــــــــــــــــــه ماحد فيها مرتاح
أحزنتني السالفه وربي دمعت عيني عليهم لاكن ودي انه صبرأعرف لك وحده لها اللحين ثلاث سنين من ليلة زواجها لدرجةانها تلبست (بسم الله عالجميع )وتحمل زوجها معاها كل مايخطرلك على بال من مصائب عافانا الله وإياكم مماابتلاهم واللحين ولله الحمد والمنه طيبه ومافيها شي ماينقصهم إلاالذريه الله يرزقهم .
العبره شكل أخوك ميت فيها بس الله يهديه ماصبروهذي مشكلت شبابنا وبناتنا الله يهديهم حاولو تصلحون الأمور وإذاتقرب لك وصيها بالمسك الأسود أنصحكم به عن تجربه شخصيه بعد الله والرقيه الشرعيه والدنيا ماتجي بيوم وليله الله يكتب لهم اللي فيه خير.
تقبلي مروري

اهلها ما رضيوو .. يقولون دام مرضها من زوجها

خلوه يطلقها وترتاح ..

والا لو عليه كان قعد ينتظر لـ اخر لحظه

الله يسعدك شاكره لك تواجدك ومشاركتك

وراح اقولهم ع المسك .. الله يجزاك الجنه

[ثامر المطيري]

المشاركة الأصلية كتبت بواسطة ملاك الغامدي

[ALIGN=CENTER][TABLE1="width:80%;background-color:gray;"][CELL="filter:;"][ALIGN=center]

السلام عليكم ورحمة الله وبركاته ~

مســائكم ورد ..

... بعد محاولات دامت 8 شهور في علاج زوجة اخوي من الحسد والعين ..

للاسف كلها بــئت بالفشل .. فـ كان الحل الاخير هو الطلاق ..

قبل امس طلقها .. بعد قصة حب طويله ..

.. بعد ما انتشر خبر الطلاق ارسل لنا ع جوالاتنا هـ الابيات ..

بصراحه كان لها وقع محزن علينا ..

ودعـتك الله لـو على قلبي اخطيت
وحـاربتني مـن دون ذنب وخطيّه

احسبك تذكرني إذا اصبحت وامسيت
واثـرك عـلى فـرقاي نفسك هنيّه

الله واكـبر كـيف عـنّي تـخلّيت
مـن بـعد ما علقت روحي البريّه

وش غـيّرك وش بدّلك ليه صدّيت
وانـت الـذي بالقلب نبض وهويّه

مـن هو بقى لي بعدما عنّي اقفيت
وقـدمـتني لـلحزن اثـمن هـديّه

كـل شـي تـخيلته ولا يـوم ظـنيت
إنـك لـحد غـيري ولانـتاب ليّه

ويـلك من الله كيف بالحب ضحّيت
قـلبك حـجر مـا حـنّ يومٍ عليّه

الـلي بـنينا بْـعمر في يوم هدّيت
واحـلامنا مـا عـاد مـنها بـقيّه

اتـعـد غـلطاتي إذا يـوم زلـيت
من دون مدري .. وين ذيك الحميّه

مـافيه مـعصوم الخطا لو تحريت
ولا فـيه كـامل غـير رب البريّه

ولو ما احبك ما نشدتك ولا اطريت
بـعدك وصـدك وانـتخيتك نـخيّه

تـرجع لـقلبٍ يـوم بالعقل حبيت
وتـترك هـل الأحقاد واهل الوشيّه

خـايف عـليك وخايفٍ منك ياليت
مـايوم حـبيتك وصـرت الضحيّه

لا نـيب حـي بعد هجرك ولا ميت
ولا نـي مـريض ينعرف بالشكيّه

لـكـني ادرى بـحالتي لا تـرديت
ولا يـنفع الـملتاع طـبه وكـيّه

مـالي سـوى اللي كلما راح ناديت
يـا كـود يـسمعني ويـرجع اليـه

[/ALIGN][/CELL][/TABLE1][/ALIGN]

تبكي صراحه

ابيات قويه تدل على حزن ان شاء الله ربي يعوضه خير وهذي الدنيا

[₪ حـكـاية روح|~]

المشاركة الأصلية كتبت بواسطة صمتي جنون

الله يعوض اخوك بالى احسن منها يارب


مودتي ~

اللهم امين ..

اسعدني تواااجدك ..

نورتي

[يآرب وفقني]

..

آنصح بأي شخصين يحبون بعض يكون آلحب بينهم ولآينتشر

للاسف فيه الكثير اللي مآيذكر الله وتلقين قلبه مليآن حسد وحقد آستغفرالله ويجيك بطرق مختلفه عشآن يخرب

حسبي الله ونعم الوكيل .. الله يعوضهم خير ان شاء الله ..

ضآق صدري والله :(

من عقب ما كانوا على عز و صيت..... مثل قيس المـلوح وليـلى العامريه
واليوم كلن طوى حبله وانخرب بيت.... يالله تعوضـهم وتجبـرهم سويه

عسى آن تكرهو شيء وهو خير لكم ..
مكتوب وآنا آختك :(


الله يعوضه خير

[برق الحيا]

قصيدة مؤثرة طالعه من قلب مجروح
الله يعوضه الي اطيب منها وتسعده
فيه بعض المشاكل الزوجية مالها حل الا الطلاق
وكلهم مايدرون وش الخيرة فيه يكون الله رايدلهم الخير
بعد الطلاق والي نيته زينه منهم يبي يوفقه الله ويعوضه

[عشقهآ شمآلي]

,,

عسىآآه خير خير

قسمته ونصيبه وعسىآ ربي يعافيهآ ويردهآ له يَ يارب ..


دمتي بـ ود ملوؤكه ..

..

[الــغـــدراء]

عسى الله ان يعوضه بخيرمنها ويرزقه وهي كذلك لان ابغض الحلال عند الله الطلاق !!!
وذكرتيني يا ملاك صديقي قبل اسبوعين بحضوره زواج زوجته السابقة وله منها طفلان !!! حزنت والله العبره خانقتني

كما أحب أن أنبه هنا إلى أنه ليس كل خلاف يقع بين الزوجين بسبب السحر ، عَنْ جَابِرٍ قَالَ قَالَ رَسُولُ اللَّهِ صلى الله عليه وسلم إِنَّ إِبْلِيسَ يَضَعُ عَرْشَهُ عَلَى الْمَاءِ ثُمَّ يَبْعَثُ سَرَايَاهُ فَأَدْنَاهُمْ مِنْهُ مَنْزِلَةً أَعْظَمُهُمْ فِتْنَةً يَجِيءُ أَحَدُهُمْ فَيَقُولُ فَعَلْتُ كَذَا وَكَذَا فَيَقُولُ مَا صَنَعْتَ شَيْئًا قَالَ ثُمَّ يَجِيءُ أَحَدُهُمْ فَيَقُولُ مَا تَرَكْتُهُ حَتَّى فَرَّقْتُ بَيْنَهُ وَبَيْنَ امْرَأَتِهِ قَالَ فَيُدْنِيهِ مِنْهُ وَيَقُولُ نِعْمَ أَنْتَ قَالَ الاعْمَشُ أُرَاهُ قَالَ فَيَلْتَزِمُهُ . رواه مسلم

[المرآم]

ابيات حزينه ومؤلمه للغاية

الله يعوضهم يارب

ويجازي اللي كان السبب

مودتي/،،

[₪ حـكـاية روح|~]

المشاركة الأصلية كتبت بواسطة الشاااامخ

تفاعل مع الموضوع --احببت اشارك بهاذه الابيات لانها فعلا احزنتني

ملاك خذي المكتوب لو كـان ابطـيت ......السالفه رمح مغزى وقفة سريه
من حر جاشي ابني مع البيت بيت......الحبر طلقه والقلم ..... بندقيه
الله مـن جـور الـزمـن والـتناهيـت..... .والله من بلوى تعاقب......سنيه
كـم واحـد لاهـوب حـي و لا ميـت.......في الماقـف الغصـاب يضهد خويه
غصب تجـي ماهـي تعمـد ـوياليت....... ولا يلـحقـه شـرهـه ولا منقـديه
مجـبور ما فـي علاجـك تمـاديـت ..... .وحكم النظر فوق حكم المشيه (لو ان شي سبق
يا مفـرق الخـلان كيـف سـويت....... طق الفـراق ما بـين رجـل وصبـيه
من عقب ما كانوا على عز و صيت..... مثل قيس المـلوح وليـلى العامريه
واليوم كلن طوى حبله وانخرب بيت.... يالله تعوضـهم وتجبـرهم سويه
هاذا ما طرالي يا النشاما وغنيت ...... ابيـات شعـر من ضميـري نقيـه

عساك ماتحزن ع غالي

وصح لسانك يا اخوي

ولاهنت