طالب يهاجم جامعة الملك فيصل بقصيدة !!

[يرضيني المقسوم]

انا فهمتها انه ممثل لنا

عموماً مهوب سالم من العذاريب
يعني اذا صار ممثل ياخذ راحته يقول اللي يبي ياخي ماجازت له الجامعه يضف عفشه يروح يدرس في جامعات باكستان
صار ممثل خلاص بسب الجامعه على كيفيه ,, شكله مايدري ان فيه طلاب من الخليج مسجلين فيها
الا يارجال بزر ورزوه في قناة , ممثل وطالب وشاعر وكل شي ياخي مشكله هالاوادم مابعد اثبت شخصيته الى الحين ما مسك جاده .
طيب دام انك يالناصر ودك تصير شاعر وطالع في قناة خل اي واحد يوزن لك القصيده عشان يحترمونك الناس ولا تجيب الحتسي لعمرك
اخيراً / وش تحس به

[amani.m]

[يرضيني المقسوم]

مشكله اذا ماهضمت احد

نقزت للسنافي قوقل نشوف وش عند هالحبيب
طلع ممثل + منشد + ومؤلف + ويقول لي في الاخراج والتصوير
والحين صار شاعر !!!!!!!
طبعاً هذا الــ cv حقه في المنتدى هو ا للي كاتبه
نسخ ولصق

عن الممثل عبدالله الناصر
السيرة الذاتية
ممثل ومنشد ومؤلف ولي في الاخراج والتصوير
البلد
الدوادمي
الاهتمامات
السباحة والتمثيل والانشاد
المهنة
طالب
عاد رحت ادور له اناشيد في اليوتيوب الله يجزاه خير ويعطيه على نيته ( كلش ولا الدين ما حب اجيه ابد الله يثبتنا وياه على طاعته )

الصوت <<<< ماراح اعلق
والتنيسق <<< برضو
واللي يردون معه ( الكومبارس) <<< برضو
المهم كنهم تاكين في ملحق
الزبده دريت ان مافي الحمض احد وعطيناه اكبر من احجمه
خلاص حامت تسبدي من الموضوع

[ســالم !!]

اخوي يرضيني المقسوم

ترا اللي نتفته من اليوم معانا بالمنتدى
وهو نفسه اللي منزل الموضوع يعني ارفق شوي

<=-- مايولعها ابد

[يـوسـف]

خلوها خلوها

ياهيه ياللي قصيدتك مافيه اخيس منها

ابياتك متلويه تروح وترجع ذكرتني برجليني يوم اني العب حجله

[moly]

ابقول رايي بصراحة بقصيدتك
فااشلة جدا جدا بغض النظر عن محتواها بس ناقصة مو بنفس القافية
معليش مع احترامي لك لا عاد تكتب
خلك بدراستك وبتنجح

[gєℓηαя]

انا تخصصي ما يخصكم صحييح وهو الانجليزي بس هو ما غلطصحيح الجامعه قطعتنا


انا شاطره بل ممتازة في الانجليزي

رسبت في مادة الانشاء والتعببير 1


في 4 درجات انا واثقه من حلي وراجعت الحلول في الكتاب وراجعت مع البنات ورفعت تظلم ورحت للجامعه


لكن لا حياة لمن تنادي


هو ما ظلم الجامعه بالعكس قال الحق

انا معه قلبا وغالبا

[محمد آل فهاد]

انا مستغرب هالهجوم على عبدالله الناصر وهذا نحن من بداية الاختبارات نكتب ونتكلم عن جامعة الملك فيصل إلى درجة ان الصحافه تكلمت عن مشكلة الطلاب من البلاك بورد وعن خروج بعض الدكاتره عن محتوى المنهج مثلما حصل هالترم أو ان عبدالله اورد شكواه على شكل قصيده فعلا كلام عبدالله صحيح مع العلم بان قصيدته غير موزونه نهائيا ولكن محتواها ومضمونها واضح وهو ما يعانيه الطلاب والطالبات واي شخص منكم لا يقدر ينكر كثرة الاعطال في البلاك بورد وفي صعوبة الاسئله هذا اذا لم تكن خارج المنهج بعد فلماذا الهجوم على عبدالله الناصر رغما والله العظيم انني لا اعرف عن هذا الشخص اي شيء ولا لي به اي علاقه إلا انني عرفت انه ممثل من خلال كتاباتكم فقط لكن الحق يقال وشكرا للجميع

[ابو فيصل الحربي]

هذا بالقوه بيصيير شاعر ولا فهموني من اللي لعب عليه
وقال له انت شاعر
وقال له انت منشد منشد

[سعد العماوي]

هذي سالفه والا قصيده عز الله حاس ام الشعر لكن جهود الجامعه طيبه ولا نغفل عن المعامله الطيبه لكثير من منسوبي العماده حفظكم الله